શરદ પવારે અજિત પવાર સાથે ભાજપમાં જવા સંમત થયા છે કે નહીં. પરંતુ આ બંને પરિસ્થિતિમાં શરદ પવારનું રાજકીય ભવિષ્યમાં ગ્રહણ લાગ્યું છે. મહારાષ્ટ્રમાં રાજકીય ઉથલપાથલ પછી ઘણા પ્રશ્નો ઉભા થયા
મહારાષ્ટ્રમાં એવો રાજકીય ખેલ ખેલાયો છે કે શિવસેના પ્રમુખ ઉદ્ધવ ઠાકરેનું મુખ્ય મંત્રી બનવાનું સપનું તૂટીને ચકચૂર થઇ ગયું છે. રાજ્યમાં શિવસેના-કોંગ્રેસ-એનસીપીની સરકાર બનતા પહેલા શરદ પવારના ભત્રીજા અજિત પવાર ભાજપને ટેકો આપીને ડેપ્યુટી સીએમ બની ગયા છે. આ નવા સમીકરણ પછી, અજિત પવારની ભાજપ સાથે જવાની પાછળ શરદ પવારની સંમતિ છે કે કેમ તેવા સવાલો ઉભા થઈ રહ્યા છે. શરદ પવારનો જવાબ આવી ગયો છે, પરંતુ સવાલો ઉભા થવા લાગ્યા છે કે શું શરદ પવારની રાજકીય કારકીર્દિ મહારાષ્ટ્રના રાજકારણમાં બદલાવ સાથે સમાપ્ત થશે?
રાજકીય કારકિર્દીનો અંત આવશે?
શનિવારે સવારે મુંબઈમાં લોકો પથારી માંથી હજુ તો ઉભા પણ થઈ શક્યા નહીં કે દેવેન્દ્ર ફડણવીસ સીએમ અને અજિત પવારે ડેપ્યુટી સીએમ તરીકે શપથ લીધા હતા. આવી સ્થિતિમાં એક સવાલ છે કે અજિત પવારને મહારાષ્ટ્રના ચાણક્ય ગણાતા શરદ પવારની સંમતિ છે કે નહિ..? આ બન્યું છે, તો શરદ પવાર તેમની રાજકીય વિશ્વસનીયતા ગુમાવશે. આવી સ્થિતિમાં, કોઈ પણ પક્ષ ભવિષ્યમાં તેના શબ્દો પ્રત્યે ગંભીરતા દાખવશે નહીં કે રાજકારણમાં તેમની સાથે કોઇ પગલું ભરી શકશે નહીં. આવી સ્થિતિમાં શરદ પવારના ભવિષ્યના રાજકીય માર્ગ ઉપર સંકટનો વાદળ જોવા મળી શકે છે. જો કે શરદ પવારે સ્પષ્ટ કર્યું છે કે એનસીપીનો આમાં કોઈ ટેકો નથી.
જો શરદ પવાર દેવેન્દ્ર ફડણવીસ અને અજિત પવારની સરકારની રચના પાછળ ઉભા હોય, તો તેની રાજકીય કારકિર્દી પર તેની અસર પડશે. શરદ પવાર વિશ્વસનીયતા ગુમાવવાની સાથે એનસીપીની રાજકીય કારકીર્દિ પણ સમાપ્ત થઈ જશે.
એનસીપી પરની પકડ ઢીલી થઈ ગઈ!
જો શરદ પવાર અજિત પવારની પાછળ ઉભા નથી, તો આવી સ્થિતિમાં, સ્પષ્ટ છે કે હવે તે હવે પાર્ટી પર તેમની પકડ નથી. 25 થી 30 ધારાસભ્યોને જે રીતે અજિત પવારને ટેકો મળી રહ્યો છે. સ્પષ્ટ છે કે અજિત પવારે એનસીપીને તોડી દીધી છે. શરદ પવારની પુત્રી સુપ્રિયા સુલે પણ સ્વીકાર કરી રહી છે કે પરિવાર અને પાર્ટી બંને તૂટી ગયા છે. સુપ્રિયા સુલેએ કહ્યું છે કે, ‘જીવનમાં કોઈ પર કેમ વિશ્વાસ રાખવો, આ પહેલા મેં ક્યારેય મારી જાતને એટલી ચીટ મહેસુસ નથી કરી. જેને હું ખૂબ જ પ્રેમ કરું છું, બચાવ કરું છું, બદલામાં મને શું મળ્યું..?
સુપ્રિયા સુલેનો રાજકારણનો ગ્રાફ
આવી સ્થિતિમાં શરદ પવાર કયા તબક્કે ઉભા છે, આવી સ્થિતિમાં એનસીપીને ફરીથી ઉભા કરવાનું મોટો પડકાર હશે. સુપ્રિયા સુલેનો રાજકારણનો ગ્રાફ આખા મહારાષ્ટ્રમાં નથી. એટલું જ નહીં, રાજ્યના રાજકારણ કરતાં પણ રાષ્ટ્રીય રાજકારણમાં તે સક્રિય રહી છે. આવી સ્થિતિમાં સુપ્રિયા સુલે અજિત પવારની સામે પોતાને કેટલું સ્થાપિત કરી શકે છે. આ એક મોટો પડકાર હશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
