ઐશ્વર્યા રાય (Aishwarya Rai) નો એક જૂનો ઈન્ટરવ્યુ મીડિયામાં વાયરલ થઈ રહ્યો છે, જેમાં તે એક પત્રકારને ઠપકો આપતી જોવા મળી રહી છે. હકીકતમાં, આ પત્રકારે ઐશ્વર્યા રાયને પૂછ્યું હતું કે શું તે તેની ફિલ્મોમાં ન્યૂડિટી અને ગ્રાફિક્સ એક્સપ્લોર કરશે? જવાબમાં ઐશ્વર્યાએ કહ્યું, “મેં ક્યારેય સ્ક્રીન પર ન્યૂડિટીને એક્સપ્લોર કર્યું છે અને ન તો મને તેમાં કોઈ રસ છે.” પરંતુ ઐશ્વર્યાના જવાબને અવગણીને પત્રકાર તેની પાસેથી જાણવાનો પ્રયાસ કરતો રહ્યો કે તે સ્ક્રીન પર ન્યૂડ સીન કેમ નથી આપતી? આ વાત પર ઐશ્વર્યા ગુસ્સે થઈ ગઈ. જાણો કેવી રીતે ઐશ્વર્યા રાયે પત્રકારની કરી બોલતી બંધ…
ઐશ્વર્યાએ પત્રકારને જવાબ આપતા કહ્યું, “મને લાગે છે કે હું મારા ગાયનેકોલોજિસ્ટ સાથે વાત કરી રહી છું. મારો મતલબ કે હું કોની સાથે વાત કરી રહી છું? તમે પત્રકાર ભાઈ છો, તેને વળગી રહો.”
આ ઇન્ટરવ્યુ 2009માં લેવામાં આવ્યો હતો, જ્યારે ઐશ્વર્યા કાન્સ ફિલ્મ ફેસ્ટિવલમાં હાજરી આપી રહી હતી. આ એ જ વર્ષની વાત છે, જ્યારે ઐશ્વર્યાએ હોલીવુડ ફિલ્મ ‘ધ પિંક પેન્થર 2’માં સોનિયા સોલેન્ડ્રેસનું પાત્ર ભજવ્યું હતું. તે સમયે ઐશ્વર્યાના લગ્ન અભિષેક બચ્ચન સાથે બે વર્ષ થયા હતા.
ઐશ્વર્યાના હોલિવૂડ પ્રોજેક્ટ્સની વાત કરીએ તો, તેણે પહેલીવાર 2004માં ‘બ્રાઈડ એન્ડ પ્રેજ્યુડિસ’ નામની ફિલ્મ કરી હતી. બાદમાં તે ‘ધ મિસ્ટ્રેસ ઑફ સ્પાઈસિસ’, ‘પ્રોવક્ડ’ અને ‘ધ લાસ્ટ લિજન’માં જોવા મળી હતી. ‘ધ પિંક પેન્થર 2’ તેની અત્યાર સુધીની છેલ્લી હોલીવુડ ફિલ્મ છે.
ઐશ્વર્યા રાય હિન્દી અને અંગ્રેજી ઉપરાંત તમિલ, તેલુગુ અને બંગાળી ફિલ્મો માટે પણ જાણીતી છે. તેણે તમિલ ફિલ્મ ‘ઈરુવર’ (1997) થી પોતાની અભિનય કારકિર્દીની શરૂઆત કરી હતી. તેણે 1997માં આવેલી ફિલ્મ ‘ઔર પ્યાર હો ગયા’થી બોલિવૂડમાં પણ ડેબ્યૂ કર્યું હતું. જોકે, તેને ‘હમ દિલ દે ચૂકે સનમ’ (1999) થી ઓળખ મળી હતી.
ઐશ્વર્યાના આગામી પ્રોજેક્ટ વિશે વાત કરીએ તો તે મણિરત્નમ દ્વારા નિર્દેશિત ‘પોન્નિયન સેલ્વાન’માં જોવા મળશે. ફિલ્મમાં ઐશ્વર્યા ઉપરાંત વિક્રમ ચિયાન, જયમ રવિ, કાર્તિ, ઐશ્વર્યા લક્ષ્મી, શોભિતા ધુલીપાલા અને આર. શરત કુમારની પણ મહત્વની ભૂમિકા છે. આ ફિલ્મ 30 સપ્ટેમ્બરે સિનેમાઘરોમાં રિલીઝ થશે.
આ પણ વાંચો: રૂપિયાના ઘટાડાને લઈને RBI ગવર્નર શક્તિકાંત દાસનું મોટું નિવેદન, કહ્યું- ‘ભારતની અર્થવ્યવસ્થા અન્ય દેશો કરતાં…
આ પણ વાંચો:નોકરી માંગવા ગયો હતો ‘એલિયન’, કંપનીમાંથી મળ્યો આવો જવાબ… કહ્યું- હવે શું કરવું?
આ પણ વાંચો:કોણ હતી એ 26 વર્ષની મોડલ જે ન્યુડ થઈને જુહુ બીચ પર દોડી હતી, અકસ્માતમાં થયું મોત
