ભુજમાં યોજાયેલી ભચાઉ અને રાપર નગરપાલિકાની ચૂંટણી શાંતિપૂર્ણ માહોલમાં પૂર્ણ થઇ છે. જેમાં સરેરાશ 47 ટકા મતદાન થયું હતું.
રાપરમાં વહેલી સવારથી જ મતદારો મતદાન કરવા મતદાનબુથ પર જોવા મળ્યા હતા. રાપરમાં કુલ 16 બેઠક માટે 32 ઉમેદવારો ચૂંટણી જંગમાં જોડાયા હતા. જ્યારે રાપરની 12 બેઠક પહેલેથી જ બિનહરીફ થઈ ચૂકી છે.
આ મતવિસ્તાર સંવેદનશીલ હોવાના કારણે સવારથી પોલીસનો ચુસ્ત બંદોબસ્ત ગોઠવાયો હતો તો ભચાઉમાં પણ આઠ વાગ્યાથી જ મતદાન શરૂ થઈ ગયું હતું.
ભચાઉની 28 બેઠકો માટે ધીમી ગતિએ મતદાન શરૂ થયું હતું. રસાકસી ભર્યા ચૂંટણી જંગના કારણે ભાજપ – કોંગ્રેસ નેતાઓએ ભચાઉમાં ધામાં નાખ્યા હતાં. ભાજપ સતા પુનરાવર્તન માટે તો કોંગ્રેસ સતા પરિવર્તન માટે ચૂંટણી મેદાનમાં જંપલાવ્યું છે.
