ક્રિકેટર રવિન્દ્ર જાડેજા અને તેમના પત્ની અને ભાજપના નેતા રિવાબા જાડેજાએ સોમવારે ગુજરાત વિધાનસભાની ચૂંટણી માટે ઉમેદવારી નોંધાવતા પહેલા જામનગરમાં એક કાર્યક્રમમાં હાજરી આપી હતી. ભારતીય જનતા પાર્ટી (BJP)એ જામનગર (ઉત્તર) બેઠક પરથી રિવાબા જાડેજાને મેદાનમાં ઉતાર્યા છે.
આ ઈવેન્ટ દરમિયાન જ્યારે રિવાબા પીળા રંગની સાડી પહેરેલી જોવા મળ્યા હતા, તો તેમના પતિએ કેસરી રંગનો કુર્તો પહેર્યો હતો. રવિન્દ્ર જાડેજાના આ કુર્તાનો રંગ જોઈને તેઓ પણ ટૂંક સમયમાં ભાજપમાં જોડાય તેવી શક્યતા છે.
રવિવારના રોજ રવિન્દ્ર જાડેજાએ જામનગરમાં પત્ની રિવાબા જાડેજા માટે પ્રચાર કરતા લોકોને રિવાબાને મત આપવા અપીલ કરી હતી. જાડેજાએ એક વીડિયો ટ્વીટ કરીને જામનગરની જનતા અને ક્રિકેટ ચાહકોને તેમની પત્નીને મત આપવા અપીલ કરી હતી.
Gujarat | Cricketer Ravindra Jadeja and his wife and BJP leader Rivaba Jadeja attend an event in Jamnagar that has been organised ahead of the filing of nomination for the upcoming #GujaratElections
Rivaba Jadeja will contest from Jamnagar North and file her nomination today. pic.twitter.com/1Ix5tEamf3
— ANI (@ANI) November 14, 2022
આપને જણાવી દઈએ કે, શાસક પક્ષ ભાજપે એક આશ્ચર્યજનક ચાલમાં ભારતીય ક્રિકેટર અને જામનગરના વતની રવિદ્ર જાડેજાની પત્ની રિવાબા જાડેજાને જામનગર ઉત્તરથી મેદાનમાં ઉતાર્યા છે. રિવાબાને રાજકારણનો કે ચૂંટણી લડવાનો કોઈ અગાઉનો અનુભવ નથી. ભાજપે આ બેઠક પરથી વર્તમાન ધારાસભ્ય ધર્મેન્દ્રસિંહ જાડેજાની ટિકિટ કાપી છે.
ઉલ્લેખનીય છે કે, ગુજરાતમાં રાજ્યની વિધાનસભાની તમામ 182 બેઠકો માટે બે તબક્કામાં 1 ડિસેમ્બર અને 5 ડિસેમ્બરે ચૂંટણી યોજાશે. પ્રથમ તબક્કામાં 89 બેઠકો પર મતદાન થશે જ્યારે બીજા તબક્કામાં 93 બેઠકો પર મતદાન થશે. 8મી ડિસેમ્બરે મતગણતરી હાથ ધરાશે.
રાજ્યમાં છેલ્લા 27 વર્ષથી ભાજપ સત્તા પર છે અને ભાજપનો ગઢ માનવામાં આવે છે. જો કે, કોંગ્રેસ પણ ભાજપ સરકારને હટાવવા માટે તેના શ્રેષ્ઠ ચૂંટણી પગ આગળ મૂકવાની આશા રાખી રહી છે. વર્તમાન ગુજરાત વિધાનસભાનો કાર્યકાળ 18 ફેબ્રુઆરી, 2023 ના રોજ સમાપ્ત થઈ રહ્યો છે.
આ પણ વાંચો:મસ્કની ‘ફટકાબાજી’ જારીઃ વધુ 4,400 કર્મચારીઓને પાણીચુ પકડાવ્યું
આ પણ વાંચો:કોંગ્રેસ ઓફિસ ખાતે હોબાળો, વટવામાં સ્થાનિક ઉમેદવારની માંગ સાથે થયો
આ પણ વાંચો:કાશી વિશ્વનાથ મંદિર પાસે 3 શંકાસ્પદ ઝડપાયા, તપાસ એજન્સી કરી રહી છે
