યુએસના પૂર્વ રાષ્ટ્રપતિ ડોનાલ્ડ ટ્રમ્પ આગામી કેટલાક મહિનામાં પોતાનું સોશ્યલ મીડિયા પ્લેટફોર્મ લોન્ચ કરી શકે છે. ટ્રમ્પના નજીકના લોકોએ કહ્યું કે, સોશિયલ મીડિયા પ્લેટફોર્મ બનાવવામાં આવી રહ્યું છે જેથી ટ્રમ્પ પોતાનો સંદેશ અમેરિકાની જનતા સાથે શેર કરી શકે. આપને જણાવી દઈએ કે, કેપિટલ હિલના તોફાનોને ભડકાવવા બદલ ડોનાલ્ડ ટ્રમ્પને થોડા મહિના પહેલા ટ્વિટર, ફેસબુક, યુટ્યુબ અને અન્ય સોશિયલ મીડિયા સાઇટ્સ પર પ્રતિબંધ મૂક્યો હતો.
એક ટીવી ચેનલ સાથેની વાતચીતમાં કોરી લેવાન્ડોવસ્કીએ કહ્યું કે, અમે એક મંચ લાવવા જઈ રહ્યા છીએ, જેના પર રાષ્ટ્રપતિનો સંદેશ અમેરિકાની જનતા સાથે વહેંચી શકાય. આ સાથે, અન્ય લોકોને પણ તેમાં તેમના વિચારો મૂકવાની તક મળશે અને તેઓ કોઈ પણ પ્રકારના ભય વિના મુક્ત સ્વરૂપે વાતચીત કરી શકશે.
આ પણ વાંચો :અમેરિકાનાં ઉપરાષ્ટ્રપતિ કમલા હેરિસે ટ્વિટર કરી ભારતીયોને પાઠવી હોળીની શુભેચ્છા
માર્ચની શરૂઆતમાં, ટ્રમ્પના પૂર્વ સલાહકાર જૈસોન મિલરે પુષ્ટિ આપી હતી કે, ટ્રમ્પ બે-ત્રણ મહિના પછી સોશિયલ મીડિયા પ્લેટફોર્મ પર પાછા આવશે. મિલેરે કહ્યું કે, રમત સંપૂર્ણ બદલાઇ રહી છે અને દરેક રાષ્ટ્રપતિ ટ્રમ્પ શું કરવા જઈ રહ્યા છે તે જોવાની રાહમાં છે. પરંતુ તે તેમનું પોતાનું પ્લેટફોર્મ હશે.
આપને જણાવી દઈએ કે ડોનાલ્ડ ટ્રમ્પ સતત તેમના ટ્વીટ્સને કારણે સમાચારોમાં રહે છે. ટ્વીટરે ઘણી વખત તેના ટ્વિટ પર પ્રતિબંધ પણ લગાવ્યો છે. આ સિવાય તેના પર તેના ટ્વિટર એકાઉન્ટ દ્વારા નકલી સમાચારો શેર કરવાનો આરોપ પણ લગાવવામાં આવ્યો છે. જોકે 88 મિલિયન ફોલોઅર્સવાળા ટ્રમ્પના ખાતા પર અનિશ્ચિત સમય માટે પ્રતિબંધ મૂકવામાં આવ્યો છે.
આ પણ વાંચો :પાકિસ્તાનમાં લગભગ 100 વર્ષ જુના મંદિર પર અજાણ્યા શખ્સોએ કર્યો હુમલો
ટ્રમ્પ આ એપ્લિકેશન પર સક્રિય હતા
ટ્વિટર, ફેસબુક અને ઇંસ્ટાગ્રામ જેવા સોશ્યલ મીડિયા પ્લેટફોર્મ પર કાયમ માટે પ્રતિબંધ મુકાયા બાદ એક મહિના પહેલા સમાચાર આવ્યા હતા કે ડોનાલ્ડ ટ્રમ્પ આ દિવસોમાં સોશિયલ મીડિયા સાઇટ GAB (ગેબ) પર સક્રિય છે. તેઓ સતત એકાઉન્ટ બનાવીને ગેબ પર એકાઉન્ટ્સ શેર કરી રહ્યાં છે.
