આ નવા વર્ષની શરૂઆત સાથે જ સાઉથની અભિનેત્રી કાજલ અગ્રવાલના ચાહકોને સારા સમાચાર મળ્યા છે. જેમાં અભિનેત્રીના પતિ ગૌતમ કિચલુએ માહિતી આપી હતી કે તેમની પત્ની અને અભિનેત્રી કાજલ ટૂંક સમયમાં માતા બનવા જઈ રહી છે. અભિનેત્રી આ વર્ષે તેના પ્રથમ બાળકનું સ્વાગત કરવાની છે.
અભિનેત્રીના પતિ ગૌતમ કિચલુએ શનિવારે તેના ઇન્સ્ટાગ્રામ એકાઉન્ટ પરથી તેની પત્ની કાજલ અગ્રવાલની તસવીર શેર કરીને ચાહકો સાથે આ સમાચાર શેર કર્યા હતા. તસવીર શેર કરતાં તેણે કેપ્શનમાં લખ્યું, ‘2022 તમારી રાહ જોઈ રહ્યું છે.’ આ સાથે તેણે પ્રેગ્નન્ટ મહિલાનું ઈમોજી પોસ્ટ કર્યું હતું. શેર કરેલી આ તસવીરમાં કાજલ ટેબલ પર બેઠેલી જોવા મળી રહી છે. પીળા રંગના ડ્રેસમાં અભિનેત્રી ખૂબ જ સુંદર લાગી રહી છે.
આ પણ વાંચો:Bollywood / રસ્તા પર સારા અલી ખાન સાથે બાઇક રાઇડ કરવુ વિકી કૌશલને પડ્યું ભારે
કાજલ અગ્રવાલે શુક્રવારે તેના પતિ સાથે પોતાની એક તસવીર શેર કરી હતી. આ ફોટામાં અભિનેત્રી તેના બેબી બમ્પને ફ્લોન્ટ કરતી જોવા મળી હતી. ફોટામાં અભિનેત્રી લીલા રંગના થાઈ હાઈ સ્લિટ ગાઉનમાં ખૂબ જ સુંદર લાગી રહી હતી. તેનો પતિ ગૌતમ કિચલુ સેમી કેઝ્યુઅલ લુકમાં જોવા મળ્યો હતો.
કાજલ અને તેના પતિએ તાજેતરમાં જ તેમની પ્રથમ લગ્નની વર્ષગાંઠ ઉજવી. આ કપલે વર્ષ 2020માં મુંબઈમાં ઓક્ટોબરમાં લગ્ન કર્યા હતા. બંનેએ કોરોના પ્રતિબંધ હેઠળ સાત રાઉન્ડ લીધા. આ લગ્ન સમારોહમાં માત્ર કેટલાક નજીકના મિત્રો અને પરિવારના સભ્યો હાજર રહ્યા હતા.
આ પણ વાંચો:ood / અનુષ્કા શર્માએ દીકરી વામિકાને તેની માતા કહેતા વીડિયો શેર કરીને જાણો શું કહ્યું?
