Health & Fitness : શરીરને નિરોગી રાખવા અને રોગ પ્રતિકારક શક્તિ (ઇમ્યુનિટી) ને મજબૂત બનાવવા માટે વિટામિન C (Vitamin C)અત્યંત મહત્વપૂર્ણ પોષક તત્વ છે। વિટામિન C શરીરમાં કોલેજનનું ઉત્પાદન વધારવા, ઘા રૂઝવવામાં, આયર્નને સોસવામાં અને ત્વચાને ચમકદાર રાખવામાં મદદ કરે છે. આપણું શરીર વિટામિન C નો સંગ્રહ (Store) કરી શકતું નથી, તેથી તેને રોજિંદા આહાર દ્વારા મેળવવું અનિવાર્ય છે.

મોંઘા સપ્લિમેન્ટ્સ લેવા કરતાં કુદરતી ફળોના જ્યુસ અને સ્મૂધી દ્વારા વિટામિન C ની ઉણપ સરળતાથી પૂરી કરી શકાય છે.ચાલો જાણીએ આહારમાં સામેલ કરવા જેવા 5 શ્રેષ્ઠ હેલ્ધી જ્યુસ અને સ્મૂધી વિશે

Vitamin C : સંતરાનો જ્યુસ (Orange Juice)

સંતરા વિટામિન C નો મુખ્ય અને કુદરતી સ્ત્રોત ગણાય છે. રોજ એક ગ્લાસ તાજો સંતરાનો રસ પીવાથી દિવસભરની વિટામિન C ની જરૂરિયાત પૂરી થાય છે.તેમાં રહેલા એન્ટીઑકિસડન્ટ્સ ઓક્સિડેટીવ સ્ટ્રેસ સામે રક્ષણ આપે છે.

તાજા આમળાનો રસ (Amla Juice)

આમળામાં અન્ય તમામ ફળો કરતાં સૌથી વધુ વિટામિન C હોય છે. તાજા આમળાનો રસ પીવાથી ઇમ્યુનિટી ખૂબ ઝડપથી વધે છે.આમળાના ખાટા-તીખા સ્વાદને બેલેન્સ કરવા માટે તેમાં થોડું સંચળ (કાળું મીઠું) ઉમેરીને પી શકાય છે.

જામફળની સ્મૂધી (Guava Smoothie)

જામફળ વિટામિન C, ફાઈબર અને પ્રોટીનથી ભરપૂર હોય છે. જામફળને દહીં કે દૂધ સાથે બ્લેન્ડ કરીને વગર ખાંડે બનાવેલી સ્મૂધી પીવાથી ઘણો ફાયદો થાય છે. કસરત કર્યા પછી કે બપોરના સમયે આ સ્મૂધી પીવી એક ઉત્તમ વિકલ્પ છે.

કીવી અને બેરીઝની સ્મૂધી (Kiwi Smoothie)

કીવી અને સ્ટ્રોબેરી જેવા ફળોમાં કુદરતી રીતે વિટામિન C નું પ્રમાણ વધુ હોય છે. કીવી સાથે થોડી બ્લુબેરી અને સાદું દહીં અથવા પ્લાન્ટ-બેઝ્ડ મિલ્ક (બદામનું દૂધ) મિક્સ કરીને બનાવેલી સ્મૂધી પીવાથી વિટામિન C ની કમી ઝડપથી પૂરી થાય છે.

લીંબુ પાણી (Lemon Water)

સવારે ઉઠતાની સાથે જ એક ગ્લાસ નવશેકા પાણીમાં લીંબુ નીચોવીને પીવું એ વિટામિન C મેળવવાનો સૌથી સરળ રસ્તો છે. જોકે, માત્ર લીંબુ પાણીથી આખી દૈનિક જરૂરિયાત પૂરી થતી ન હોવાથી આહારમાં અનાનસ (પાઈનેપલ) કે અન્ય ફળો પણ ઉમેરવા જોઈએ.

આ પણ વાંચો :ફ્રિજ વગર કાપેલું તરબૂચ બહાર રહેશે તાજું; અજમાવો આ સરળ ‘દેશી જુગાડ’

આ પણ વાંચો :ચહેરા પરના ડાઘ-ધબ્બા મિનિટોમાં થશે ગાયબ; રોજિંદા આહારમાં સામેલ કરો આ અદ્ભુત ‘સુપર-ડ્રિંક’

આ પણ વાંચો :ચોમાસામાં હેર સ્પા કે હેર માસ્ક? જાણો વાળની ચીકાશ, ફ્રિઝીનેસ અને ખંજવાળ દૂર કરવા કયો વિકલ્પ છે બેસ્ટ