Nora Fatehi Controversy: બોલિવૂડની ડાન્સિંગ ક્વીન નોરા ફતેહી (Nora Fatehi) છેલ્લા કેટલાક દિવસોથી તેના એક નવા ગીત ‘સરકે ચુનર તેરી સરકે’ (Sarke Chunar Teri Sarke) ને લઈને ભારે વિવાદોમાં ઘેરાયેલી છે. આ ગીતના અશ્લીલ શબ્દો અને બોલ્ડ ફિલ્માંકનને લઈને સોશિયલ મીડિયા પર તેને સખત ટ્રોલ કરવામાં આવી રહી છે. હવે આ મામલે આખરે નોરા ફતેહીએ પોતાની ચુપ્પી તોડી છે અને એક વીડિયો જાહેર કરીને પોતાની સ્થિતિ સ્પષ્ટ કરી છે. વિવાદ અને નોરા ફતેહીની સ્પષ્ટતાની મુખ્ય વિગતો.

“મારો ચહેરો મંજૂરી વગર વપરાયો : Nora Fatehi

નોરા ફતેહીએ પોતાના ઓફિશિયલ ઇન્સ્ટાગ્રામ પર એક વીડિયો શેર કરીને ચોંકાવનારો ખુલાસો કર્યો છે. તેણે જણાવ્યું કે, જે હિન્દી ગીતને લઈને વિવાદ થઈ રહ્યો છે, તેના માટે તેણે ક્યારેય શૂટિંગ કર્યું જ નથી. નોરાએ દાવો કર્યો કે મેકર્સ દ્વારા તેની મંજૂરી વગર જ આ ગીતમાં તેનો ચહેરો ઉપયોગમાં લેવામાં આવ્યો છે. તેણે આ સમગ્ર ઘટનાને પોતાની સાથે થયેલી છેતરપિંડી ગણાવી છે.

ચરિત્ર પર સવાલ ઉઠાવતા લોકો પર રોષ

વિવાદને કારણે સોશિયલ મીડિયા પર ઘણા લોકો નોરાની પસંદગી અને તેના ચરિત્ર પર સવાલ ઉઠાવી રહ્યા છે. આ અંગે દુઃખ વ્યક્ત કરતા નોરાએ (Nora Fatehi) કહ્યું, “તે ખૂબ જ દુર્ભાગ્યપૂર્ણ છે કે કેટલાક લોકો આ પરિસ્થિતિનો લાભ લઈને મારા પાત્ર (Character) પર નિશાન સાધી રહ્યા છે. મેં હંમેશા મારા કામ પ્રત્યે ઈમાનદારી રાખી છે અને હું ક્યારેય આવા અભદ્ર કન્ટેન્ટને સમર્થન આપતી નથી.”

કન્નડ ગીત અને અનુવાદનો ખેલ

નોરાએ (Nora Fatehi) સ્પષ્ટતા કરતા જણાવ્યું કે તેણે ત્રણ વર્ષ પહેલાં એક કન્નડ ગીત માટે શૂટિંગ કર્યું હતું. તે સમયે તેને ભાષાની પૂરતી સમજ નહોતી અને ગીતના મૂળ શબ્દો વિશે તેને અંધારામાં રાખવામાં આવી હતી. પાછળથી આ ગીતને હિન્દીમાં ડબ કરવામાં આવ્યું અને તેમાં આપત્તિજનક તેમજ દ્વિઅર્થવાળા શબ્દો ઉમેરવામાં આવ્યા, જેની તેને કોઈ જાણકારી નહોતી.

યુટ્યુબ પરથી ગીત હટાવાયું

ભારે વિરોધ અને સેન્સર બોર્ડની કડકાઈ બાદ, ફિલ્મમેકર્સે આ ગીતને યુટ્યુબ પરથી હટાવી દીધું છે. નેશનલ હ્યુમન રાઈટ્સ કમિશન (NHRC) એ પણ આ મામલે મેકર્સને નોટિસ ફટકારી છે. નોરાએ (Nora Fatehi) ગીત હટાવવા બદલ ચાહકોનો આભાર માન્યો અને અપીલ કરી કે હવે આ વિવાદિત ગીતને વધુ શેર ન કરવામાં આવે.

ફિલ્મ ‘KD: The Devil’ નો વિવાદ

આ ગીત સંજય દત્ત અને નોરા ફતેહી (Nora Fatehi) પર ફિલ્માવવામાં આવ્યું છે, જે આગામી ફિલ્મ ‘KD: The Devil‘ નો ભાગ છે. ગીતકાર રકીબ આલમે પણ આ વિવાદથી પોતાને અલગ કરતા કહ્યું છે કે તેમણે માત્ર ડાયરેક્ટરના કહેવા પર કન્નડ ગીતનું હિન્દીમાં રૂપાંતર કર્યું હતું, જે શબ્દો વિવાદિત છે તે તેમના મૂળ લખાણનો ભાગ નહોતા.

આ પણ વાંચો:પંજાબી સિંગર ગિપ્પી ગ્રેવાલને ગોલ્ડિ બરારનો ધમકીભર્યો કોલ: “તારા ઘરનું સરનામું ખબર છે, મેસેજ ઈગ્નોર ના કર

આ પણ વાંચો: ‘બેટલ ઓફ ગલવાન’નું નામ બદલાયું, હવે ‘માતૃભૂમિ’ તરીકે રિલીઝ થશે સલમાનની ફિલ્મ, જાણો શું છે નવી ટેગલાઈન?

આ પણ વાંચો:અરિજિત સિંહ બાદ હવે શ્રેયા ઘોષાલ પણ લેશે નિવૃત્તિ? સિંગરે કહ્યું- “ક્યારેક મારુ પણ મન થાય છે બ્રેક લેવાનું”