એપ્રિલમાં ઘણા તહેવારો આવી રહ્યા છે, જેમાં બૈશાખી, ગુડી પડવા, બિહુ, ઉગાડી અને પોલિયા બૈશાખ મુખ્ય છે. હોન્ડા કાર્સ તહેવારોને ધ્યાનમાં રાખીને તેની કારો પર બમ્પર ડિસ્કાઉન્ટ આપી રહી છે. કંપની પાસેથી પ્રાપ્ત માહિતી અનુસાર, જે લોકો આ ઓફર્સનો લાભ લેવા માંગે છે તેઓ 30 એપ્રિલ 2021 સુધી અધિકૃત ડીલર પાસેથી કાર ખરીદી શકે છે. હોન્ડાથી પ્રાપ્ત માહિતી અનુસાર, હોન્ડા અમેઝ પર કંપની મહત્તમ 38 હજાર રૂપિયા સુધીની છૂટ આપી રહી છે. આ સિવાય હોન્ડા ડબ્લ્યુઆર-વી પર લગભગ 32,500 રૂપિયા, હોન્ડા જૈઝ પર 32,200 રૂપિયા અને હોન્ડા સિટી 5th જનરેશન પર 10,000 રૂપિયા સુધીનું ડિસ્કાઉન્ટ આપવામાં આવી રહ્યું છે.
SCIENCE & TECHNOLOGY / જાણો, ફેસ ઑથેન્ટિકેશન મારફતે કેવી રીતે આધારકાર્ડ ડાઉનલોડ કરશો
મીડિયા રિપોર્ટ્સ અનુસાર, હોન્ડાની આ કાર્સ પર આ તમામ ઓફર કેસ ડિસ્કાઉન્ટ, એસેસરીઝ અને કાર એક્સચેન્જ પર ડિસ્કાઉન્ટ તરીકે આપવામાં આવી રહી છે. આ ઉપરાંત કંપનીનાં હાલનાં ગ્રાહકોને જૂની કારનાં એક્સચેંજ પર વિશેષ લોયલ્ટી બોનસ અને વિશેષ એક્સચેન્જ લાભ આપવામાં આવી રહ્યો છે. મીડિયા અહેવાલો અનુસાર, હોન્ડા કાર્સ ઇન્ડિયાનાં વરિષ્ઠ પ્રેસીડેન્ટ અને ડિરેક્ટર (માર્કેટિંગ અને સેલ્સ) રાજેશ ગોયલનાં જણાવ્યા અનુસાર, ઘણા ગ્રાહકો તહેવારોને ધ્યાનમાં રાખીને કાર ખરીદવા માંગે છે. તેમનું કહેવું છે કે કંપનીનો પ્રયાસ છે કે કાર ખરીદનારને વાજબી ભાવે ઉપલબ્ધ કરાવવામાં આવે. તે કહે છે કે કોવિડ-19 ની હાલની પરિસ્થિતિ જોતાં વાહનની જરૂરિયાત બની ગઈ છે. તેમનું કહેવું છે કે આ કાર કંપનીનાં ઓનલાઇન પ્લેટફોર્મ પરથી સુરક્ષિત રીતે ખરીદી શકાય છે. તેમણે કહ્યું હતું કે ડીલરશીપમાં વેચાણ દરમિયાન કોવિડની સુરક્ષા માટે વિશેષ વ્યવસ્થા કરવામાં આવી છે.
bumper sale / Flipkart પર Mobile Bonanza Sale શરૂ, આ સ્માર્ટફોન પર મળી રહ્યું છે જબરદસ્ત ડિસ્કાઉન્ટ
મીડિયા રિપોર્ટ્સ અનુસાર, હોન્ડા કાર્સ ઇન્ડિયાએ માર્ચ 2021 દરમિયાન 7,103 યુનિટનું વેચાણ નોંધાવ્યું હતું, જે ગયા વર્ષનાં માર્ચમાં 3,697 યુનિટ હતું. મળતી માહિતી મુજબ, ગયા વર્ષે માર્ચની તુલનામાં કંપનીએ માર્ચ 2021 માં વેચાણમાં 92 ટકાનો ઉછાળો નોંધ્યો છે. જો કે, જો આપણે ફેબ્રુઆરી 2021 નાં ડેટા પર નજર કરીએ તો તેમાં ઘટાડો જોવા મળ્યો છે. ફેબ્રુઆરી 2021 માં 9,324 યુનિટનાં વેચાણની તુલનામાં માર્ચ 2021 માં વેચાણમાં 23 ટકાનો ઘટાડો થયો છે. નાણાકીય વર્ષ 2020-21 માં કંપનીએ ભારતીય બજારમાં 82,074 વાહનોનું વેચાણ નોંધ્યું છે. બીજી તરફ, 5,131 વાહનોની નિકાસ કરવામાં આવી છે.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
