માસ બન્ક તમે કોલેજમાં સાંભળ્યુ હશે પરંતુ પુણેમાં આવેલી જર્મન બેઝ ઓટો પાર્ટ્સ બનાવતી કંપની ZF સ્ટીઅરીંગ ગીઅરનાં એન્જીનીયર્સ છ અઠવાડિયા માટે સામુહિક રજા પર જતા રહ્યાં હતા અને એ પણ અગાઉથી જાણ કર્યા વગર અને અંતે કંપનીએ એમને નોકરીમાંથી છુટા કરી દીધા છે.
કંપનીએ જણાવ્યું હતું કે, એમણે 236 એન્જીનીયર્સનાં કોન્ટ્રાક્ટને ટર્મિનેટ કરી દીધા છે કારણકે તેઓ 2 ડીસેમ્બર, 2017 થી 19 જાન્યુઆરી, 2018 સુધી રજા પર જતા રહ્યાં હતા અને એ પણ કોઈ યોગ્ય કારણ જણાવ્યા વગર.
કંપનીએ આ ઘટનાને ‘મિસકન્ડક્ટ’ તરીકે ગણાવી હતી અને ઇન્કવાયરી ઓફિસરની નિમણુંક પણ કરી હતી. તેઓએ ઘણાં ડિસ્કશનનાં રાઉન્ડ કર્યા હતા પણ કોઈ ઉપાય નીકળતો ન હતો. ત્યારબાદ કંપનીએ આખરે 236 એન્જીનીયર્સનાં કોન્ટ્રાક્ટને 26 /27 ઓક્ટોબર, 2018 થી કેન્સલ કરવાનું નકી કર્યું છે. કંપનીએ જણાવ્યું કે, તેઓને જે પેમેન્ટ આપવાનું છે નિયમ અનુસાર એ આપી દેવામાં આવશે.
ZF સ્ટીઅરીંગ ગીઅર કંપની અશોક લેલેન્ડ, ટાટા મોટર્સ, વોલ્વો ગ્રુપ વગેરે કંપનીઓને ઓટો પાર્ટ્સ વેચે છે.
