Vadodara News: વડોદરા શહેરના વાડી વિસ્તારમાં ગુરુવારે એક જૂના મકાનની છત અચાનક ધરાશાયી (House Roof Collapse) થતાં અફરાતફરીનો માહોલ સર્જાયો હતો. અંદાજે 100 વર્ષ જૂના આ મકાનની છત તૂટી પડતાં બે લોકો કાટમાળ નીચે ફસાઈ ગયા હતા. ઘટનાની જાણ થતાં જ ફાયર બ્રિગેડ અને પોલીસની ટીમ તાત્કાલિક ઘટનાસ્થળે પહોંચી હતી.
House Roof Collapse: ફાયર બ્રિગેડે હાથ ધર્યું રેસ્ક્યુ ઓપરેશન
માહિતી મળતા જ ફાયર બ્રિગેડના જવાનોએ તાત્કાલિક રેસ્ક્યુ ઓપરેશન શરૂ કર્યું હતું. ભારે જહેમત બાદ કાટમાળ નીચે ફસાયેલા બંને લોકોને સુરક્ષિત બહાર કાઢવામાં સફળતા મળી હતી.
ઇજાગ્રસ્તોને હોસ્પિટલ ખસેડાયા
રેસ્ક્યુ બાદ બંને ઇજાગ્રસ્તોને પ્રાથમિક સારવાર માટે તરત જ વડોદરાની SSG હોસ્પિટલમાં ખસેડવામાં આવ્યા હતા. તેમની હાલત અંગે તબીબો દ્વારા સારવાર આપવામાં આવી રહી છે.
પોલીસ તપાસમાં જોડાઈ
ઘટનાની જાણ થતાં વાડી પોલીસ પણ સ્થળ પર પહોંચી હતી. પોલીસ દ્વારા સમગ્ર ઘટનાની નોંધ લઈ છત ધરાશાયી (House Roof Collapse) થવાનું ચોક્કસ કારણ જાણવા વધુ તપાસ શરૂ કરવામાં આવી છે.
જૂના મકાનોની સુરક્ષા પર ફરી સવાલ
આ ઘટના બાદ શહેરના વર્ષો જૂના અને જર્જરિત મકાનોની સુરક્ષા અંગે ફરી ચર્ચા શરૂ થઈ છે. નિષ્ણાતોના મતે આવા મકાનોનું સમયાંતરે સ્ટ્રક્ચરલ ઓડિટ અને જરૂરી સમારકામ કરવું જરૂરી છે, જેથી આવી દુર્ઘટનાઓ ટાળી શકાય.
આ પણ વાંચો:રાજકોટના યાજ્ઞિક રોડ પર દુર્ઘટના, દુકાનની House Roof Collapse થતા કેટલાક લોકો ફસાયા
આ પણ વાંચો:હાઉસિંગ કોમ્પ્લેક્સના છ ફ્લેટની છત એકસાથે ધરાશાયી, અનેક લોકોએ ગુમાવ્યા જીવ
આ પણ વાંચો:શૌચાલયની House Roof Collapse, બે વિદ્યાર્થીને ગંભીર ઇજા
