Cricket Selection Committee: ભારતીય ક્રિકેટ કંટ્રોલ બોર્ડ (BCCI) એ T20 વર્લ્ડ કપ 2022ની હાર બાદ અધ્યક્ષ ચેતન શર્મા સહિત સમગ્ર વરિષ્ઠ પસંદગી સમિતિને હટાવી દેવામાં આવ્યા છે. ટીમ ઈન્ડિયા ટાઈટલ જીતવાની રેસમાં સૌથી આગળ માનવામાં આવી રહી હતી, પરંતુ સેમીફાઈનલમાં ઈંગ્લેન્ડના હાથે હાર બાદ ભારતનું 15 વર્ષ બાદ ટાઈટલ જીતવાનું સપનું અધૂરું રહી ગયું.
BCCIએ શુક્રવારે રાષ્ટ્રીય પસંદગીકારોની 5 જગ્યાઓ માટે નવી અરજીઓ આમંત્રિત કરી છે. આ અરજીઓ સાથે BCCIએ કેટલાક માપદંડો પણ નક્કી કર્યા છે, જેને પરિપૂર્ણ કરીને ખેલાડીઓ આ પદો માટે અરજી કરી શકે છે. BCCIની પ્રેસ રીલીઝ મુજબ જે ઉમેદવારો ઉપરોક્ત પોસ્ટ માટે અરજી કરવા ઈચ્છે છે તેઓએ તેમની અરજી ધ્યાનમાં લેવા માટે નીચેના માપદંડોને પૂર્ણ કરવા આવશ્યક છે.
અરજી કરનાર ખેલાડીઓએ ઓછામાં ઓછી 7 ટેસ્ટ અથવા 30 ફર્સ્ટ ક્લાસ મેચ અથવા 10 ODI અને 20 ફર્સ્ટ ક્લાસ મેચ રમી હોવા જોઈએ. ઉપરાંત, અરજી કરનાર ખેલાડીની નિવૃત્તિના ઓછામાં ઓછા 5 વર્ષ હોવા જોઈએ. કોઈપણ વ્યક્તિ જે કુલ 5 વર્ષના સમયગાળા માટે કોઈપણ ક્રિકેટ સમિતિના સભ્ય છે તે પુરૂષોની પસંદગી સમિતિના સભ્ય બનવાને પાત્ર નથી. અરજી કરવાની છેલ્લી તારીખ 28 નવેમ્બર નક્કી કરવામાં આવી છે.
આ પણ વાંચો: આરોપ/કોંગ્રેસ પર ટિકિટ વેચવાનો ફરી લાગ્યો ગંભીર આક્ષેપ, આ નેતાએ કહ્યું..