બર્બરતા :તાલિબાનની ચુંગાલમાંથી બહાર આવેલી મહિલા પત્રકારે પોતાની આપવીતી જણાવી છે. અફઘાનિસ્તાનમાં મહિલાઓ પર તાલિબાનની બર્બરતા ની વાતો સામે આવી રહી છે. ‘ધ ગાર્ડિયન’ એ આવી જ એક 22 વર્ષીય મહિલા પત્રકારની આપવીતી સામે લાવી છે.
આ પત્રકાર કહે છે, ‘તાલિબાનોએ ઉત્તર અફઘાનિસ્તાનમાં મારું શહેર કબજે કર્યું. આ ઘટનાના બે દિવસ પછી મારે ઘરેથી ભાગવું પડ્યું. હું હજી પણ મારા શહેરથી દૂર સલામત સ્થળની શોધમાં છું. હું છેલ્લા અઠવાડિયા સુધી રિપોર્ટર હતી. હવે હું મારા પોતાના નામે લખી શકતી નથી. થોડા દિવસોમાં મારું આખું જીવન બરબાદ થઈ ગયું. હું ડરી ગઈ છું મને ખબર નથી કે હું ઘરે પરત ફરીશ કે નહીં. શું હું મારા માતાપિતાને ફરીથી જોઈ શકીશ કે નહિ ? તમામ રસ્તાઓ બંધ છે. તાલિબાને મારો આખો પ્રાંત કબજે કર્યો છે.
બર્બરતા : મહિલા પત્રકાર આગળ કહે છે, ‘તાલિબાન બળજબરીથી અફઘાન છોકરીઓને તેમના આતંકવાદીઓ સાથે પરણાવી રહ્યું છે. હું પણ સુરક્ષિત નથી. મારા માટે પ્રાર્થના કરજો. તાલિબાન મને અને મારા સાથીઓની શોધમાં અમારી પાસે પહોંચશે. મારા મેનેજરે મને ફોન પર કહ્યું કે જો મને કોઈ અજાણ્યા નંબર પરથી કોલ આવે તો જવાબ ન આપવો. ક્યાંક છુપાઈ જાઓ. જ્યારે હું ઘરમાંથી બચવા માટે મારો સામાન પેક કરી રહી હતી, ત્યારે હું ફાયરિંગ અને રોકેટનો અવાજ સાંભળી શકતી હતી. વિમાનો અને હેલિકોપ્ટર અમારા માથા ઉપર ઉડતા હતા. ઘરની બહાર શેરીઓમાં યુદ્ધ ચાલુ હતું. મારા કાકાએ મને સલામત સ્થળે લઈ જવાની ઓફર કરી. એટલા માટે હું ત્યાંથી ફોન અને બુરખો લઈને બહાર આવી.
35 હજાર પરિવારો વિસ્થાપિત, 80 હજારથી વધુ બાળકો બેઘર
તાલિબાનના વધતા કબજાને કારણે અફઘાનિસ્તાનના અન્ય વિસ્તારોમાંથી લોકો કાબુલ તરફ આગળ વધી રહ્યા છે. સ્થળાંતર કરનારાઓના કેમ્પ ફક્ત કાબુલની હદમાં જ દેખાય છે. અત્યાર સુધી અફઘાનિસ્તાનમાં 80 હજારથી વધુ બાળકો બેઘર બન્યા છે. ‘સેવ ધ ચિલ્ડ્રન’નો રિપોર્ટ આ જ કહે છે. વાસ્તવિક સંખ્યા આના કરતા ઘણી વધારે હોઈ શકે છે. અફઘાનિસ્તાનની માનવાધિકાર પરિષદના જણાવ્યા અનુસાર, અત્યારે દેશના 25 પ્રાંતોમાં છેલ્લા એક મહિનામાં 35,000 થી વધુ પરિવારો વિસ્થાપિત થયા છે.
અફઘાનિસ્તાનના પૂર્વ ઉપરાષ્ટ્રપતિના પુત્રનું અપહરણ
તાલિબાને અફઘાનિસ્તાનના પૂર્વ ઉપરાષ્ટ્રપતિ અબ્દુલ રશીદ દોસ્તમના પુત્રનું જ્વાઝઝાન એરપોર્ટ પરથી અપહરણ કર્યું છે. કેટલાક અફઘાન સૈનિકોને પણ તેમની સાથે કેદ કરી લેવામાં આવ્યા છે. જો કે તાલિબાન કે અફઘાન સરકારે આ ઘટનાની પુષ્ટિ કરી નથી.
દોસ્તમના પુત્રનું અપહરણ અફઘાન સરકાર માટે મોટો ઝટકો છે. દોસ્તમ ઉત્તર અફઘાનિસ્તાનના અગ્રણી નેતા છે. તેમણે 90 ના દાયકામાં અફઘાનિસ્તાનમાં ઉત્તરી જોડાણની સ્થાપના કરી. અફઘાનિસ્તાનના ઇસ્લામિક અમીરાતએ કાબુલ પર કબ્જો કર્યા બાદ અફઘાનિસ્તાનની મુક્તિ માટે તે બનાવવામાં આવ્યું હતું. તેનું સત્તાવાર નામ યુનાઇટેડ ઇસ્લામિક ફ્રન્ટ હતું.
અફઘાન નેતાઓ તેમના દેશ માટે એક થઈને લડશે: બિડેન
અમેરિકાના રાષ્ટ્રપતિ જો બિડેને કહ્યું છે કે તેમને અફઘાનિસ્તાનમાંથી સૈનિકો પાછા ખેંચવાનો અફસોસ નથી. અફઘાનિસ્તાનના નેતાઓએ એક થવું જોઈએ અને દેશ માટે લડવું જોઈએ. વ્હાઈટ હાઉસમાં મીડિયા સાથે વાત કરતા બિડેને કહ્યું કે અમેરિકા અફઘાનિસ્તાનને આપેલા વચનો પૂરા કરતા રહેશે. તેમાં હવાઈ સહાય, લશ્કરી પગાર અને સાધનસામગ્રીનો સમાવેશ થાય છે.
અફઘાનિસ્તાન / અફઘાન સરકારની તાલિબાન સાથે સત્તા વહેંચવાની ઓફર
હું પણ રાહુલ / તમે કેટલા ટ્વિટર એકાઉન્ટ બંધ કરશો? દરેક કાર્યકર રાહુલ ગાંધીનો અવાજ બનશે
પોરબંદર / અભિનેત્રી જુહી ચાવલાના પતિની સિમેન્ટ ફેક્ટરીમાં અકસ્માત, 6 મજુરો ફસાયા