શિયાળામાં તલ ખાવા આરોગ્ય માટે ફાયદાકારક છે. તો આજે અમે તમારા માટે તલની રેસીપી લઇને આવ્યા છીએ. ખાસ કરીને ઉતરાયણ આડે ગણતરીના દિવસ બાકી છે ત્યારે આ દિવસે તલના લાડુ બનાવવામાં આવે છે, જો કે મોટાભાગે લોકો બહારથી તૈયાર લાડુ લઈ લેતા હોય છે પરંતુ આ વર્ષે તમે બહાર જેવા જ સ્વાદિષ્ટ લાડુ ઘરે બનાવી શકો છો. તો ચાલો જોઇએ કેવી રીતે બનાવાય તલના લાડું.
સામગ્રી
સફેદ તલ 2 કપ (250 ગ્રામ)
ગોળ 1 કપ (250 ગ્રામ)
કાજુ 2 ચમચી
બદામ 2 ચમચી
એલચી પાવડર જરૂર અનુસાર
ઘી 2 ચમચી
બનાવવાની રીત
સૌથી પહેલા તમે એક પેનમાં તલને શેકી લો.તલ બ્રાઉન થયા બાદ પછી તેને પ્લેટમાં નિકાળીને ઠંડા થવા દો. ત્યારબાદ ગોળને નાના-નાના ટૂકડામાં કટ કરી લો.
હવે પેનમાં ઘી નાખી ગરમ કરી લો અને ગોળ ધીમી આંચ પર નરમ થવા દો.ગોળ નરમ થઇ જાય પછી ગેસ બંધ કરી દો.તે પછી ગોળમાં દરેક સામગ્રી સારી રીતે મિક્સ કરી લો.
ગોળ ઠંડો પડે તે બાદ તેમાં તલને બરાબર મિક્ષ કરી લો. હાથ પર ધી લગાવી તૈયાર મિશ્રણના લાડુ બનાવી લો.ખાસ કરીને ધ્યાન રાખો કે મિશ્રણ ગરમ હોય ત્યાં સુધીમાંજ લાડુ બનાવી લો. તૈયાર છે તલના લાડુ.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
