એવું કહેવામાં આવે છે કે જો ‘દિલમાં જોશ હોય કંઇક કરવાનો તો કોઈ પણ કામ મુશ્કેલ નથી હોતું…’ આ લાઇન ઓટો રિક્ષાચાલકની પુત્રી માન્યા સિંહ પર બરાબર બંધ બેસે છે. તેના સપનાને પરિપૂર્ણ કરવા માટે, કેટલીકવાર તેને અન્ય ઘરોમાં જઈને વાસણો સાફ કરવા પડ્યા તો કેટલીવાર કિલોમીટર સુધી ચાલવું પણ પડ્યું છે, આમ હોવા છતાં પણ તેણે ક્યારે હાર માની નથી. અને દરેક મુશ્કેલ સમયએ તેના હોસલાને વધુ મજબૂત બનાવ્યો. સાથે સાથે કંઇક કરવાની જીદે તેને તેના સપના પુરા કરવા માટે વધુ અતૂટ કરી દીધી. આ જ કારણ છે કે આજે માન્યનું નામ દરેકની જીભ પર છે અને બધે જ તેની ચર્ચા થઇ રહી છે.
માન્યા સિંહના પિતા ઓટો ડ્રાઇવર છે. માન્યાનું બાળપણ ઘણી મુશ્કેલીઓમાંથી પસાર થયું હતું. તેણે ઈન્સ્ટાગ્રામ પર લખ્યું, “મેં ઘણી રાત ખાધા અને ઊંઘ્યા વિના વિતાવી છે. મેં મારી ઘણી બપોર કિલોમીટર સુધી ચાલીને પસાર કરી છે. મારું લોહી, પરસેવો અને આંસુએ મારું સ્વપ્ન પૂરું કરવાની હિંમત આપી છે. એક ઓટોરિક્ષા ચાલકની પુત્રી તરીકે તેમાંથી, મને ક્યારેય શાળાએ જવાની તક મળી નહીં, કારણ કે મેં નાની ઉંમરે જ કામ કરવાનું શરૂ કર્યું. “
આ પણ વાંચો : 22 પ્રતિભાશાળી મહિલાઓનું વિમેન્સ ડે ની પૂર્વ સંધ્યાએ મંતવ્ય ન્યૂઝ તરફથી સન્માન
માન્યાએ આગળ લખ્યું, “માતાએ મારી પરીક્ષા ફી ભરવા માટે ઝવેરાત ગીરવે મૂક્યા હતા. તેણીએ મારા માટે ઘણું સહન કર્યું છે. હું 14 વર્ષની ઉંમરે ઘરેથી ભાગી ગઈ હતી. હું દિવસ દરમિયાન ભણતી હતી અને સાંજે વાસણો સાફ કરતી હતી. અને કોલ સેન્ટરમાં પણ કામ કરવું પડ્યું છે. આજે હું ફક્ત મારા માતા-પિતા અને ભાઈને કારણે આ તબક્કે છું. તેઓએ મને શીખવ્યું કે જો હું મારી જાત પર વિશ્વાસ કરું તો સપના સાકાર થાય છે. “
આપને જણાવી દઈએ કે VLCC ફેમિના મિસ ઈન્ડિયા 2020 ની વિજેતાની જાહેરાત થોડા દિવસો પહેલા કરવામાં આવી હતી. માન્યા સિંહ પ્રથમ રનરઅપ હતી. તેના વાસ્તવિક જીવન સંઘર્ષ વિશે ઘણી ચર્ચા થઈ હતી. માન્યાએ ખુદ સોશિયલ મીડિયા પર તેના સંઘર્ષની કહાની સંભળાવી હતી.
મિસ ઈન્ડિયા 2020 ના રનર અપ માન્યા સિંહ સોશિયલ મીડિયા પર ખુબ એક્ટિવ છે. તે તેની કોલેજની એક સેરેમનીમાં તેના પિતા સાથે એ જ ઓટો રિક્ષામાં બેસીને ગઈ હતી.