વિમેન્સ પ્રીમિયર લીગ 2024 માટે હરાજીની પ્રક્રિયા પૂર્ણ થઈ ગઈ છે. આ હરાજીમાં કુલ 165 ખેલાડીઓએ પોતાના નામ નોંધાવ્યા હતા, પરંતુ માત્ર 30 ખેલાડીઓ જ નસીબદાર રહ્યા હતા.
એનાબેલ સધરલેન્ડ પર 2 કરોડની બોલી લગાવી
દિલ્હી કેપિટલ્સ ટીમે ઓસ્ટ્રેલિયાની ઉભરતી ઓલરાઉન્ડર અનાબેલ સધરલેન્ડ પર 2 કરોડ રૂપિયાની મોટી બોલી લગાવી હતી. ગત સિઝનમાં તેણીને ગુજરાતની ટીમમાં સામેલ કરવામાં આવી હતી.
કાશવી ગૌતમનું નસીબ પણ ચમક્યું
ભારતની અનકેપ્ડ ખેલાડી કાશવી ગૌતમ પર પણ ભારે બોલી લગાવવામાં આવી હતી. ગુજરાત જાયન્ટ્સની ટીમે તેને 2 કરોડ રૂપિયામાં ખરીદ્યો છે.
વૃંદાને 13 ગણી વધુ રકમ મળી
વિમેન્સ પ્રીમિયર લીગની આ હરાજીમાં ભારતની વૃંદા દિનેશને પણ 1.3 કરોડ રૂપિયાની બોલી લાગી હતી. વૃંદાને યુપી વોરિયર્સની ટીમે ખરીદ્યો હતો. તેની મૂળ કિંમત 10 લાખ રૂપિયા હતી.
મુંબઈએ શબનિમ પર દાવ લગાવ્યો
હરાજીમાં દક્ષિણ આફ્રિકાની ફાસ્ટ બોલર શબનીમ ઈસ્માઈલને 1.2 કરોડ રૂપિયાની મોટી રકમમાં પોતાની ટીમમાં સામેલ કરવામાં આવી છે.
ગુજરાતે ફોબી લિચફિલ્ડને ખરીદ્યું
ગુજરાત જાયન્ટ્સ ટીમે ઓસ્ટ્રેલિયાના સ્ટાર બેટ્સમેન ફોબી લિચફિલ્ડ પર પણ મોટી બોલી લગાવી હતી. ગુજરાતની ટીમે ફોબીને 1 કરોડ રૂપિયામાં ખરીદ્યો છે.
