આમ આદમી પાર્ટીના રાજ્યસભા સાંસદ રાઘવ ચઢ્ઢા અને બોલિવૂડ અભિનેત્રી પરિણીતી ચોપરા વચ્ચે અફેર ચાલી રહ્યું છે. મુંબઈમાં લંચ ડેટ પર બંનેને સાથે જોયા બાદ આ અંગેની ચર્ચા શરૂ થઈ હતી. હવે ચઢ્ઢાએ આ ચર્ચાને વધુ હવા આપી છે. જ્યારે તેમને સંસદ સંકુલમાં પરિણીતી સાથે લગ્ન કરવા વિશે પૂછવામાં આવ્યું ત્યારે તેમણે આ સંબંધનો ઈન્કાર કર્યો ન હતો. તેમણે એટલું જ કહ્યું કે જ્યારે તે લગ્ન કરશે ત્યારે તમને જાણ કરવામાં આવશે. આવી સ્થિતિમાં હવે એવું માનવામાં આવી રહ્યું છે કે ચઢ્ઢા અને ચોપરા ખરેખર જલ્દી લગ્ન કરવા જઈ રહ્યા છે.
ચઢ્ઢાએ કહ્યું, ‘રાજનીતિ પર સવાલ પૂછો, પરિણીતી પર નહીં’
વાસ્તવમાં, સંસદ સંકુલમાં મીડિયા દ્વારા રાઘવ ચઢ્ઢાને તેમના અને પરિણીતી વચ્ચેના અફેરની ચર્ચા પર સવાલ કરવામાં આવ્યા હતા. AAPના પંજાબ પ્રભારી ચઢ્ઢા હસ્યા અને આ પ્રશ્નને ટાળવાનો પ્રયાસ કર્યો. તેમણે બે વાર કહ્યું, ‘પરિણિતી પર નહીં મને રાજકારણ પર સવાલ કરો.’ આ પછી પણ જ્યારે મીડિયાએ તેમને પરિણીતી સાથે લગ્ન કરવા વિશે પૂછ્યું તો તેમણે તેનો ઇનકાર કર્યો ન હતો. તેમણે કહ્યું, ‘જ્યારે અમે લગ્ન કરીશું, ત્યારે અમે તમને કહીશું.’ ચઢ્ઢાના નિવેદનમાં પરિણીતી સાથેના સંબંધોને એક પણ વાર નકારવાને બંને વચ્ચેના સંબંધો પર મજબૂત મહોર માનવામાં આવી રહી છે.
પહેલા ડિનર અને પછી લંચ ડેટ પર જોવા મળ્યા હતા
પરિણીતી ચોપરા અને રાઘવ ચઢ્ઢા અગાઉ મુંબઈના ગોરેગાંવ વિસ્તારમાં આવેલી વેસ્ટિન હોટેલમાં ડિનર માટે સાથે જોવા મળ્યા હતા. તે સમયે પણ બંને વચ્ચે અફેર હોવાની ચર્ચા હતી. આ પછી હવે બંને ફરી એકવાર સાથે જોવા મળ્યા છે. બંને એક રેસ્ટોરન્ટમાં લંચ કરવા જતા જોવા મળ્યા હતા. બંનેએ મુંબઈના બાંદ્રા સ્થિત રેસ્ટોરન્ટમાં સાથે લંચ કર્યું હતું. આ તેમના વચ્ચેના અફેરની સંપૂર્ણ પુષ્ટિ કરે છે. જો કે બંનેએ અત્યાર સુધી આ રિલેશનશિપ પર કોઈ ટિપ્પણી કરી નથી.
લંચ ડેટના વીડિયોમાં કંઈક આવું જ જોવા મળે છે
રાઘવ ચઢ્ઢા અને પરિણીતી ચોપરાની લંચ ડેટના વીડિયોમાં બંને રેસ્ટોરન્ટમાંથી બહાર નીકળતા જોવા મળે છે. લાઇટ બ્રાઉન શર્ટ અને બ્લેક ફોર્મલ પેન્ટમાં સજ્જ ચઢ્ઢા બહાર નીકળનાર પ્રથમ વ્યક્તિ છે. તેમની પાછળ બ્લેક ગોગલ્સ સાથે બ્લેક કેઝ્યુઅલ ટોપ અને બ્લેક જીન્સ પહેરેલી પરિણીતી આવે છે. મીડિયાના કહેવા પર પરિણીતી અટકી જાય છે અને ફોટો ક્લિક કરવા માટે પોઝ આપે છે. આ પછી બંને કારમાં બેસીને ત્યાંથી નીકળી જાય છે.
ડિનર ડેટનો વીડિયો પણ વાયરલ થયો હતો
તેમની ડિનર ડેટનો વીડિયો પણ હવે વાયરલ થઈ રહ્યો છે. આમાં પરિણીતી સફેદ જેકેટ અને ચેક પેન્ટ પહેરીને એસયુવીમાંથી બહાર નીકળે છે. રાઘવ ચઢ્ઢા સફેદ શર્ટ અને બ્રાઉન પેન્ટનો ફોર્મલ ડ્રેસ પહેરીને બીજા દરવાજેથી નીચે ઉતરે છે. આ પછી બંને હોટલની અંદર જાય છે.
આ પણ વાંચો:ઠગ કિરણ પટેલ પર રાજ્યસભામાં ચર્ચાની માંગ, શક્તિસિંહે કહ્યું- આરોપીને કેવી રીતે મળી Z પ્લસ સુરક્ષા
આ પણ વાંચો:મહાઠગ કિરણ પટેલને સુરતના ડાયમંડ અગ્રણીએ કર્યો મોટો ખુલાસો, જાણો શું કહ્યું
આ પણ વાંચો:કિરણ પટેલ મામલે વધુ એક ખુલાસો, જાણો કોણ છે અને ક્યાં ક્યાં નોધાઇ ચુક્યા છે તેના સામે કેસ
આ પણ વાંચો:પાટણમાં મોટાભાઈના મોતના સમાચાર સાંભળી નાના ભાઈનું પણ પ્રાણ પંખેરુ ઉડી ગયું
