અમેરિકાના રાષ્ટ્રપતિ જો બિડેન ફરી એકવાર ચર્ચામાં આવ્યા છે. આ વખતે તે કોઈ નિવેદનને કારણે નહીં પરંતુ સાયકલ અકસ્માતને કારણે ચર્ચામાં છે. શનિવારે, તેમણે ડેલવેર બીચ હોમ નજીક હેનલોપેન સ્ટેટ પાર્કમાં સાઇકલથી પડી ગયા હતા. તે કહે છે કે તેને કોઈ ઈજા થઈ નથી.રાષ્ટ્રપતિને પડતા જોઈને સુરક્ષામાં તૈનાત ગુપ્તચર એજન્ટો બચાવમાં આવ્યા અને બિડેને કહ્યું, હું ઠીક છું. 79 વર્ષીય બિડેન શુક્રવારે 45મી લગ્ન વર્ષગાંઠની ઉજવણી કરવા પત્ની જીલ બિડેન સાથે આવ્યા હતા
જ્યારે તે શનિવારે સવારે વોક કરીને પાછા ફર્યા ત્યારે તેમણે લોકોને મળવા માટે પેડલ સાઇકલ પર જવાનું નક્કી કર્યું. ત્યાં ઉતરવાનો પ્રયાસ કરતી વખતે, બિડેન અચાનક પડી ગયા. તે સમયે તેમણે હેલ્મેટ પહેર્યું હતું. ટૂંક સમયમાં તે શાંત થઈ ગયા અને તેને જોવા માટે ભેગા થયેલા લોકો સાથે વાતચીત પણ કરી.
વ્હાઇટ હાઉસે જણાવ્યું હતું કે તેને કોઈ તબીબી સહાયની જરૂર નથી. વ્હાઇટ હાઉસના એક અધિકારીએ જણાવ્યું હતું કે, રાષ્ટ્રપતિ જો બિડેન ડેલવેરના રેહોબોથ બીચમાં તેમના ઘરની નજીકના સ્ટેટ પાર્કમાં સવારી દરમિયાન શનિવારે તેમની સાઇકલ પરથી પડી ગયા પછી “સારું” છે. રાષ્ટ્રપતિ સાથે મુસાફરી કરી રહેલા પત્રકારોને જારી કરાયેલા નિવેદનમાં, અધિકારીએ કહ્યું કે તેમને કોઈ તબીબી સહાયની જરૂર નથી.
બિડેને પત્રકારોને કહ્યું કે “મારો અંગૂઠો અટકી ગયો હતો. હું ઠીક છું.” રાષ્ટ્રપતિ બિડેન પડ્યા પછી અમેરિકન સિક્રેટ સર્વિસ એજન્ટોએ તરત જ મદદ કરી.ત્યારબાદ બિડેને ભીડ સાથે થોડી મિનિટો સુધી વાતચીત કરી.
જ્યારે ભીડમાં એક બાળક દ્વારા પૂછવામાં આવ્યું કે દેશ કેવી રીતે ચલાવવામાં આવે છે, ત્યારે બિડેને મજાકમાં કહ્યું, “ઓહ, તે અન્ય કામ જેવું છે. કેટલાક ભાગો સરળ છે, કેટલાક ભાગો મુશ્કેલ છે.” બિડેન તેમની 45મી લગ્ન વર્ષગાંઠની ઉજવણી કરવા માટે તેમના રેહોબોથ બીચના ઘરે લાંબો સપ્તાહથી અહિ સમય વિતાવી રહ્યા છે.