વર્લ્ડ હેલ્થ ઓર્ગેનાઈઝેશન (WHO) ના ટોચના અધિકારીએ ગુરુવારે જણાવ્યું હતું કે, ભારત બાયોટેક કોવેક્સિનના નિયમિતપણે અને ખૂબ જ ઝડપથી ટેકનિકલ સમિતિને ડેટા આપી રહ્યું છે. જેને આવતા અઠવાડિયે WHOની અંતિમ મંજૂરી મળવાની આશા છે. તેમણે ભારપૂર્વક જણાવ્યું હતું કે, યુએનની આ સંસ્થા ઉચ્ચ ગુણવત્તાની રસીઓનું ઉત્પાદન કરતા ભારતીય ઉદ્યોગમાં વિશ્વાસ રાખે છે. હૈદરાબાદ સ્થિત ભારત બાયોટેક, જેણે રસી વિકસાવી હતી, તેણે 19 એપ્રિલે વિશ્વ આરોગ્ય સંસ્થાને રસીના ઈમરજન્સી ઉપયોગ (EUL) માટેનો પત્ર સબમિટ કર્યો હતો.
યુનાઇટેડ નેશન્સ હેલ્થ એજન્સીના ટેકનિકલ એડવાઇઝરી ગ્રૂપની મંગળવારે બેઠક મળી હતી. જેમાં રસીના ઈમરજન્સી ઉપયોગ માટે અંતિમ જોખમ-લાભ મૂલ્યાંકન અંગે ભારત બાયોટેક પાસેથી વધારાની સ્પષ્ટતા માંગી છે. WHO ખાતે દવાઓ અને આરોગ્ય ઉત્પાદનોની ઍક્સેસ માટેના સહાયક મહાનિર્દેશક ડૉ. મેરિએન્જેલા સિમાઓએ જીનીવામાં એક પ્રેસ કોન્ફરન્સમાં જણાવ્યું હતું કે, ભારત બાયોટેક નિયમિતપણે અને ખૂબ જ ઝડપથી ડેટા સબમિટ કરી રહ્યું છે અને તેઓએ છેલ્લે 18 ઓક્ટોબરના રોજ ડેટાનો બેચ સબમિટ કર્યો હતો. કોવેક્સિનના ઈમરજન્સી ઉપયોગની માહિતી આપવામાં વિલંબ અંગેના પ્રશ્નનો જવાબ આપી રહી હતી. નોંધનીય છે કે ચીનની રસીઓ સિનોફામ અને સિનોવાકને માત્ર ડેટાના અભાવે જ મંજૂરી આપવામાં આવી હતી.
સિમાઓએ જણાવ્યું હતું કે, EUL અંગે ચર્ચા કરવા માટે 26 ઓક્ટોબરે ટેકનિકલ એડવાઇઝરી ગ્રૂપની બેઠક મળી હતી ત્યારે તેમણે ભારત બાયોટેક પાસેથી વધારાની સ્પષ્ટતાઓ માંગી હતી. કોવેક્સિન EUL ના જોખમ-લાભ મૂલ્યાંકન માટે ટેકનિકલ સલાહકાર જૂથની આગામી બેઠક 2 નવેમ્બરના રોજ મળશે. WHO ભારત બાયોટેકના સંપર્કમાં છે અને ટેક્નિકલ નિષ્ણાત જૂથને વધારાના ડેટા સબમિટ કરવાની જરૂરિયાતને સ્પષ્ટ કરવા માટે રોજ કૉલ્સ અને મીટિંગ્સનું આયોજન કરે છે. અત્રે એ ઉલ્લેખ કરવો જરૂરી છે કે, એવ EUL આપવા અંગે WHO ની પ્રક્રિયા ખૂબ જ સરળ અને પારદર્શક છે.
