Gujarat Police Transfer: ગુજરાત પોલીસ વિભાગમાં પતિ-પત્નીના પારિવારિક પ્રશ્નોને ધ્યાનમાં રાખીને મોટો નિર્ણય લેવામાં આવ્યો છે. રાજ્ય પોલીસ વડા જ્ઞાનેન્દ્રસિંહ મલિકે (Gyanendra Singh Malik) સ્વવિનંતીથી કરાયેલી અરજીઓને ધ્યાને લઈને એકસાથે 415 પોલીસ કર્મચારીઓની (Gujarat 415 Police Transfer) બદલીનો હુકમ કર્યો છે. પોલીસ વિભાગના ઇતિહાસમાં આ પ્રકારની એકસાથે મોટી સંખ્યામાં બદલીનો નિર્ણય મહત્વપૂર્ણ માનવામાં આવી રહ્યો છે.
Gujarat 415 Police Transfer: પતિ-પત્ની અલગ જિલ્લામાં ફરજ બજાવતા હતા
પોલીસ વિભાગમાં ફરજની જરૂરિયાતોને કારણે ઘણી વખત પતિ અને પત્ની બંને સરકારી કર્મચારી (Husband Wife Transfer) હોવા છતાં અલગ-અલગ જિલ્લા કે એકમોમાં ફરજ બજાવતા હોય છે. તેના કારણે પરિવાર સાથે રહેવામાં, બાળકોના શિક્ષણમાં તેમજ વૃદ્ધ માતા-પિતાની સંભાળ લેવામાં મુશ્કેલીઓ ઊભી થતી હોય છે. આવી પારિવારિક મુશ્કેલીઓને ધ્યાનમાં રાખીને પોલીસ કર્મચારીઓ દ્વારા સ્વવિનંતીથી (Gujarat Police Employees) બદલી માટે અરજીઓ કરવામાં આવી હતી.
6 કેડરના કુલ 415 કર્મચારીઓની બદલી
આ બદલીમાં ગુજરાત પોલીસના વિવિધ કેડરના કર્મચારીઓનો સમાવેશ કરવામાં આવ્યો છે.
ASI (બિનહથિયારી અને હથિયારી): 27
હેડ કોન્સ્ટેબલ (બિનહથિયારી અને હથિયારી): 33
બિનહથિયારી પોલીસ કોન્સ્ટેબલ: 226
હથિયારી પોલીસ કોન્સ્ટેબલ: 129
કુલ: 415 કર્મચારીઓ
પરિવાર સાથે રહેવાની તક મળશે
એકસાથે 415 કર્મચારીઓની બદલીથી પતિ-પત્ની એક જ સ્થળે અથવા નજીકના વિસ્તારમાં રહી શકે તેવી શક્યતા ઊભી થશે. આ નિર્ણયથી પોલીસ કર્મચારીઓને ફરજની સાથે પારિવારિક જવાબદારીઓ નિભાવવામાં પણ સરળતા રહેવાની આશા છે.
બાળકોના શિક્ષણ અને પરિવારની સંભાળમાં રાહત
પતિ-પત્ની અલગ-અલગ સ્થળે ફરજ બજાવતા હોય ત્યારે બાળકોના શિક્ષણ, પરિવારની દૈનિક જવાબદારીઓ અને વૃદ્ધ માતા-પિતાની સંભાળ રાખવામાં મુશ્કેલી પડતી હોય છે. નવી બદલીથી આવી સમસ્યાઓમાં રાહત મળવાની શક્યતા છે.
પોલીસની ફરજ સમયની દૃષ્ટિએ પડકારજનક અને સતત જવાબદારીવાળી હોય છે. આવી સ્થિતિમાં કર્મચારીઓના પારિવારિક જીવનને ધ્યાનમાં રાખીને લેવાયેલા આ નિર્ણયને સંવેદનશીલ પગલા તરીકે જોવામાં આવી રહ્યો છે. એકસાથે 415 કર્મચારીઓની બદલીથી સંબંધિત પોલીસ કર્મચારીઓ અને તેમના પરિવારોમાં રાહતની લાગણી જોવા મળી રહી છે.
આ પણ વાંચો: નખત્રાણા નજીક છોટા હાથીમાં ભયાનક બ્લાસ્ટ, એક જ પરિવારના 4નાં મોત; FSLની તપાસ શરૂ
