વિશ્વની ટોચની 50 શૈક્ષણિક સંસ્થાઓમાં એક પણ ભારતીય નથી, આને ધ્યાનમાં લેવાની જરૂર છે:દ્રૌપદી મુર્મુ

ભારતીય શિક્ષણ પ્રણાલી પર સવાલો ઉઠાવતા દેશના રાષ્ટ્રપતિ દ્રૌપદી મુર્મુએ એ વાત પર ભારે ચિંતા વ્યક્ત કરી છે કે વિશ્વની ટોપ-50 શૈક્ષણિક સંસ્થાઓમાં એક પણ ભારતીય શૈક્ષણિક સંસ્થા નથી. આ માટે તેમને કહ્યું કે રેન્કિંગ કરતાં સારા શિક્ષણ પર ધ્યાન આપવું વધુ જરૂરી છે. રાષ્ટ્રપતિએ સોમવારે IIT ખડગપુરના 69માં દીક્ષાંત સમારોહમાં હાજરી આપી હતી. આ દરમિયાન, તેમના સંબોધનમાં, તેમને ખુલ્લેઆમ તેમના વિચારો વ્યક્ત કર્યા અને દેશની શિક્ષણ પ્રણાલી અને વિશ્વભરમાં ભારતીય શૈક્ષણિક સંસ્થાઓની સ્થિતિ વિશે ચિંતા વ્યક્ત કરી.

हमारे IIT system की पूरी दुनिया में एक साख है। IITs को प्रतिभा और प्रौद्योगिकी का incubation centre माना जाता है। IIT Kharagpur ने अपने लगभग 73 वर्षों के सफर में अनेकों अद्वितीय प्रतिभाओं को तराशा है। आपके संस्थान को देश का पहला IIT होने का गौरव भी प्राप्त है। pic.twitter.com/nFmn0nmTAj

— President of India (@rashtrapatibhvn) December 18, 2023

દ્રૌપદી મુર્મુએ કહ્યું કે જો ભારતીય શૈક્ષણિક સંસ્થાઓનું રેન્કિંગ સારું રહેશે તો વિશ્વભરના વિદ્યાર્થીઓ અને પ્રોફેસરો ભારત આવવા ઈચ્છશે, જે દેશનું ગૌરવ વધારશે. IIT ખડગપુરે આ દિશામાં પ્રયત્નો કરવા જોઈએ અને દેશની પ્રતિષ્ઠા વધારવામાં મદદ કરવી જોઈએ. સમગ્ર વિશ્વમાં ભારતીય IITની એક ખાસ ઓળખ છે. તે ભારતીય પ્રતિભાનું પ્રતિક છે. આને ટેકનોલોજીના ઇન્ક્યુબેશન સેન્ટર કહેવામાં આવે છે. IIT ખડગપુરે છેલ્લા 70 વર્ષની તેની સફરમાં દેશને ઘણા પ્રતિભાશાળી એન્જિનિયરો આપ્યા છે. યુવાનોને તૈયાર કરીને અમે તેમને દેશનું ગૌરવ અપાવવા માટે સક્ષમ બનાવ્યા છે.રાષ્ટ્રપતિએ કહ્યું કે આજે ભારત નવી ઊંચાઈઓ સર કરી રહ્યું છે, નવા માપદંડો સ્થાપિત કરી રહ્યું છે અને એક મોટી વિશ્વ શક્તિ તરીકે ઉભરી રહ્યું છે.તેમને કહ્યું, “અમે વસુધૈવ કુટુમ્બકમની ભાવનાથી વિશ્વ સામેના પડકારોનો ઉકેલ શોધવા ઉત્સુક છીએ. ભારતના આ અમર યુગમાં સુવર્ણયુગ ટેકનોલોજી દ્વારા જ આવશે.

રાષ્ટ્રપતિએ કહ્યું, “કોમ્પ્યુટરાઇઝેશન, સૌર ઉર્જા, જીનોમ સ્ટડી અને મોટા ભાષાના નમૂનાઓ એવા કેટલાક પ્રયોગો છે જે સામાજિક જીવનમાં ક્રાંતિકારી પરિવર્તન લાવવાની ક્ષમતા ધરાવે છે. 150 વર્ષ પહેલાં અસાધ્ય લાગતા રોગોની સારવાર હવે લગભગ મફતમાં થાય છે. આ વિશ્વને બહેતર અને સર્વસમાવેશક બનાવવામાં ટેક્નોલોજીની મહત્વની ભૂમિકા છે.”

સોમવારે સંસ્થામાં જે વિદ્યાર્થીઓને ડિગ્રી આપવામાં આવી હતી તેમાં 21 ટકા છોકરીઓ છે. આને રેખાંકિત કરતાં રાષ્ટ્રપતિએ કહ્યું હતું કે, “વધુ વિદ્યાર્થીનીઓએ વિજ્ઞાન અને ટેકનોલોજીનો અભ્યાસ કરવા આગળ આવવું જોઈએ.”

સંસ્થાના ડાયરેક્ટર વી.કે. તિવારીએ કહ્યું કે 2030 સુધીમાં IIT ખડગપુર વિશ્વની ટોચની 10 સંસ્થાઓમાં સામેલ થશે. તેમણે કહ્યું કે દીક્ષાંત સમારોહ દરમિયાન લગભગ 3,200 વિદ્યાર્થીઓને ડિગ્રી એનાયત કરવામાં આવી હતી.

આ વર્ષે સંસ્થાએ Google CEO સુંદર પિચાઈ (તેમની ગેરહાજરીમાં), જાણીતા સંસ્કૃત વિદ્વાન મહામહોપાધ્યાય ભદ્રેશદાસ સ્વામી, ઇલેક્ટ્રિકલ એન્જિનિયરિંગ ઉદ્યોગસાહસિક રવિન્દ્ર નાથ ખન્ના અને ઉદ્યોગસાહસિક અજીત જૈનને માનદ ડીએસસી ડિગ્રી એનાયત કરી હતી.