નવી ઇલેક્ટ્રિક ટુ-વ્હીલર કંપની Ignitron Motocorp એ ભારતીય બજારમાં પ્રવેશ કરી દીધો છે. કંપનીએ CYBORG બ્રાન્ડ હેઠળ દેશની પ્રથમ ઇલેક્ટ્રિક ક્રુઝર બાઈક Cyborg Yoda લોન્ચ કરી છે. આ બ્રાન્ડ હેઠળ પ્રીમિયમ ઈલેક્ટ્રિક બાઈક લાવવામાં આવશે.
આ પણ વાંચો – ગૂડ ફ્રાઇડે / વર્ષના છેલ્લાં દિવસે શેરબજારમાં સેન્સેક્સે 58000ની સપાટી ઓળંગતા રોકાણકારોમાં હરખની હેલી
નવી બાઇક ફુલ ચાર્જ પર 120 કિમી સુધીની મુસાફરી કરવા સક્ષમ છે. તે બેટરી સ્વેપિંગ સુવિધા સાથે આવે છે. કંપનીનું કહેવું છે કે, આ બાઇકનું પરીક્ષણ ભારતનાં સૌથી કઠોર પ્રદેશો અને હવામાન પરિસ્થિતિઓમાં કરવામાં આવ્યું છે. Cyborg Yoda ઈલેક્ટ્રિક બાઇક નિયો-રેટ્રો ડિઝાઇન સાથે ક્રુઝર લુક ધરાવે છે. તે રાઉન્ડ શેપની હેડલેમ્પ્સ, ગોળાકાર ટેલલાઈટ્સ અને ટર્ન ઈન્ડિકેટર્સ, ટિયરડ્રોપ આકારની ઈંધણ ટાંકી અને સ્પ્લિટ સીટ ડિઝાઈન મેળવે છે. પરંપરાગત ક્રુઝરની જેમ, તે લાંબા અને વિશાળ હેન્ડલબાર મેળવે છે. લો-સેડલ અને ફોરવર્ડ-સેટ ફૂટપેગ્સ તમને આરામદાયક મુસાફરીની અનુભૂતિ આપે છે. ફીચર્સ વિશે વાત કરીએ તો, Cyborg Yoda માં LED ટેલલાઈટ્સ અને ટર્ન ઈન્ડિકેટર્સ, એન્ટી-થેફ્ટ એલાર્મ, પિલર બેકરેસ્ટ, કીલેસ ઈગ્નીશન, સાઇડ પેનીયર બોક્સ અને એડજસ્ટેબલ સસ્પેન્શન સેટઅપ છે. જો કે કંપનીએ હાર્ડવેર કન્ફિગરેશન વિશે વધારે માહિતી આપી નથી, પરંતુ તસવીરો પરથી જાણી શકાય છે કે તેમાં આગળના ભાગમાં ટેલિસ્કોપિક ફોર્ક અને પાછળનાં ભાગમાં ટ્વિન સ્પ્રિંગ શોક એબ્સોર્બર્સ આપવામાં આવ્યા છે.
આ પણ વાંચો – Rolls Royce / Rolls-Royce લાવી રહ્યું છે પ્રથમ ઇલેક્ટ્રિક કાર Specter EV, લક્ઝરી રહેશે યથાવત, જુઓ ક્યારે લોન્ચ થશે
બ્રાન્ડે બેટરી અને મોટરની ક્ષમતા પણ જાહેર કરી નથી, પરંતુ દાવો કર્યો છે કે આ ઈલેક્ટ્રિક ક્રુઝર એક જ ચાર્જ પર 120 કિમીની રેન્જ કવર કરશે. કંપની રોડસાઇડ સહાય પૂરી પાડવા માટે સ્થાનિક વિક્રેતાઓ સાથે ભાગીદારી કરશે. વધુમાં, એક બેટરી સ્વેપિંગ સ્ટેશન, જેને CYBORG (Joule) સ્ટેશન કહેવાય છે, તે દર 1 કિલોમીટરે હાજર રહેશે. કંપની એક કોમ્પેક્ટ હોમ ચાર્જર પણ આપશે જે 30 મિનિટમાં 50 ટકા બેટરી ચાર્જ કરશે.
