પાકિસ્તાનના વડાપ્રધાન ઈમરાન ખાનની વિદાય લગભગ નિશ્ચિત છે. ગુરુવારથી તેમની સરકાર વિરુદ્ધ અવિશ્વાસ પ્રસ્તાવ પર ચર્ચા થશે. તે પહેલા બુધવારે તેઓ રાષ્ટ્રને સંબોધન કરવાના હતા, પરંતુ આર્મી ચીફ જનરલ બાજવાને મળ્યા બાદ તેમણે આ સંબોધન રદ કરી દીધું હતું. બીજી તરફ વિપક્ષી દળોએ સાથે મળીને પ્રેસ કોન્ફરન્સ કરી અને કહ્યું કે આ દેશના ભવિષ્યનો પ્રશ્ન છે. પાકિસ્તાનની નેશનલ એસેમ્બલીમાં 28 માર્ચે ઈમરાન ખાન સરકાર વિરુદ્ધ અવિશ્વાસ પ્રસ્તાવ લાવવામાં આવ્યો છે, જેના પર ગુરુવાર, 31 માર્ચથી ચર્ચા શરૂ થવાની છે. માનવામાં આવી રહ્યું છે કે 3 એપ્રિલ સુધીમાં આના પર મતદાન થઈ જશે. જે પ્રકારની પરિસ્થિતિઓ છે તેમાં સ્પષ્ટપણે દેખાઈ આવે છે કે ઈમરાન ખૂબ જ નબળી વિકેટ પર છે અને તેની વિકેટ પડવાની ખાતરી છે.
હવે સવાલ એ ઊભો થાય છે કે જો ઈમરાન ખાનની સરકાર પાકિસ્તાનમાં જશે તો ભારત પર તેની શું અસર થશે. શું ભારત-પાકિસ્તાન વચ્ચે વાતચીતનો રાઉન્ડ ફરી શરૂ થશે?
એક ટીવી ચેનેલ સાથે વાત કરતા આંતરરાષ્ટ્રીય બાબતોના નિષ્ણાત કમર આગાએ કહ્યું કે, જો શાહબાઝ શરીફ પાકિસ્તાનના આગામી વડાપ્રધાન બને છે તો ભારત સાથે વાતચીત શરૂ થઈ શકે છે. કારણ કે આ સમયે પાકિસ્તાનની સેના ઈચ્છે છે કે તેની ભારતીય સરહદ સુરક્ષિત રહે. જેથી આગામી સમયમાં તેઓ અફઘાનિસ્તાન પર ધ્યાન કેન્દ્રિત કરી શકે. તેમના માટે અત્યારે અફઘાનિસ્તાન કાશ્મીર કરતા પણ મોટો મુદ્દો છે. તેઓ ઈચ્છે છે કે અફઘાનિસ્તાનમાં તાલિબાનનું શાસન કોઈપણ સંજોગોમાં મજબૂત થાય. તાલિબાનની સ્થિતિ બગડી રહી છે, રોજેરોજ દેખાવો થઈ રહ્યા છે. તેમની એકતા તૂટી રહી છે, તે તેમના માટે વધુને વધુ મુશ્કેલ બની રહ્યું છે. આવનારા સમયમાં પાકિસ્તાન આર્મી અફઘાનિસ્તાન પર ફોકસ વધારવાનો પ્રયાસ કરશે. ભૂતકાળમાં એવું જોવા મળ્યું છે કે જ્યારે પણ અફઘાનિસ્તાન સાથે મામલો વણસે છે, ત્યારે પાકિસ્તાન ભારત સાથે વાતચીતનો રાઉન્ડ શરૂ કરે છે.
તે જ સમયે વરિષ્ઠ પાકિસ્તાની પત્રકાર નુસરત અમીને કહ્યું, ‘પાકિસ્તાન અને ભારત વચ્ચેના દ્વિપક્ષીય સંબંધો હવે મજાક બની ગયા છે. છેલ્લા 73 વર્ષમાં પાકિસ્તાન અને ભારતમાં કેટલા રાજકારણીઓ આવ્યા અને ગયા તે ખબર નથી. પરંતુ બંને વચ્ચેના સંબંધોનો કોઈ ઉકેલ મળ્યો નથી.
ઈમરાનની મુશ્કેલીઓ કેવી રીતે વધી?
નવા પાકિસ્તાનનું વચન આપીને સરકારમાં આવ્યા
– દેશના બાકી નેતાઓને ભ્રષ્ટ ગણાવીને ગંભીર આરોપો લગાવવામાં આવ્યા હતા.
– સત્તામાં આવ્યા બાદ મોંઘવારી બેફામ રીતે વધી
પીટીઆઈના 13 સાંસદોએ બળવો કર્યો જાહેર
– ઈમરાનની પાર્ટીના 20થી 30 સાંસદો અસંતુષ્ટ હોવાનું કહેવાય છે
શું શાહબાઝ શરીફ આગામી વઝીર-એ-આઝમ બની શકે છે?
– પાકિસ્તાનના પૂર્વ વડાપ્રધાન નવાઝ શરીફના નાના ભાઈ
નેશનલ એસેમ્બલીમાં વિરોધ પક્ષના નેતા
પાકિસ્તાન મુસ્લિમ લીગ (નવાઝ) ના પ્રમુખ
છેલ્લા 4 દાયકાથી પાકિસ્તાનની રાજનીતિના મોટા ચહેરા
એક કાર્યક્ષમ વહીવટકર્તા તરીકે ઓળખાય છે.
– ત્રણ વખત પંજાબ રાજ્યના મુખ્યમંત્રી
પાકિસ્તાનના એક મોટા ઉદ્યોગપતિ પણ છે.
– મની લોન્ડરિંગના કેસમાં જેલ પણ જઈ ચૂક્યા છે.
આ પણ વાંચો :કોઈની થઈ હત્યા તો કોઈનું તખ્તાપલટ, 75 વર્ષમાં પાકિસ્તાનના કોઈ PMએ પૂરો નથી કર્યો 5 વર્ષનો કાર્યકાળ
આ પણ વાંચો :PTIના વરિષ્ઠ નેતાનો દાવો,ઇમરાન ખાનની જાનને ખતરો!
આ પણ વાંચો :ઈમરાન ખાને દેશને સંબોધન કરવાનું મોકૂફ રાખ્યું, સિંધ હાઉસમાં વિપક્ષ,PTIના 22 સભ્યો હાજર
આ પણ વાંચો :પાકિસ્તાનમાં રાજકીય સંકટ વધ્યું, બે મંત્રીઓએ રાજીનામું આપ્યું, PM ઈમરાન ખાન દેશને કરશે સંબોધન
