Viral Kohli Last Chance: ભારતીય ક્રિકેટ ટીમમાં હાલમાં ઘણો બદલાવ થઈ રહ્યો છે. ટીમમાં દરેક શ્રેણી સાથે ખેલાડીઓ અંદર અને બહાર થઈ રહ્યા છે, કેપ્ટનો સતત બદલાઈ રહ્યા છે. આ દરમિયાન હવે ટીમના સૌથી દિગ્ગજ બેટ્સમેન વિરાટ કોહલીને ટીમમાંથી બહાર કરવાની ચર્ચા ચાલી રહી છે. વિરાટની જગ્યાએ ઘણા યુવા ખેલાડીઓનો વિકલ્પ પણ આ સમયે પસંદગીકારો પાસે છે.
ભારતીય ક્રિકેટ ટીમ ગુરુવારથી રોહિત શર્માની કેપ્ટન્સીમાં ઇંગ્લેન્ડ સામે ત્રણ મેચની T20 શ્રેણીમાં ઇંગ્લેન્ડનો સામનો કરવા જઇ રહી છે. વિરાટ કોહલી અને રોહિત શર્મા જેવા દિગ્ગજ ખેલાડીઓ આ સીરીઝમાં રમતા જોવા મળશે. પરંતુ વિરાટના દ્રષ્ટીકોણથી આ સીરીઝ ઘણી મહત્વની બની રહી છે. જો આ સિરીઝમાં વિરાટનું બેટ નહીં ચાલે તો તેનું પત્તું ટીમમાંથી કપાઈ જવાની ખાતરી છે. સૂત્રના જણાવ્યા અનુસાર પસંદગીકારો વિરાટને ઈંગ્લેન્ડ શ્રેણીમાં છેલ્લી તક આપી રહ્યા છે. જો તે ફ્લોપ રહેશે તો વેસ્ટ ઈન્ડિઝ શ્રેણીમાં તેની જગ્યા છીનવાઈ જશે.
વિરાટ ટી-20 સિરીઝમાંથી બહાર થઈ જશે તો ટીમને ત્રીજા નંબર માટે એવા બેટ્સમેનની જરૂર પડશે જે લાંબા શોટ મારવા પણ જાણતો હોય. આખરે ટીમને એક એવો બેટ્સમેન મળી ગયો છે.વાત થઈ રહી છે દીપક હુડાની. હુડ્ડાએ આખી દુનિયાને બતાવી દીધું છે કે તે છેલ્લા કેટલાક સમયથી શું કરી શકે છે. આઈપીએલમાં આ બેટ્સમેને જોરદાર પ્રદર્શન કરીને ટીમ ઈન્ડિયામાં પોતાનું સ્થાન નિશ્ચિત કર્યું. આ પછી હુડ્ડાએ આયર્લેન્ડ શ્રેણીમાં શાનદાર સદી ફટકારી હતી. આવી સ્થિતિમાં તેને ટીમ ઈન્ડિયાનો નવો નંબર ત્રણ બેટ્સમેન માનવામાં આવી રહ્યો છે.
વિરાટ કોહલીની કિસ્મત છેલ્લા કેટલાક સમયથી ખરાબ ચાલી રહી છે. આ ખેલાડીએ ઘણી સારી ઇનિંગ્સ પણ રમી છે, પરંતુ તે જે સદી ફટકારવા માટે જાણીતો છે તે હજુ સુધી કરી શક્યો નથી. 2019માં છેલ્લી સદી ફટકારનાર વિરાટ દરેક વખતે પ્રયાસ કરે છે. પરંતુ તે જલ્દી જ પેવેલિયનમાં પાછો ફરી જાય છે. આવી સ્થિતિમાં તેમના સ્થાન પર મોટો ખતરો છે.
આ પણ વાંચો: Crude Oil Price/ ટૂંક સમયમાં પેટ્રોલ અને ડીઝલના ભાવ ઘટી શકે, કાચા તેલની કિંમતમાં નોંધપાત્ર ઘટાડો
આ પણ વાંચો: ગમ્મત સાથે જ્ઞાન/ ‘ગુજરાત જ્ઞાન ગુરૂ ક્વિઝ’નો અમદાવાદનાં સાયન્સસિટીથી રાજ્ય વ્યાપી શુભારંભ
