Gujarat News: સામાન્ય રીતે હાઈવે પર ટોલ ટેક્સ માટે લાંબી કતારો જોવા મળે છે. ટોલ ટેક્સ માટે લોકોને કલાકો સુધી રાહ જોવી પડે છે. પરંતુ હવે NHAIએ તેનો ઉકેલ શોધી કાઢ્યો છે. હવે તમારે હાઈવે પર રોકવાની જરૂર નહીં પડે. હાઇવે પર ડ્રાઇવિંગ કરતી વખતે, તમારા ખાતામાંથી ટોલ આપમેળે કપાઈ જશે. NHAI દ્વારકા એક્સપ્રેસ વે પર આ સુવિધા શરૂ કરવા જઈ રહી છે. આ સાથે દ્વારકા એક્સપ્રેસ વે દેશનો પ્રથમ મલ્ટી લેન ફ્રી ફ્લો (MLFF) હાઇવે બનશે.
ટોલ ટેક્સ કેવી રીતે કાપવામાં આવશે?
દ્વારકા એક્સપ્રેસ વે પર ટોલ પ્લાઝા રહેશે નહીં. એક્સપ્રેસ વે પર કેટલીક જગ્યાએ ટોલ સેન્સર લગાવવામાં આવશે, જે હાઈવે પરથી પસાર થતા વાહનોની તમામ માહિતી એકત્ર કરશે અને આ ડેટા ઈલેક્ટ્રોનિક ટોલ પેમેન્ટ સિસ્ટમમાં સેવ થશે. તમારો ટોલ બેંક ખાતામાંથી અથવા ઈલેક્ટ્રોનિક ટોલ પેમેન્ટ સિસ્ટમ સાથે જોડાયેલા ફાસ્ટેગમાંથી કાપવામાં આવશે. આ માટે કોઈ અલગ ટોલ કલેક્ટર અને ઓપરેટરની જરૂર રહેશે નહીં. જે પણ બેંક NHAIને સૌથી વધુ આવક આપશે તેને આ કોન્ટ્રાક્ટ આપવામાં આવશે.
સમગ્ર હાઇવે પર માત્ર 1 ટોલિંગ પોઇન્ટ છે
મીડિયા રિપોર્ટ્સ અનુસાર દ્વારકા એક્સપ્રેસ વે 28 કિલોમીટર લાંબો હશે. આ સમગ્ર એક્સપ્રેસ વે પર માત્ર 1 ટોલ પોઈન્ટ હશે. આ ટોલિંગ પોઈન્ટ રાજધાની દિલ્હીથી 9 કિલોમીટરના અંતરે દિલ્હી-ગુરુગ્રામ બોર્ડર પાસે હશે. મુસાફરોએ અહીં રોકાઈને ટોલ ચૂકવવો પડશે. આ પછી, સમગ્ર હાઇવે પર ટોલ સેન્સર હશે, જેના દ્વારા મુસાફરોનો ટોલ ટેક્સ ફાસ્ટેગ દ્વારા ચૂકવવામાં આવશે.
બેંકને કોન્ટ્રાક્ટ મળશે
સરકારે હજુ સુધી દ્વારકા એક્સપ્રેસ વેનો ટોલ ટેક્સ જાહેર કર્યો નથી. આ ટોલ ટેક્સ કેટલો હશે? આ અંગે હજુ સુધી જાહેરાત કરવામાં આવી નથી. જોકે, ટોલ ટેક્સ માટે બેંકોને 3 વર્ષનો કોન્ટ્રાક્ટ આપવામાં આવશે.
વાહન પોર્ટલ પર ફોટો અપલોડ કરવામાં આવશે
હવે સવાલ એ થાય છે કે દ્વારકા એક્સપ્રેસ વે પર મુસાફરી કરી રહેલા મુસાફરના બેંક ખાતા કે ફાસ્ટેગમાં પૈસા ન હોય તો? આ સ્થિતિમાં વાહનના ફોટા સહિતની સંપૂર્ણ માહિતી વાહન પોર્ટલ પર અપલોડ કરવામાં આવશે, જેમાં બાકી ટોલ જોઈ શકાશે.
આ પણ વાંચો: ફૂડ એન્ડ ડ્રગ ઇન્સ્પેક્ટર મહેશ બક્ષીની લાંચના આરોપમાં ધરપકડ
આ પણ વાંચો: ACBની સફળ ટ્રેપ, બહુમાળી ફલેટના વેચાણમાં લેવાતી લાંચનો ભાંડો ફૂટયો
