ઘરેથી કામ કરવાને કારણે દેશમાં સાયબર હુમલાની સંખ્યા ઝડપથી વધી રહી છે. વર્ષ 2021 માં 40 ટકા વધુ સાયબર હુમલા થયા છે. વળી વિશ્વમાં આવા સાયબર હુમલાની સંખ્યામાં 47 ટકાનો વધારો થયો છે. એટલું જ નહીં, 21 ટકા કોમર્શિયલ કંપનીઓ અને સંસ્થાઓ આવા કોઈપણ સાયબર હુમલાથી પોતાને બચાવવા સક્ષમ છે. આ ખુલાસો ગ્લોબલ ડેટા થ્રેટ રિપોર્ટ 2021 માં કરવામાં આવ્યો છે.
આ પણ વાંચો – Political / મુંબઈમાં ભાજપની જનયાત્રામાં કોવિડ પ્રોટોકોલનું ઉલ્લંઘન, 7 પોલીસ સ્ટેશનોમાં FIR
વર્ષ 2020 માં સાયબર હુમલામાં 300 ગણો વધારો થયો હતો. 38 ટકા લોકો સાયબર હુમલાનાં જોખમોથી ચિંતિત છે. સાયબર હુમલામાં 56 ટકા માલવેયર, 53 ટકા રેન્સમવેર અને 43 ટકા ફિશિંગ હુમલાઓ સામેલ છે. આ સિવાય 51 ટકા સાયબર હુમલાઓ હેકર્સથી, 25 ટકા બાહ્ય હુમલા અને 24 ટકા સાયબર હુમલા માનવ ભૂલોને કારણે થાય છે. મોટાભાગનાં લોકો ઘરેથી કામ દરમિયાન તેમના વ્યક્તિગત કોમ્પ્યુટર પર કામ કરી રહ્યા છે અને તેમની પાસે સુરક્ષા સાધનો નથી. તેના કારણે પણ હુમલા વધ્યા છે. જ્યારે કંપનીઓ તેમની ઓફિસમાં યોગ્ય સુરક્ષા વ્યવસ્થા સ્થાપિત કરે છે અને પ્રોટોકોલનું પાલન કરે છે, જેના કારણે કંપનીઓ પર સાયબર હુમલા સફળ થતા નથી.
આ પણ વાંચો – New Delhi / એસ જયશંકરે UNSC માં પાક. નું નામ લીધા વિના માર્યો ટોણો, કહ્યુ- કેટલાક દેશો આતંકવાદને કરી રહ્યા છે મદદ
માનવીય ભૂલ મૂળભૂત રીતે આ પ્રકારનાં સાયબર એટેકનાં કારણો માટે જવાબદાર છે. ઉદાહરણ તરીકે, ફિશિંગ ઈ-મેલ્સ, મેસેજ પર ક્લિક કરવું, પોપ-અપ વિન્ડોમાં લિંક ખોલવી, કોમ્પ્યૂટરમાં કોઈ સિક્યોરિટી ટૂલ્સ ન હોવુ, ઓથેન્ટિક એન્ટીવાયરસ અને એન્ટિમાલવેયર સિસ્ટમ ન હોવુ, ટૂ-ફેક્ટર ઓથેન્ટિકેશન ન હોવુ, આંકડાકીય-આલ્ફાબેટિક પાસવર્ડ ન હોવુ, આ છે બધા કારણો, જેના પર ધ્યાન આપીને મોટાભાગનાં સાયબર હુમલાઓ અટકાવી શકાય છે.
ભારત પર સાયબર હુમલાથી કેવી રીતે બચી શકાય?
શું કરવુ?
અજાણ્યા ID માંથી આવનાર કોઇપણ મેઇલ ખોલશો નહીં
મેઇલ ખોલ્યા વગર Delete કરો
જો કોઈ મેલ શંકાસ્પદ હોય તો ગૂગલ પર આઈડી તપાસો
Ncov2019@gov.in પરથી આવતા મેલને બિલકુલ ખોલશો નહીં
સરકારી આઈડીમાંથી આવતા અન્ય મેઈલને પણ ટાળો
ફક્ત તમારા વ્યક્તિગત મોબાઇલ અથવા કોમ્પ્યુટર પર નેટ બેંકિંગનો ઉપયોગ કરો
શું ન કરવું?
અસુરક્ષિત નેટવર્ક્સ અને અન્ય ઉપકરણો પર નેટબેંકિંગનો ઉપયોગ કરશો નહીં
બિનજરૂરી એપ્લિકેશન્સ કાઠી નાખો
નેટ બેન્કિંગનો ઉપયોગ કર્યા બાદ લોગઆઉટ કરવાનું ભૂલશો નહીં
સરકાર તરફથી આવતા મેઇલની જોડણી સારી રીતે તપાસો. જોડણીમાં ચાલાકી કરી શકાય છે