Vadodara News:વડોદરાની જાણીતી ગોત્રી GMERS મેડિકલ કોલેજ અને હોસ્પિટલ ફરી એક વાર ગંભીર વિવાદના વમળમાં ફસાઈ છે. હોસ્પિટલના (GMERS Hospital) સ્ટાફની કથળેલી વ્યવસ્થા અને ઘોર બેદરકારીને કારણે બે દર્દીઓ માટે મંગાવેલા બ્લડ બેગમાં ગોટાળો થતાં એક દર્દીને ખોટા બ્લડ ગ્રુપનું લોહી ચડાવવાની ઘટના સામે આવી છે.સદનસીબે નર્સિંગ સ્ટાફને સમયસર ભૂલનો અહેસાસ થતાં તાત્કાલિક સારવાર શરૂ કરવામાં આવી અને દર્દીનો જીવ બચી ગયો.
માહિતી અનુસાર, હોસ્પિટલમાં (GMERS Hospital) સારવાર લઈ રહેલા બે અલગ-અલગ દર્દીઓ માટે બ્લડ બેંક અથવા બહારથી લોહી મંગાવવામાં આવ્યું હતું. જોકે, હોસ્પિટલ સ્ટાફની ગંભીર ક્ષતિને કારણે એક દર્દીને તેના અસલ બ્લડ ગ્રુપ કરતાં અલગ ગ્રુપનું લોહી ચડાવવાનું શરૂ કરી દેવામાં આવ્યું.
હોસ્પિટલમાં (GMERS Hospital) દર્દીને બીજા બ્લડ ગ્રુપનું બ્લડ ચડાવાતા હાહાકાર
જ્યારે નર્સિંગ સ્ટાફને આ ભયાનક ભૂલનો અહેસાસ થયો ત્યારે હોસ્પિટલમાં હાહાકાર મચી ગયો. તરત જ ખોટું લોહી બંધ કરીને દર્દીને તાત્કાલિક જરૂરી સારવાર આપવામાં આવી. આ સમયસરની પ્રતિક્રિયાને કારણે મોટી જાનહાનિ ટળી ગઈ, પરંતુ દર્દીને તકલીફ પડી હોવાનું જાણવા મળ્યું છે.
આ ઘટનાએ GMERS હોસ્પિટલની (GMERS Hospital) કામગીરી અને દર્દી સુરક્ષા પર ફરીથી ગંભીર સવાલો ઉઠાવ્યા છે.બ્લડ ટ્રાન્સફ્યુઝન જેવી સંવેદનશીલ પ્રક્રિયામાં ડબલ-ચેકિંગ અને પ્રોટોકોલનું પાલન કેમ થયું નહીં?બ્લડ બેગના લેબલિંગ અને વેરિફિકેશનમાં ક્યાં ખામી રહી ગઈ?શું સ્ટાફને પર્યાપ્ત તાલીમ અને વર્કલોડ મેનેજમેન્ટની અછત છે?આ પ્રકારની ભૂલો ABO અસંગતતાને કારણે હેમોલિટીક પ્રતિક્રિયા જેવી જીવલેણ સ્થિતિ સર્જી શકે છે. આવી ઘટનાઓમાં દર્દીની જિંદગી જોખમમાં મુકાઈ જાય છે.
ગોત્રી GMERS હોસ્પિટલ છેલ્લા કેટલાક સમયથી વિવિધ વિવાદોમાં સમાચારમાં રહી છે તેમાં સારવારમાં વિલંબ, સુવિધાઓની અછત અને અન્ય બેદરકારીના આક્ષેપો સામેલ છે. આ ઘટના પછી સ્થાનિક લોકો અને દર્દીઓના પરિવારોમાં આક્રોશ જોવા મળી રહ્યો છે.હાલમાં હોસ્પિટલ તરફથી આ બાબતે કોઈ સત્તાવાર પ્રતિક્રિયા સામે આવી નથી.
આ પણ વાંચો:વડોદરા ગ્રાહક કોર્ટનો ઐતિહાસિક ચુકાદો! હોસ્પિટલની ભૂલની સજા દર્દીને ન આપી શકાય
આ પણ વાંચો:વડોદરાઃ SSG હોસ્પિટલમાં બારીમાંથી કૂદેલા દર્દીનું મોત…
આ પણ વાંચો:વડોદરાની સયાજી હોસ્પિટલના પહેલા માળેથી દર્દીએ પડતું મુક્યું
