ઉડતી કારનું સપનું ટૂંક સમયમાં વાસ્તવિકતામાં ફેરવાશે. અમેરિકા ફેડરલ એવિએશન એડમિનિસ્ટ્રેશન (એફએએ) એ એક ગ્રાઉન્ડ-એર વાહનને મંજૂરી આપી છે. આ બે સીટ વાળી ઉડતી કાર 100 માઇલ પ્રતિ કલાક (એટલે કે 161 કિલોમીટર પ્રતિ કલાક) ની ઝડપે ઉડી શકે છે.
એફએએએ ટેરાફુગિયા ટ્રાંઝિશનને વિશેષ લાઇટ-સ્પોર્ટ એરક્રાફ્ટ એરવર્થનેસનું પ્રમાણપત્ર આપ્યું છે. એજન્સીના આ પ્રમાણપત્ર પછી, હવે આ ઉડતી કારને ફ્લાઇટ માટે ગ્રીન સિગ્નલ મળી ગયું છે.
મેસાચુસેટ્સમાં સ્થિત ટેરાફુગિયાએ પ્રમાણપત્ર પ્રાપ્ત કર્યા પછી કહ્યું, “આ એક મહત્વપૂર્ણ મીલનો પથ્થર છે”, ત્યારબાદ આ વાહનનો ઉપયોગ હવા અને રસ્તા બંને પર થઈ શકે છે.
આ વાહનનું એક જ ફ્લાઇટ વર્ઝન પાઇલોટ્ અને ઉડતી શાળાઓ માટે ઉપલબ્ધ છે. જો કે, રસ્તા પર ચાલવામાં એક વર્ષનો સમય લાગી શકે છે.
વિમાનનું એન્જિન પ્રીમિયમ પેટ્રોલ અથવા 100LL વિમાન બળતણ પર દોડી શકે છે. જ્યારે હાઇબ્રીડ-ઇલેક્ટ્રિક મોટર્સનો ઉપયોગ કાર ચલાવવા માટે કરવામાં આવે છે.
વાહનનું વજન આશરે 1,300 પાઉન્ડ (590 કિગ્રા) છે અને તેમાં લેન્ડિંગ ગિઅર ફિક્સ છે. તેના વિંગ્સ 27 ફુટ પહોળા છે. આ વાહનના વિંગ્સને વાળીને કારની જગ્યા પર પણ ગરેજમાં સરળતાથી પાર્ક કરી શકાય છે.
ટેરાફુગિયા કહે છે કે તેની ફ્લાઈંગ કારને ફક્ત એક મિનિટમાં ફ્લાઇંગ મોડથી ડ્રાઇવિંગ મોડમાં ફેરવી શકાય છે.
એનબીસી ન્યૂઝના અહેવાલ મુજબ 2018માં ટ્રાન્ઝિશનના 2 સીટર મોડેલની કિંમત, 4,00,000 ડોલર (લગભગ 2 કરોડ 91 લાખ રૂપિયા) હતી. હવે 2022માં, કંપની તેનું હાઇબ્રિડ ગ્રાઉન્ડ-એર વાહન લોન્ચ કરશે, ત્યારબાદ તેની કિંમત જાહેર કરવામાં આવશે.
