એક પાકિસ્તાની પાયલોટે રવિવારને સાઉદી અરેબિયાની રાજધાની રિયાધથી ઈસ્લામાબાદ લાવવાનો ઈન્કાર કરી દીધો હતો. પાયલોટે કહ્યું કે તેની ડ્યુટીનો સમય પૂરો થઈ ગયો છે, તેથી તે પ્લેન ઉડાડશે નહીં.
આ પણ વાંચો :વિશ્વભરમાં કોરોનાનાં ઘાતક રાઉન્ડથી ફફડાટ, છેલ્લાં 24 કલાકમાં વિશ્વમાં ફરી 32 લાખ કેસ
પાકિસ્તાન ઈન્ટરનેશનલ એરલાઈન્સ (PIA)ના પાયલોટે પ્લેનને અધવચ્ચેથી ટેકઓફ કરવાનો ઈન્કાર કરી દીધો હતો, જેના પછી વિમાનમાં સવાર મુસાફરો ગુસ્સે થઈ ગયા હતા અને વિરોધ કર્યો હતો કે તેઓ પ્લેનમાંથી ઉતરશે નહીં.
પાકિસ્તાનના અખબાર ધ એક્સપ્રેસ ટ્રિબ્યુનના અનુસાર, PIA પ્રશાસને અહેવાલ આપ્યો છે કે પીકે-9754 સાઉદી અરેબિયાની રાજધાની રિયાધથી ઉડાન ભરી હતી પરંતુ ખરાબ હવામાનને કારણે દમ્મામમાં લેન્ડ થયું હતું. ત્યારપછી ફ્લાઈટના કેપ્ટને પ્લેનને ઈસ્લામાબાદ લઈ જવાની ના પાડી દીધી અને કહ્યું કે તેની ડ્યુટી અવર્સ પૂરા થઈ ગયા છે.
આ પણ વાંચો : US માં પાકિસ્તાની વૈજ્ઞાનિકને મુક્ત કરવા એક શખ્સે 4 લોકોને બનાવ્યા બંધક
કેપ્ટનના નિવેદનથી નારાજ મુસાફરોએ વિરોધમાં પ્લેનમાંથી ઉતરવાની ના પાડી દીધી હતી. પરિસ્થિતિને કાબૂમાં લેવા એરપોર્ટ સુરક્ષાને બોલાવવી પડી હતી.
PIAના પ્રવક્તાએ કહ્યું કે ફ્લાઇટની સુરક્ષા માટે પાયલોટે ટેક ઓફ કરતા પહેલા યોગ્ય આરામ કરવો જરૂરી છે, તેથી તે મુજબ વ્યવસ્થા કરવામાં આવી હતી. તેમણે કહ્યું કે મુસાફરો રવિવારે રાત્રે 11 વાગ્યે ઈસ્લામાબાદમાં ઉતરશે.
અગાઉ, PIAથી સાઉદી અરેબિયાની સીધી ફ્લાઇટ સેવાની વિગતવાર માહિતી નહોતી. નવેમ્બરમાં, PIAએ જાહેરાત કરી હતી કે તે સાઉદી અરેબિયામાં તેની ફ્લાઇટ્સનું વિસ્તરણ કરી રહી છે.
પ્રવક્તાના જણાવ્યા અનુસાર, PIAની ફ્લાઈટ્સ ઈસ્લામાબાદ, કરાચી, લાહોર, મુલતાન અને પેશાવર સહિત પાકિસ્તાનના વિવિધ શહેરોમાંથી રવાના થશે.
આ પણ વાંચો :ટોંગામાં સમુદ્રની અંદર જવાળામુખી ફાટ્યો,વીડિયો વાયરલ
આ પણ વાંચો :કોરોનાનાં અજગર ભરડામાં ભીંસાતું સમગ્ર વિશ્વ, કુલ કેસનો આંક થયો 32.57 કરોડથી વધુ
આ પણ વાંચો :ચીનમાં કોરોનાના કારણે 17 લાખ લોકોના મોત, અસલી ડેથ રેશિયો 17000% થી પણ વધારે
