ચાબહારમાં પ્રચંડ વિસ્ફોટ 

ઈરાની મીડિયા અનુસાર, શહેરના ઘણા ભાગોમાં  વીજ પુરવઠો ઠપ થઈ ગયો હતો. સ્થાનિક રહેવાસીઓએ જણાવ્યું હતું કે તેઓએ અનેક વિસ્ફોટો સાંભળ્યા હતા, ત્યારબાદ બચાવ ટીમો અસરગ્રસ્ત વિસ્તારોમાં દોડી આવી હતી. એપ્રિલમાં યુદ્ધવિરામની જાહેરાત થયા પછી આ વ્યૂહાત્મક બંદર પર આ પહેલો હુમલો છે. આ ઉપરાંત, ઈરાનના ગોલેસ્તાન પ્રાંતમાં અક ટેકેહ ખાન રેલ્વે પુલ પર પણ મિસાઈલ (Missile Attack) છોડવામાં આવી હતી.

ભારત માટે ચાબહાર બંદરનું મહત્વ

ઈરાનના સિસ્તાન-બલુચિસ્તાન પ્રાંતમાં સ્થિત ચાબહાર બંદર ભારત માટે વ્યૂહાત્મક અને આર્થિક બંને દ્રષ્ટિકોણથી મહત્વપૂર્ણ છે. તે ઈરાનનું એકમાત્ર ઊંડા પાણીનું બંદર છે જે હિંદ મહાસાગર સુધી સીધો પ્રવેશ ધરાવે છે. ભારત માટે તેનું સૌથી મોટું મહત્વ એ છે કે તે પાકિસ્તાનને બાયપાસ કરે છે અને અફઘાનિસ્તાન, રશિયા અને મધ્ય એશિયા સાથે વેપાર માટે એક નવો અને ટૂંકો માર્ગ પૂરો પાડે છે. ચાબહાર બંદર ભારતને આંતરરાષ્ટ્રીય ઉત્તર-દક્ષિણ પરિવહન કોરિડોર (INSTC) સુધી પહોંચ પ્રદાન કરે છે, જે ભારતના યુરેશિયન વિઝનનો મુખ્ય ઘટક છે.

વધુમાં, આ વ્યૂહાત્મક રીતે સ્થિત બંદર પાકિસ્તાનના ગ્વાદર બંદરથી માત્ર 170 કિલોમીટર દૂર છે, જે ચીન દ્વારા વિકસાવવામાં આવી રહ્યું છે. ચાબહાર બંદર અરબી સમુદ્ર અને ગલ્ફ ક્ષેત્ર (CPEC) માં ચીનના વધતા પ્રભાવ સામે મજબૂત પ્રતિ-ભાર તરીકે પણ કામ કરે છે. તાજેતરમાં, ભારતે આ બંદર અને તેની સાથે સંકળાયેલ ચાબહાર-ઝાહેદાન રેલ્વે લિંકના વિકાસને વેગ આપ્યો છે, જે તેને ભારતની રાજદ્વારી અને આર્થિક શક્તિનું મુખ્ય કેન્દ્ર બનાવે છે. જો કે, યુએસ પ્રતિબંધોએ ભારતને પાછળ હટવાની ફરજ પાડી છે.

આ પણ વાંચો: અમેરિકાના વિદેશ મંત્રી રૂબિયોની મોટી જાહેરાત: ડોનાલ્ડ ટ્રમ્પ લેશે ભારતની મુલાકાત, ભારત-અમેરિકા ટ્રેડ ડીલને મળી શકે છે ગતિ