ગૃહમંત્રી અમિત શાહે મોદી સરકારના 9 વર્ષ પૂરા થવાના અવસર પર પ્રેસ કોન્ફરન્સ કરી હતી, જેમાં તેમણે ‘સેંગોલ’નો ઉલ્લેખ કર્યો હતો. ત્યારથી ચર્ચા શરૂ થઈ ગઈ કે આખરે આ સેંગોલ શું છે? ખુદ અમિત શાહે આ વિશે જણાવ્યું છે કે સેંગોલ આપણી પ્રાચીન પરંપરા સાથે જોડાયેલું છે, જેણે ઈતિહાસમાં મહત્વની ભૂમિકા ભજવી છે. 14 ઓગસ્ટ 1947ની રાત્રે પંડિત નેહરુએ તેનો સ્વીકાર કર્યો હતો.
શું છે સેંગોલ?
સેંગોલ સંસ્કૃત શબ્દ “સંકુ” પરથી ઉતરી આવ્યો છે, જેનો અર્થ થાય છે “શંખ”. હિન્દુ ધર્મમાં શંખને ખૂબ જ પવિત્ર માનવામાં આવે છે. તે ચોલા સામ્રાજ્ય સાથે સંકળાયેલ છે. પ્રાચીન સમયમાં, સેંગોલને સમ્રાટોની શક્તિ અને સત્તાનું પ્રતીક માનવામાં આવતું હતું. તેને રાજદંડ પણ કહેવામાં આવતું હતું. 1947માં જ્યારે ભારત આઝાદ થયું ત્યારે આ સેંગોલને અંગ્રેજો પાસેથી સત્તા મેળવવાનું પ્રતીક માનવામાં આવતું હતું. હવે નવા સંસદભવનમાં સેંગોલ સ્થાપિત કરવામાં આવશે. અમિત શાહે કહ્યું કે અત્યાર સુધી આ સેંગોલને અલ્હાબાદના મ્યુઝિયમમાં રાખવામાં આવ્યો હતો.
સેંગોલ એ અંગ્રેજો પાસેથી સત્તા મેળવવાનું પ્રતીક છે
અમિત શાહે કહ્યું કે 14 ઓગસ્ટ, 1947ના રોજ એક અનોખી ઘટના બની હતી, પરંતુ આજે 75 વર્ષ પછી પણ દેશના મોટાભાગના નાગરિકોને તેની જાણ નથી. આ દરમિયાન સેંગોલે મહત્વપૂર્ણ ભૂમિકા ભજવી હતી. આ સેંગોલ અંગ્રેજો પાસેથી સત્તાના હસ્તાંતરણનું પ્રતીક બની ગયું. વાસ્તવમાં, જ્યારે લોર્ડ માઉન્ટબેટને પંડિત નેહરુને સત્તાના હસ્તાંતરણની પ્રક્રિયા વિશે પૂછ્યું ત્યારે રાજગોપાલાચારીએ સેંગોલની પરંપરા વિશે જણાવ્યું. આ રીતે સેંગોલની પ્રક્રિયા નક્કી કરવામાં આવી હતી. આ પછી તમિલનાડુથી પવિત્ર સેંગોલ લાવવામાં આવ્યો અને મધ્યરાત્રિએ પંડિત નેહરુને આપવામાં આવ્યો. જે પછી એવું માનવામાં આવતું હતું કે અંગ્રેજોએ નેહરુને સત્તા સોંપી દીધી હતી.
28 મેના રોજ નવા સંસદ ભવનનું ઉદ્ઘાટન
નવા સંસદ ભવનનું ઉદ્ઘાટન 28 મેના રોજ થશે. ગૃહમંત્રી અમિત શાહે કહ્યું કે પીએમ મોદી 28 મેના રોજ નવા સંસદ ભવનનું ઉદ્ઘાટન કરશે. આ દરમિયાન તેઓ 60 હજાર શ્રમ યોગીઓનું સન્માન પણ કરશે. દરમિયાન, સ્પીકરની સીટ પાસે સેંગોલ સ્થાપિત કરવામાં આવશે.
આ પણ વાંચો:કિશ્તવાડમાં ભયાનક માર્ગ અકસ્માતનો શિકાર થયું ક્રુઝર વાહન, 7 લોકોના મોત
આ પણ વાંચો:અધીર રંજન ચૌધરીએ ફરી આપી વડાપ્રધાનને ‘ગાળો’, કહ્યું- પાગલ મોદી….
આ પણ વાંચો:ઓસ્ટ્રેલિયામાં મંદિરો પર હુમલો સ્વીકાર્ય નહીંઃ મોદી, આલ્બાનીઝની આકરા પગલાં લેવાની ખાતરી
આ પણ વાંચો:ટીવી અભિનેત્રી વૈભવી ઉપાધ્યાયનું માર્ગ અકસ્માતમાં મોત
