ભારત અને એશિયાના સૌથી અમીર વ્યક્તિ મુકેશ અંબાણી વિશ્વના સૌથી અમીર લોકોની યાદીમાં બે સ્થાન નીચે આવી ગયા છે. આ યાદીમાં મેક્સિકોના કાર્લોસ સ્લિમ અને વિશ્વની સૌથી અમીર મહિલા ફ્રાન્સની ફ્રાન્કોઇસ બેટનકોટ મેયર્સે(Francoise Bettencourt Meyers) પાછળ છોડી દીધા છે. અહીં અમે તમને ફ્રાન્કોઇસ બેટનકોટ મેયર્સની સંપત્તિ અને તેના બિઝનેસ વિશે જણાવવા જઈ રહ્યા છીએ.

રિલાયન્સ ઈન્ડસ્ટ્રીઝના ચેરમેન મુકેશ અંબાણી વિશ્વના સૌથી અમીર લોકોની યાદીમાં 11માથી 13મા સ્થાને સરકી ગયા છે. હવે મેક્સિકોના કાર્લોસ સ્લિમ અને Francoise Bettencourt Meyers તેમનાથી આગળ છે. ફ્રાન્કોઇસ બેટનકોટ મેયર્સ વિશ્વની સૌથી અમીર મહિલા છે. તે 2021માં વિશ્વના સૌથી ધનિક લોકોની ટોપ 10 યાદીમાં પણ સામેલ છે. છેવટે, ફ્રાન્કોઇસ બેટનકોટ મેયર્સ કોણ છે અને તેનો વ્યવસાય શું છે?

ફ્રાન્કોઇસ બેટનકોટ મેયર્સ વિશ્વની સૌથી ધનિક મહિલા છે. એક બિઝનેસવુમન હોવા ઉપરાંત તે ફિલેન્થ્રોપિસ્ટ અને લેખક પણ છે. તેમણે વિશ્વની સૌથી પ્રખ્યાત અને સૌથી મોટી કોસ્મેટિક્સ બ્રાન્ડ L’Oreal વારસામાં મળી છે. તેમાં તેમનો એક તૃતીયાંશ હિસ્સો છે. તે તેની હોલ્ડિંગ કંપનીની ચેરપર્સન છે. L’Oreal પાસે Lancome અને Garnier બ્રાન્ડની માલિકી છે અને 2022માં કંપનીની આવક 41.9 અરબ ડોલર રહ્યું હતું.

બ્લૂમબર્ગ બિલિયોનેર્સ ઈન્ડેક્સ અનુસાર, 70 વર્ષીય મેયર્સની નેટવર્થ 86.8 અરબ ડોલર છે અને તે વિશ્વના સૌથી ધનિક લોકોની યાદીમાં 12મા નંબર પર છે. આ વર્ષે તેની નેટવર્થ 15.3 અરબ ડોલર વધી છે. તે અને તેમનો પરિવાર L’Orealમાં 33 ટકા હિસ્સો ધરાવે છે. તાજેતરના સમયમાં L’Orealના શેરના ભાવમાં નોંધપાત્ર વધારો થયો છે.

આ પણ વાંચો: Mumbai/ મુકેશ અંબાણીને ફરી મળી ધમકી, પરિણામ ભોગવવાની આપી ચેતવણી

આ પણ વાંચો: Earthquake/ નેપાળના “ગંભીર” ભૂકંપના પીડિતો માટે વડા પ્રધાનનું હૃદય “કમળ” બન્યું, ઘાયલોને તેમની સાથે હેલિકોપ્ટર

આ પણ વાંચો:Metro Court/ ‘ગુજરાતીઓને ઠગ’ કહેવાના નિવેદન મામલે તેજસ્વી યાદવ મેટ્રો કોર્ટ સમક્ષ થઈ શકે છે હાજર