કોરોનાનાં વૈશ્વિક કેસ વધીને 23.67 કરોડ થઇ ગયા છે. વળી, આ મહામારીને કારણે 48.3 લાખ લોકોએ પોતાનો જીવ ગુમાવ્યો છે. અત્યાર સુધીમાં 6.39 અબજ લોકોને આ વાયરસ સામે રક્ષણ આપવા માટે સમગ્ર વિશ્વમાં વેક્સિન આપવામાં આવી છે. જોન્સ હોપકિન્સ યુનિવર્સિટીએ આ માહિતી આપી. શુક્રવારે સવારે તેના તાજેતરનાં અપડેટમાં, યુનિવર્સિટીનાં સેન્ટર ફોર સિસ્ટમ્સ સાયન્સ એન્ડ એન્જિનિયરિંગ (CSSE) એ જાહેર કર્યું કે વર્તમાન વૈશ્વિક કેસ, મૃત્યુની સંખ્યા અને રસીકરણની કુલ સંખ્યા અનુક્રમે 236,730,066, 4,833,592 અને 6,394,485,945 છે. વળી ભારતમાં પણ કોરોનાનાં કેસમાં ઉતાર-ચઢાવ યથાવત છે.
આ પણ વાંચો – Special Day / ભારતીય વાયુસેના દિવસે PM મોદીએ વીર યોદ્ધાઓ અને તેમના પરિવારને પાઠવી શુભેચ્છાઓ
શુક્રવારે કેન્દ્રીય આરોગ્ય મંત્રાલય દ્વારા શેર કરવામાં આવેલા ડેટા અનુસાર, છેલ્લા 24 કલાકમાં ભારતમાં કોરોના વાયરસનાં 21,257 નવા કેસ નોંધાયા છે. આ સાથે, એકંદરે રિકવરી રેટ લગભગ 97.96 ટકા સુધી પહોંચી ગયો છે, જે માર્ચ 2020 પછી સૌથી વધુ છે. છેલ્લા 24 કલાકમાં ઠીક થયેલા 24,963 દર્દીઓમાંથી (મહામારીની શરૂઆતથી) ઠીક થયેલા દર્દીઓની કુલ સંખ્યા વધીને 3,32,25,221 થઈ ગઈ છે. દૈનિક પોઝિટિવિટી રેટ 1.53 ટકા નોંધવામાં આવ્યો છે. મંત્રાલયનાં ડેટા અનુસાર, છેલ્લા 39 દિવસથી તે 3 ટકાથી ઓછો છે. સાપ્તાહિક પોઝિટિવિટી રેટ 1.64 ટકા નોંધાયો છે. મંત્રાલયે કહ્યું કે, છેલ્લા 105 દિવસથી તે 3 ટકાથી નીચે છે. આરોગ્ય મંત્રાલયનાં ડેટા દર્શાવે છે કે ભારતમાં કોવિડ-19 નાં કુલ સક્રિય કેસ ઘટીને 2,40,221 પર આવી ગયા છે, જે 205 દિવસમાં સૌથી ઓછો છે. સક્રિય કેસો કુલ કેસોના 1% કરતા ઓછા છે, જે હાલમાં 0.71% છે, જે માર્ચ 2020 પછી સૌથી ઓછો છે. ભારતમાં, કોવિડ મહામારીને કારણે પ્રથમ મૃત્યુ માર્ચ 2020 માં નોંધાયું હતું.
આ પણ વાંચો – ભાવ વધારો / તહેવાર ટાણે જનતાને મોંઘવારીનો માર, આજે ફરી વધ્યા પેટ્રોલ-ડીઝલનાં ભાવ
ઈન્ડિયન કાઉન્સિલ ઓફ મેડિકલ રિસર્ચ (ICMR) અનુસાર, 7 ઓક્ટોબર સુધી 58,00,43,190 સેમ્પલો COVID-19 માટે ટેસ્ટિંગ કરવામાં આવ્યા છે. તેમાંથી ગુરુવારે 13,85,706 સેમ્પોલનું ટેસ્ટિંગ કરવામાં આવ્યું હતું. છેલ્લા 24 કલાકમાં 23,46,176 રસી ડોઝનાં વહીવટ સાથે, ભારતનાં કોવિડ-19 રસીકરણ કવરેજ આજે સવારે 7 વાગ્યા સુધીમાં 93.17 કરોડ (90,79,32,861) ને વટાવી ગયું છે. ભારતમાં કોવિડ-19 ની સંખ્યા ગયા વર્ષે 7 ઓગસ્ટે 20 લાખ, 23 ઓગસ્ટે 30 લાખ, 5 સપ્ટેમ્બરે 40 લાખ અને 16 સપ્ટેમ્બરે 50 લાખને પાર કરી ગઈ હતી. તે 28 સપ્ટેમ્બરે 60 લાખ, 11 ઓક્ટોબરે 70 લાખને પાર કરી ગયું હતું. 29 ઓક્ટોબરે 80 લાખ, 20 નવેમ્બરે 90 લાખ અને ગયા વર્ષે 19 ડિસેમ્બરે એક કરોડનો આંકડો પાર કર્યો હતો.
