US H-1B Visa Fee Hike and Indian Workers Impact: અમેરિકામાં નોકરીનું સપનું જોતા ભારતીયો માટે H-1B Visa સૌથી મહત્વના રસ્તાઓમાંથી એક છે. પરંતુ હવે આ વિઝા પ્રોગ્રામને લઈને અમેરિકન સરકારના નવા પગલાથી ભારતીય પ્રોફેશનલ્સની ચિંતા વધી શકે છે. રાષ્ટ્રપતિ ડોનાલ્ડ ટ્રમ્પે H-1B વિઝા અરજી સાથે જોડાયેલી ભારે ફી અંગેના પ્રસ્તાવને સમર્થન આપ્યું છે. જો આ પ્રસ્તાવ અમલમાં આવશે તો અમેરિકન કંપનીઓ માટે વિદેશી કર્મચારીઓને હાયર કરવાનું પહેલાં કરતાં ઘણું મોંઘું બની શકે છે.
ટ્રમ્પનું ફોકસ અમેરિકન વર્કર્સ પર
લેબર ડેના સંદેશમાં ટ્રમ્પે કહ્યું કે કંપનીઓએ વિદેશમાંથી કર્મચારીઓને લાવતાં પહેલાં અમેરિકન નાગરિકોને નોકરી અને જરૂરી ટ્રેનિંગ આપવા માટે વધુ રોકાણ કરવું જોઈએ. તેમના મતે H-1B પર(US H-1B Visa) વધારાનો ખર્ચ કંપનીઓને સ્થાનિક કર્મચારીઓને પ્રાથમિકતા આપવા માટે પ્રોત્સાહિત કરશે. ટ્રમ્પ આ નિર્ણયને અમેરિકામાં રોજગાર વધારવા અને મેન્યુફેક્ચરિંગ ક્ષેત્રને મજબૂત બનાવવાના પોતાના મોટા એજન્ડા સાથે પણ જોડી રહ્યા છે.
97 લાખ રૂપિયાની ફીનો પ્રસ્તાવ શું છે?
અહીં સૌથી મહત્વની વાત એ છે કે આ ફી હાલમાં લાગુ થયેલો ચાર્જ નથી. અમેરિકાના Department of Homeland Security દ્વારા અગાઉ કેપ-સબજેક્ટ H-1B અરજીઓ માટે 1,03,265 અમેરિકન ડૉલર, એટલે કે અંદાજે 97 લાખ રૂપિયા, જેટલી ફીનો પ્રસ્તાવ મૂકવામાં આવ્યો હતો. આ રકમ હાલના ઇમિગ્રેશન ખર્ચથી અલગ હશે અને H-1B (US H-1B Visa)પિટિશન દાખલ કરતી વખતે લાગુ થઈ શકે છે. પ્રસ્તાવિત નિયમ ફેડરલ રેગ્યુલેટરી પ્રક્રિયાનો ભાગ છે, એટલે અત્યારે તેને સક્રિય ફી માનવી યોગ્ય નથી.
ભારતીયો પર કેમ પડી શકે અસર?
H-1B વિઝા(US H-1B Visa) મેળવવામાં ભારતીયો સૌથી આગળ રહે છે. 2024માં મંજૂર થયેલા H-1B વિઝામાં ભારતીય નાગરિકોનો હિસ્સો આશરે 71 ટકા હતો. આ કારણે અમેરિકામાં કામ કરતા ભારતીય પ્રોફેશનલ્સ ખાસ કરીને આ ફેરફાર પર નજર રાખી રહ્યા છે. જો કંપનીઓને દરેક નવી H-1B ભરતી માટે અત્યંત મોટી રકમ ચૂકવવી પડે, તો કેટલીક કંપનીઓ વિદેશી કર્મચારીઓને હાયર કરવાનું ટાળી શકે છે. ખાસ કરીને નોકરી બદલવાની સ્થિતિમાં ભારતીય કર્મચારીઓ માટે આ ચિંતાનો વિષય બની શકે છે.
અમેરિકામાં ભણતા ભારતીય વિદ્યાર્થીઓની પણ ચિંતા
અમેરિકામાં(US H-1B Visa) અભ્યાસ કરી રહેલા ભારતીય વિદ્યાર્થીઓ પણ સંભવિત અસરને લઈને ચિંતિત છે. અભ્યાસ પૂર્ણ કર્યા બાદ H-1B દ્વારા નોકરી મેળવવાની યોજના ધરાવતા વિદ્યાર્થીઓ માટે કંપનીઓનો વધેલો ખર્ચ એક વધારાનો અવરોધ બની શકે છે. હાલ આ ફી માત્ર પ્રસ્તાવિત છે અને અંતિમ નિર્ણય તથા અમલની પ્રક્રિયા હજુ બાકી છે. તેથી ભારતીય વર્કર્સ અને વિદ્યાર્થીઓ માટે આગામી નિયમોમાં શું ફેરફાર થાય છે તે જોવું મહત્વનું રહેશે.
આ પણ વાંચો: સિયોલના ડિફેન્સ ફોરમમાં ચીનને ફિલિપાઇન્સની આકરી ટકોર, રક્ષામંત્રીએ કહ્યું- થોડી તો શરમ કરો
આ પણ વાંચો: અમેરિકા-કેનેડા વેપાર યુદ્ધ વકર્યું, કેનેડાએ 600થી વધુ અમેરિકી વસ્તુઓ પર 50% સુધી ટેરિફ ઝીંક્યો
આ પણ વાંચો:અમેરિકા-ઈરાન યુદ્ધ વધુ ભીષણ, અમેરિકાએ 5 ઈરાની ઓઈલ ટેન્કરો પર અમેરિકાનો હુમલો
