અહો આશ્ચર્યમ્!/ દાનમાં ભયાનક વસ્તુ મળતા સર્જાઈ અરાજકતા, લોકોમાં ફફડાટ વધતા બોલાવી પોલીસ

દાનમાં સામાન્ય રીતે લોકો પૈસા અથવા સોના અને ચાંદી જેવી કિમંતી ધાતુનું દાન કરતા હોય છે. જો કે હાલમાં દાનમાં એક વસ્તુનો અજબ કિસ્સો સામે આવ્યો છે. દાનમાં આ વસ્તુ જોઈ લોકોમાં ફફડાટ જોવા મળતા અરાજકતાનો માહોલ સર્જોયો હતો. સ્થિતિ પર નિયંત્રણ કરવા પોલીસ બોલાવી પડી. આ મામલો ઇંગ્લેન્ડના માન્ચેસ્ટરનો છે.

ઈંગ્લેન્ડના માન્ચેસ્ટરમાં એક ચેરિટી શોપમાં એક એવી વસ્તુ દાનમાં આવી હતી. જે જોઈ લોકોમાં વધુ ગભરાટ જોવા મળ્યો. માન્ચેસ્ટરના ઓર્ચાર્ડ શોપિંગ સેન્ટરમાં આવેલી ચેરિટી શોપની દાનપેટીમાંથી કંઈક એવું જોવા મળ્યું હતું, જેનાથી લોકોના પગ નીચેથી જમીન સરકી ગઈ હતી. શોપિંગ સેન્ટરની ચેરિટી શોપમાં એક દાન પેટીમાંથી હેન્ડ ગ્રેનેડ નીકળતા લોકો ગભરાઈ ગયા અને પોલીસને બોલાવી. પોલીસને આ સમાચાર મળતાની સાથે જ બસ સ્ટેશન અને શોપિંગ સેન્ટરના બે પ્રવેશદ્વાર બંધ કરી દેવામાં આવ્યા હતા, જ્યારે એક્સપ્લોઝિવ ઓર્ડનન્સ ડિસ્પોઝલ (EOD) ટીમને પણ બોલાવવામાં આવી હતી.

પોલીસ ઉપરાંત બોમ્બ સ્ક્વોડ પણ ઘટનાસ્થળે પહોંચી હતી. માન્ચેસ્ટર ઇવનિંગ ન્યૂઝના અહેવાલ મુજબ, વિસ્તારને ઝડપથી કોર્ડન કરી લેવામાં આવ્યો હતો અને સુરક્ષાના કારણોસર ઘણી દુકાનો બંધ કરવી પડી હતી. ગ્રેટર માન્ચેસ્ટર પોલીસે પુષ્ટિ કરી હતી કે તે શોધી કાઢવામાં આવ્યું હતું કે ગ્રેનેડ એક હાનિકારક તાલીમ ઉપકરણ હતું જે ચેરિટી શોપને આપવામાં આવેલા દાનની થેલીમાંથી મળી આવ્યું હતું. તેનો અર્થ એ કે ઉપકરણ જાહેર જનતા માટે કોઈ ખતરો નથી.

આર્કેડ શોપિંગ સેન્ટરે પુષ્ટિ કરી કે ત્રણ દુકાનો “સાવચેતી તરીકે” બંધ કરવામાં આવી હતી, પરંતુ કાર પાર્ક અને બાકીનું કેન્દ્ર ખુલ્લું હતું. ગ્રેટર માન્ચેસ્ટર પોલીસના પ્રવક્તાએ કહ્યું: “મંગળવાર 6 ફેબ્રુઆરી 2024 ના રોજ આશરે 1.15 વાગ્યે, અધિકારીઓને વોરિંગ્ટન સ્ટ્રીટ, એશ્ટન-અંડર-લાઈનમાં કોમર્શિયલ સેન્ટરમાં ગ્રેનેડ મળી આવ્યો હોવાના અહેવાલ માટે બોલાવવામાં આવ્યા હતા. બોમ્બ સ્ક્વોડ ઘટના સ્થળે છે, પરંતુ હાલમાં આ મામલાને લઈને વધુ કોઈ જોખમ હોવાનું સામે આવ્યું નથી. નોંધનીય છે કે ભૂતકાળમાં પણ ચેરિટી શોપમાં વિચિત્ર વસ્તુઓ મળવાના કિસ્સા સામે આવ્યા છે. ગયા વર્ષે, કોઈએ આવી જ ચેરિટી શોપમાં કરોડોની કિંમતના વિશિષ્ટ અને ડિઝાઇનર શૂઝ રાખ્યા હતા.