ફોન પર સ્પામ કોલ એક સામાન્ય બાબત બની ગઈ છે. ક્યારેક લોન લેવા માટે કોલ આવે છે તો ક્યારેક વીમા માટે કોલ આવે છે. કેટલાક એવા કોલ હોય છે, જેને કટ કર્યા પછી પણ વારંવાર કોલ આવતા રહે છે. જો તે બ્લોક હોય તો પણ અન્ય નંબરો પરથી કોલ આવવા લાગે છે. જો તમે પણ આ કૉલ્સથી પરેશાન છો અને કાયમી ઉકેલ શોધી રહ્યા છો, તો આ ખાસ આર્ટિકલ જરૂર વાંચો.
તમે કોલ બ્લોકીંગ એપ્સની મદદ લઈ શકો છો. ગૂગલ પ્લે સ્ટોર પર એવી ઘણી એપ્સ છે, જે જણાવે છે કે ફોન પર આવેલ કોલ સ્પામ છે કે નહીં. તમારે ગૂગલ પ્લે સ્ટોર પર સર્ચ કરવાનું રહેશે. તમને અહીં આ એપ્સ વિશે જણાવવા જઈ રહ્યા છીએ. આ એપ્સ માત્ર સ્પામ કોલ જ જણાવશે નહીં. તમે આ એપ્સ દ્વારા કોલને પણ બ્લોક કરી શકો છો.
કૉલ બ્લોક માટે 5 એન્ડ્રોઇડ એપ્સ
Truecaller: આ એપનો સૌથી વધુ ઉપયોગ થાય છે. આ એપ અજાણ્યા કોલને ઓળખવામાં મદદ કરે છે. છેતરપિંડી કૉલ્સ અને સ્પામ કૉલ્સને શોધે છે અને તેને બ્લોક કરે છે. આ એપ દ્વારા તમે કોઈપણ નંબરને બ્લેકલિસ્ટ અને બ્લોક કરી શકો છો.
Hiya: આ એપ પણ ઘણી સારી છે. એપ સ્પામ કોલ્સ શોધે છે અને બ્લોક કરે છે. તમે Hiya દ્વારા ફોન બુક કોન્ટેક્ટ્સમાં નામ અને સરનામું પણ ઉમેરી શકો છો.
Calls Blocklist: આ પણ એક શાનદાર એપ છે. એપ કોલ અને એસએમએસ મેસેજ બંને માટે કોલ બ્લોકર છે.
Should I Answer?: આ એપ પણ શ્રેષ્ઠ વિકલ્પ છે. આ એપમાં સ્પામ નંબરોનો વિશાળ ડેટાબેઝ છે, જે સતત અપડેટ થતો રહે છે. જો કોઈ વ્યક્તિ કૉલ કરવાનો પ્રયાસ કરે છે, તો તે તેને આપમેળે બ્લોક કરશે. આ એપ દ્વારા ઈન્ટરનેશનલ કોલ્સ પણ બ્લોક કરી શકાય છે.
Call Blocker: આ ઍપ દ્વારા કૉલ સેન્ટર્સ, સ્પામ નંબર્સ, રોબોકૉલ્સ, ટેલિમાર્કેટિંગ વગેરેના અજાણ્યા કૉલ્સને બ્લૉક કરવાનું સારું કામ કરે છે.
આ પણ વાંચો: સુરત / ચામાં વ્હિસ્કીનો સ્વાદ, પીવા માટે સવારથી સાંજ સુધી લોકો લગાવે છે લાંબી લાઈન
આ પણ વાંચો: Politics / ચૂંટણી રાજનીતિના ચાણક્ય ‘પીકે’એ કહ્યું, હવે કોંગ્રેસ સાથે નહીં કરીએ કામ
