મહારાષ્ટ્ર સરકારના મંત્રી અને NCP નેતા નવાબ મલિક NCBના મુંબઈ ઝોનલ ડિરેક્ટર સમીર વાનખેડે પર સતત નવા આરોપો લગાવી રહ્યા છે. હવે નવાબ મલિકે વીડિયો શેર કરીને મોટો ખુલાસો કર્યો છે અને જણાવ્યું છે કે જે પાર્ટીમાંથી આર્યન ખાન પકડાયો હતો તે પાર્ટીમાં કાશિફ ખાન નામનો આંતરરાષ્ટ્રીય ડ્રગ માફિયા પણ હાજર હતો.
નવાબ મલિકે NCB ઓફિસર સમીર વાનખેડે પર ગંભીર આરોપ લગાવ્યા છે અને શુક્રવારે પ્રેસ કોન્ફરન્સમાં કહ્યું કે પાર્ટીમાં દેખાતા આંતરરાષ્ટ્રીય ડ્રગ માફિયા સમીર સાથે સબંધ છે. આ સાથે તેમણે કહ્યું, એક અધિકારીએ જણાવ્યું કે સમીર વાનખેડેએ કાશિફ ખાન પર ઘણી વખત દરોડા પાડ્યા હતા.
Video of Kashif khan dancing on the Cruise ship pic.twitter.com/JoSsYF9Ux1
— Nawab Malik نواب ملک नवाब मलिक (@nawabmalikncp) October 29, 2021
કોણ છે કાશિફ ખાન?
એનસીપી નેતા નવાબ મલિકે કહ્યું, ‘મારો પ્રશ્ન હતો ‘દાઢી કોણ છે?’ આ દાઢીવાળા ફેશન ટીવીના ઈન્ડિયા હેડ કાશિફ ખાન છે. તે ફેશનના નામે પોર્નોગ્રાફી, ડ્રગ્સ અને સેક્સ રેકેટનો ધંધો કરે છે.
નવાબ મલિકે વીડિયો શેર કર્યો છે
નવાબ મલિકે કહ્યું, દાઢીવાળો વ્યક્તિ તેની ગર્લફ્રેન્ડ સાથે ક્રૂઝ પર ડાન્સ કરતો જોવા મળે છે. મેં તે દિવસે વાનખેડે સાહેબને પૂછ્યું કે દાઢીવાળાની ધરપકડ કેમ કરવામાં ન આવી. નવાબ મલિકે પણ એક વીડિયો શેર કરીને દાવો કર્યો છે કે તે કાશિફ ખાન છે, જે ક્રૂઝમાં ડાન્સ કરી રહ્યો છે.
સમીરે કાશિફ ખાન પર કાર્યવાહી ન કરી
નવાબ મલિકે કહ્યું, ‘સમીર વાનખેડેએ તે પાર્ટીમાં કાશિફ ખાન પર કોઈ કાર્યવાહી કરી ન હતી અને તેને ક્રૂઝમાંથી જવા દીધો હતો. ક્રુઝમાં ઘણા બધા લોકો હાજર હતા, તેમની શોધખોળ ન થઈ અને એક મેગાસ્ટાર ના પુત્રને પકડી લીધો. છેલ્લા સાડા નવ મહિનામાં મેં જે માહિતી એકઠી કરી છે તેમાં મેં કોઈ સરકારી એજન્સીની મદદ લીધી નથી.