દેશમાં આગામી વર્ષે એટલે કે 2022 માં ઉત્તર પ્રદેશમાં વિધાનસભાની ચૂંટણી યોજાવાની છે. જે પહેલા તમામ પાર્ટીઓએ તૈયારીઓ શરૂ કરી દીધી છે. પરંતુ આ પહેલા ઘણા સવાલો ઉત્તર પ્રદેશમાં ચર્ચામાં આવ્યા છે. જેમાં એક સૌથી મોટો સવાલ છે કે, શું યુપીમાં નારીને સન્માન મળશે કે નહી?
મહામારીનું સંકટ / વિશ્વમાં કોરોનાથી 40.8 લાખથી વધુ લોકોનાં મોત, ભારતમાં મોતનો આંક ભયાનક
આપને જણાવી દઇએ કે, યુપીમાં છેલ્લા ઘણા સમયથી મહિલાઓ પર અત્યાચારનાં બનાવો પ્રકાશમાં આવ્યા છે. ત્યારે હવે વધુ એક બનાવ સામે આવ્યો છે. જણાવી દઇએ કે, પોલીસની શરમજનક તસવીરો અને વીડિયો સોશિયલ મીડિયા પર વાયરલ થઈ રહ્યા છે. વાયરલ વીડિયોમાં જોવા મળી રહ્યું છે કે, એક મહિલા જમીન પર પડેલી છે અને પોલીસ જવાન તેની ઉપર બેસીને તેને મારતો જોવા મળી રહ્યો છે. આ ઘટનાનો વીડિયો સામે આવ્યા બાદ એસપીએ આરોપી ઈન્સ્પેક્ટરને લાઇન હાજર પર મૂકી દીધો છે. આપને જણાવી દઈએ કે, આ કેસ ઉત્તર પ્રદેશનાં કાનપુર દેશભરમાં ભગોનીપુર કોતવાલીની પુખરાયા ચોકીનો છે. આ સાથે જ સપા અધ્યક્ષ અને ભૂતપૂર્વ મુખ્યમંત્રી અખિલેશ યાદવે આ ઘટના અંગે કટાક્ષ કર્યો છે. અખિલેશ યાદવે કહ્યું કે, ‘ભાજપ શાસનમાં દુશાસનની કમી નથી.’
સાંબેલાધાર વરસાદ / ઉમરગામમાં 2 કલાકમાં 8.5 ઇંચ વરસાદ, અમદાવાદ-ગાંધીનગરમાં લોકો બફારાથી કંટાળ્યા
અહેવાલો મુજબ, દુર્ગદાસપુર ગામમાં રહેતા વિરેન્દ્રસિંહે ચોરીની ઘટના બન્યા બાદ 7 જૂને ભોગનીપુર કોતવાલી ખાતે રિપોર્ટ નોંધાવ્યો હતો. આ સાથે ગામનાં યુવક સુરજીતસિંહને ચોરીની શંકા ગઈ હતી. ચોરીનાં બનાવમાં પુખરાયા ચોકીનાં પ્રભારી મહેન્દ્ર પટેલ શનિવારે ગામમાં દરોડા પાડવા ચાર સૈનિકો સાથે ગામમાં પહોંચ્યા હતા. તે દરમ્યાન એક પણ મહિલા કોન્સ્ટેબલ નહોતી. ઈન્સ્પેકટરે દુર્ગદાસપુર ગામનાં શિવમને પકડ્યો. આ અંગે શિવમની માતા સહિત અન્ય મહિલાઓએ ત્યાં આવીને દલીલ શરૂ કરી હતી. આ દરમ્યાન ઇન્દ્રજીતની પત્ની શ્યામા દેવી (શિવમની માતા) એ દરમિયાનગીરી કરવાનો પ્રયાસ કર્યો, પરંતુ પોલીસે પોતાનો તમામ ગુસ્સો બહાર કાઠ્યો. આ દરમ્યાન ઈન્સ્પેકટરે મહિલાને જમીન પર પટકાવી અને તેની ઉપર ચઢી અને તેને ખરાબ રીતે માર મારવાનું શરૂ કર્યું. જ્યારે પુત્રવધૂ તેની સાસુને ઈન્સપેક્ટર પાસેથી બચાવવા પહોંચી ત્યારે ચોકી ઈન્ચાર્જ તેની સાથે મારામારી કરવા લાગ્યો હતો. દરમ્યાન ગ્રામજનોએ પોલીસ કાર્યવાહીનો વીડિયો બનાવ્યો હતો. ગ્રામજનોનો આક્ષેપ છે કે, મહિલા કોન્સ્ટેબલ વિના પીડિતનાં ઘરે પહોંચેલા ચોકી પ્રભારીએ મહિલાઓ સાથે ગેરવર્તણૂક કર્યું હતું.
