High Speed Internet: ભારતમાં 5G સેવા શરૂ કરવામાં આવી છે. તેમજ દરરોજ 5G સેવાનો વિસ્તાર કરવામાં આવી રહ્યો છે. 5G સેવા નવા શહેરોમાં પહોંચી રહી છે. ઉપરાંત, 5G સ્માર્ટફોન માટે 5G સપોર્ટ સોફ્ટવેર અપડેટ આપવામાં આવી રહ્યું છે. શરૂઆતમાં ટેલિકોમ કંપનીઓ દ્વારા ફ્રી 5G સેવા આપવામાં આવી રહી છે. પરંતુ ઘણા લોકો 5G સેવાને લઈને મૂંઝવણમાં છે, તો ચાલો જાણીએ 5G સંબંધિત તમામ પ્રશ્નોના જવાબ.
એરટેલ 5G કયા શહેરોમાં ઉપલબ્ધ છે?
એરટેલ 5G દેશની રાજધાની દિલ્હી, મુંબઈ, ચેન્નાઈ, બેંગ્લોર, હૈદરાબાદ, સિલીગુડી, નાગપુર, વારાણસી, પાણીપત, ગુરુગ્રામ અને ગુવાહાટીમાં હાજર છે. એરટેલનો દાવો છે કે Jio 5G આ વર્ષના અંત સુધીમાં તમામ મેટ્રો શહેરોમાં હાજર થઈ જશે. ઉપરાંત, વર્ષ 2023 ના અંત સુધીમાં એરટેલ 5G તમામ શહેરોમાં પહોંચી જશે.
કયા શહેરોમાં Jio True 5G પહોંચ્યું
હાલમાં Jio 5G દિલ્હી NCR, મુંબઈ, વારાણસી, નાથદ્વારા, હૈદરાબાદ, બેંગ્લોર, ચેન્નાઈ અને કોલકાતામાં ઉપલબ્ધ છે. Jio દ્વારા જાહેરાત કરવામાં આવી હતી કે Jio True 5G ગુજરાતના તમામ 33 જિલ્લામાં હાજર છે.
કયા સ્માર્ટફોન 5G પર ચાલશે?
જો તમારો ફોન 5G છે, તો 5G સેવાનો આનંદ માણી શકાય છે. તેમજ 5G સોફ્ટવેર અપડેટ હોવું જોઈએ. 5G સેવા માટે 5G સિમ જરૂરી નથી, યૂઝર્સ 4G સિમ સાથે જ 5G સેવાનો ઉપયોગ કરી શકે છે.
કઈ ટેલિકોમ કંપનીઓ 5G સેવા આપી રહી છે
હાલમાં ભારતમાં માત્ર બે ટેલિકોમ ઓપરેટર એરટેલ અને જિયો 5G નેટવર્ક પ્રદાન કરી રહ્યાં છે. આ બંને નેટવર્ક Jio True 5G અને Airtel 5G છે. Vodafone Idea દ્વારા ભારતમાં 5G સેવા આપવામાં આવી રહી નથી. તેમાંથી એરટેલ 5G પ્લસ સેવા ઓફર કરી રહી છે, જે નોન-સ્ટેન્ડઅલોન સર્વિસ (NSA) છે. તે 4G નેટવર્ક ઈન્ફ્રાસ્ટ્રક્ચર પર કામ કરે છે. જ્યારે Jio True 5G નેટવર્ક સ્ટેન્ડઅલોન (SA) નેટવર્ક પર કામ કરે છે.
ભારતમાં કયા 5G બેન્ડ ઉપલબ્ધ છે?
હાલમાં ભારતમાં હાઈ અને લો ફ્રીક્વન્સી બેન્ડના ઘણા 5G બેન્ડનો ઉપયોગ થઈ રહ્યો છે.
આ પણ વાંચો: FIFA WORLD CUP/ શશિ થરૂરે મેસ્સી અને આ ભારતીય મહિલાનો ફોટો ટ્વિટ કર્યો, સોશિયલ મીડિયા
