Gujarat News : ખેડૂત નેતા રાજુ કરપડા (Raju Karpada)ના રાજકીય ભવિષ્યને લઈને રાજ્યની રાજનીતિમાં ચર્ચાઓ તેજ બની છે. તાજેતરમાં તેમણે Aam Aadmi Party (આમ આદમી પાર્ટી)માંથી રાજીનામું આપ્યા બાદ વિવિધ પક્ષો તેમને પોતાના પક્ષમાં જોડવા માટે પ્રયાસ કરી રહ્યા છે.
કોંગ્રેસનું આમંત્રણ, નેતાઓ સુરેન્દ્રનગર પહોંચ્યા
માહિતી મુજબ, પાલ આંબલિયા સહિતના Indian National Congress (કોંગ્રેસ)ના આગેવાનો સુરેન્દ્રનગરમાં રાજુ કરપડા (Raju Karpada) ને મળવા પહોંચ્યા હતા. કોંગ્રેસ તરફથી તેમને પક્ષમાં જોડાવાનું આમંત્રણ આપવામાં આવ્યું હોવાનું સૂત્રો જણાવે છે.
સૂત્રોના કહેવા મુજબ, આગામી દિવસોમાં રાજુ કરપડા (Raju Karpada)કોંગ્રેસ પ્રમુખ અમિત ચાવડા સાથે મુલાકાત કરી શકે છે. આ બેઠક બાદ તેમની રાજકીય દિશા સ્પષ્ટ થવાની શક્યતા છે.
ભાજપ તરફથી પણ ઓફર
રાજુ કરપડાના રાજીનામા પછી પ્રકાશ વરમોરા દ્વારા તેમને Bharatiya Janata Party (ભાજપ)માં જોડાવાનું આમંત્રણ આપવામાં આવ્યું હતું. એટલે હાલ કોંગ્રેસ અને ભાજપ બંને પક્ષો કરપડાને પોતાના પક્ષમાં લાવવા સક્રિય જોવા મળી રહ્યા છે.
રાજુ કરપડા(Raju Karpada)નો સ્પષ્ટ જવાબ
કોંગ્રેસના નેતાઓ સાથેની મુલાકાત અંગે રાજુ કરપડાએ સ્પષ્ટતા કરતા જણાવ્યું કે તેમણે હજી સુધી કોઈપણ પક્ષમાં જોડાવાનો નિર્ણય લીધો નથી. તેમના કહેવા મુજબ, કેટલાક કોંગ્રેસ નેતાઓ પારિવારિક સંબંધને કારણે મળવા આવ્યા હતા.
કરપડાએ વધુમાં જણાવ્યું કે આવનારા ખેડૂત સંમેલન બાદ ખેડૂતો જે માર્ગદર્શન આપશે તે મુજબ તેઓ નિર્ણય લેશે. હાલ તેઓ કોઈ પક્ષ સાથે જોડાવાનો વિચાર કરી રહ્યા નથી.
આગળ શું?
ખેડૂત નેતા તરીકે ઓળખ ધરાવતા રાજુ કરપડાને લઈને રાજકીય સમીકરણો બદલાઈ શકે તેવી શક્યતા વ્યક્ત કરવામાં આવી રહી છે. કોંગ્રેસ અને ભાજપ બંને પક્ષો તેમની સાથે સતત સંપર્કમાં હોવાનું કહેવાય છે.
હવે જોવાનું રહ્યું કે રાજુ કરપડા કોંગ્રેસનો હાથ પકડશે, ભાજપનો ખેસ ધારણ કરશે કે પછી કોઈ ત્રીજો રાજકીય વિકલ્પ પસંદ કરશે. તેમની આવનારી મુલાકાતો અને ખેડૂત સંમેલન બાદ જ આ સસ્પેન્સ પર પડદો ઉઠશે.
