થાઈલેન્ડ
થાઇલેન્ડની ગુફામાં ફસાયેલા જુનિયર ફૂટબોલ ટીમના 12 ખેલાડીઓ અને તેમના કોચને બચાવવા માટે પ્રયત્નો કરવામાં આવી રહ્યા છે. આ દરમિયાન ખેલાડીઓના પરિવારજનો માટે એક સારા સમાચાર છે. બચાવ ટુકડીના વડા પાસેથી મળેલી માહિતી મુજબ, આજે (રવિવાર) રાત્રે 9 વાગ્યા (ભારતીય સમય) આસપાસ એક બાળકને બહાર કાઢી શકાય છે.
આપને જણાવી દઈએ કે, ફૂટબોલ ટીમના ખેલાડીઓ અને તેમના કોચને ગુફાથી બહાર કાઢવાના અભિયાન માટે 13 વિદેશી મરજીવા અને પાંચ થાઇ નેવી સીલના મરજીવાને મોકલવામાં આવ્યા છે. પ્રથમ બાળકને બહાર લાવવા માટે 11 કલાક લાગી શકે છે. બધા બાળકોને એક સાથે બહાર આવવા માટેનું સંભવ નથી જેના કારણે આ ઓપરેશન બેથી ચાર દિવસ સુધી ચાલશે.
અગાઉ શનિવારે, બાળકોએ ગુફામાંથી લખેલા સંદેશા તેમના માતા-પિતાને વાંચ્યા ત્યારે તેમના માતા-પિતા ભાવનાત્મક બની ગયા હતા. છેલ્લા બે અઠવાડિયાથી આ ગુફામાં ફસાયેલા આ બાળકોનો આ પહેલો મેસેજ હતો. માતા-પિતાને મોકલવામાં આવેલા એક પત્રમાં, એક બાળકએ લખ્યું હતું કે ગુફામાં થોડો પવન ઠંડો છે, પરંતુ ગભરાવાની જરૂર નથી. મને જન્મદિવસની પાર્ટી આપવાનું ભૂલશો નહીં અમે બધા ઠીક છીએ. આપને જણાવી કે ગુફામાં આ બાળકો ગુમ થયાના દિવસે, તેમાંના એક બાળકનો જન્મદિવસ હતો. તેઓ તેમના જન્મદિવસની ઉજવણી માટે ગુફામાં ગયા હતા, પરંતુ ભારે વરસાદને લીધે અચાનક તેઓ ગુફામાં ફસાયા હતા.
.jpg "થાઈલેન્ડ રેસ્ક્યુ, આજે રાત સુધીમાં એક બાળકને બહાર લાવી શકે છે મરજીવા 9")
શનિવારે, થાઇલેન્ડ નેવી મરજીવાની એક ટીમ ગુફામાંથી લેખિત સંદેશા સાથે પરત ફર્યો. જ્યાં તૂન નામનું બીજું બાળક કહે છે, ‘માતા અને પિતા ચિંતા ન કરતા. હું ઠીક છું મારા માટે ફ્રાયડ ચિકન તૈયાર રાખજો.’ બાળકોએ પણ લખ્યું હતું કે ખાવા-પીવા માટે ઘણું બધું છે, ‘શિક્ષક બહુ હોમવર્ક પણ આપતા નથી.’ નોટબુક્સ પર બાળકો દ્વારા લખાયેલા તમામ પત્રોમાં લગભગ સમાન વસ્તુઓ છે.
દરમિયાન રેસ્ક્યૂ ટીમના વરિષ્ઠ અધિકારીઓએ જણાવ્યું હતું કે ગુફામાં ઓક્સિજનની લાઈન ગોઠવી દેવામાં આવી છે, જેથી બાળકોને શ્વાસ લેવામાં તકલીફ ન પડે. આ તમામ બાળકો અને તેમના કોચ 23 જુનના સાંજે ફૂટબોલનો અભ્યાસ કર્યા પછી આ ગુફા જોવા ગયા હતા, પરંતુ પૂરના પાણી વધી જવાથી તેઓ બધા ગુફાની અંદર ફસાઈ ગયા હતા. નવ દિવસ પછી, બચાવ કરનારાઓના એક જૂથે તેમને શોધી કાઢ્યા હતા.
છેલ્લાં બે અઠવાડિયાથી થાઇલેન્ડની પૂરગ્રસ્ત ગુફામાં ફસાયેલા બાળકો સુધી પહોંચવા માટે અન્ય માર્ગો શોધી રહ્યા છે. આ પ્રયાસમાં, પર્વતમાં 100 થી વધુ છેદ પાડીને ચિમની બનાવવામાં આવી રહી છે.
