ભીમ આર્મી ચીફ ચંદ્રશેખર આઝાદ વિરુદ્ધ કોઈ પુરાવા ન બતાવવાને લઈને દિલ્હીની કોર્ટે મંગળવારે દિલ્હી પોલીસને ખખડાવી હતી અને કહ્યું હતું કે લોકો રસ્તાઓ પર છે કારણ કે સંસદની અંદર જે વાતો કહેવામાં આવવી જોઈએ, તે કહેવાઈ નથી.
એડિશનલ સેશન્સ જજ કામિની લૌએ કહ્યું કે દિલ્હી પોલીસ જામા મસ્જિદ પાકિસ્તાનમાં આવી હોય તેવું વર્તન કરી રહી છે અને જો એમ હોય તો કોઈપણ વ્યક્તિ પાકિસ્તાનમાં પણ શાંતિપૂર્ણ પ્રદર્શન કરી જ શકે છે. ન્યાયાધીશે કહ્યું કે એક સમયે પાકિસ્તાન અવિભાજિત ભારતનો ભાગ હતો.
કોર્ટની આ ટિપ્પણી આઝાદની જામીન અરજી પર સુનાવણી દરમિયાન સામે આવી હતી. જૂની દિલ્હીના દરિયાગંજ ખાતે સીએએ વિરોધી વિરોધ સાથે જોડાયેલા કેસમાં આઝાદની ધરપકડ કરવામાં આવી હતી. ન્યાયાધીશે કહ્યું, ‘સંસદની અંદર જે વાતો કહેવી જોઈએ તે કહેવાઈ નથી આવી, આ જ કારણ છે કે લોકો રસ્તા પર ઉતર્યા છે. તમામને પોતાનાં મંતવ્યો વ્યક્ત કરવાનો સંપૂર્ણ અધિકાર છે પરંતુ તે દેશનો નુકશાન કરી શકતા નથી.
કોર્ટે કહ્યું, ‘તમે એવું વર્તન કરી રહ્યા છો કે જામા મસ્જિદ પાકિસ્તાનમાં છે અને જો તે પાકિસ્તાનમાં છે તો તમે ત્યાં જઈને પણ શાંતિ પૂર્વક વિરોધ કરી શકો છો. પાકિસ્તાન અવિભાજિત ભારતનો એક ભાગ હતો. કોર્ટે પોલીસ તપાસ અધિકારીને એવા બધા પુરાવા રજૂ કરવા કહ્યું કે જેમાં આઝાદ કથિત રીતે જામા મસ્જિદમાં ઉશ્કેરણીજનક ભાષણો આપી રહ્યો હતો. તપાસ અધિકારીને એક કાયદો જણાવવા માટે પણ કહેવામાં આવ્યું હતું જે દર્શાવે છે કે વિધાનસભા ગેરબંધારણીય છે. કોર્ટે આ કેસની આગામી સુનાવણી માટે બુધવારે નિયત કરી છે.
સુનાવણી દરમિયાન પોલીસે જણાવ્યું હતું કે તેમની પાસે બસ એસેમ્બલીના ડ્રોન ફોટોગ્રાફ્સના પુરાવા તરીકે છે, આ સિવાય અન્ય કોઈ રેકોર્ડિંગ નથી. આ તરફ ન્યાયાધીશે કહ્યું, “શું તમને લાગે છે કે દિલ્હી પોલીસ એટલી પછાત છે કે તેની પાસે કંઈપણ રેકોર્ડ કરવાના સાધનો નથી?” કોર્ટે કહ્યું, ‘મને એવું કંઈક કાયદો બતાવો કે જે આવી મીટિંગને અટકાવે છેે. હિંસા ક્યાં થઈ? કોણ કહે છે કે તમે પ્રદર્શન કરી શકતા નથી. શું તમે બંધારણ વાંચ્યું છે? પ્રદર્શન કરવું એ કોઈપણ વ્યક્તિનો બંધારણીય અધિકાર છે. ‘
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
