કંપનીમાં 25% મહિલાઓ પરિણીત છે, પહેલાં કહ્યું હતું- 'અમે પરિણીત મહિલાઓને નોકરી નથી આપતા'

Business News : iPhone બનાવતી કંપની ફોક્સકોન ફરી એકવાર વિવાદોમાં ઘેરાઇ છે. ભારતમાં આ કંપની પર આરોપ લગાવવામાં આવ્યો હતો કે તે પરિણીત મહિલાઓને પ્લાન્ટમાં નોકરી આપતા નથી. હવે તેને લઇને ફોક્સકોને નિવેદન જાહેર કર્યું છે. કંપનીએ જણાવ્યું કે તેમના પ્લાન્ટમાં લગભગ 70% મહિલા કર્મચારી છે.

PTIના સૂત્રોને ટાંકીને કંપનીએ કહ્યું કે, ફોક્સકોને સરકારને સૂચિત કર્યું છે કે તેમના નવા કર્મચારીઓમાં 25 ટકા પરિણીત મહિલાઓ છે. કંપનીએ તેની સુરક્ષા પ્રોટોકોલનું સંપૂર્ણ રીતે ધ્યાન રાખવામાં આવ્યું છે. આ સિવાય કંપનીએ જણાવ્યું કે તે લિંગ કે ધર્મને લઇને કોઈ ભેદભાવ નથી કરતા. સૂત્રો પ્રમાણે ફોક્સકોને સરકારને જણાવ્યું કે તેમની હાયરિંગ પોલિસીમાં એવી કોઈ શરત નથી કે પરિણીત મહિલાઓને નોકરી પર નહીં રાખીએ. કંપનીએ કહ્યું કે આ તે લોકોએ દાવો કર્યો હશે જેમને કામ પર રાખવામાં આવ્યા નથી. કંપનીએ મીડિયા રિપોર્ટ્સનું ખંડન કરતા કહ્યું કે આ પ્રકારના રિપોર્ટ્સ ભારતીય મેન્યુફેક્ચરિંગ સેક્ટરને બદનામ કરે છે.

સૂત્રોમાંથી એક વ્યક્તિએ કહ્યું કે ફોક્સકોને સ્પષ્ટ કર્યું હતું કે તેમણે જ નવા લોકોને હમણાં નોકરી આપી છે તેમાં 25 ટકા પરિણીત મહિલાઓ છે. જેનો અર્થ એવો થાય છે કે કંપનીમાં કુલ મહિલાઓમાંથી લગભગ એક તૃતીયાંશ પરિણીત છે. વર્તમાનમાં ફોક્સકોન ફેક્ટરીમાં લગભગ 70 ટકા મહિલાઓ અને 30 ટકા પુરુષ છે. નોંધનીય છે કે દેશમાં મહિલા રોજગાર માટે આ સૌથી મોટી ફેક્ટરી છે. આ પ્લાન્ટમાં લગભગ 45,000 શ્રમિક છે.

ભારતમાં એપલના આઈફોન એસેમ્બલી પ્લાન્ટનું સંચાલન કરતી ફોક્સકોન કંપનીને ફેક્ટરીમાં પરિણીત મહિલાઓને નોકરી ન આપવાના મામલે મોટો આંચકો લાગ્યો છે. આ સંદર્ભમાં અહેવાલની નોંધ લેતાં કેન્દ્ર સરકાર આ મામલે કડક છે અને શ્રમ અને રોજગાર મંત્રાલયે તમિલનાડુના લેબર ડિપાર્ટમેન્ટ પાસેથી સંપૂર્ણ અહેવાલ માંગ્યો છે. શ્રમ મંત્રાલયે સમાન મહેનતાણું કાયદાને ટાંકીને આ રિપોર્ટ મંગાવ્યો છે.
શ્રમ મંત્રાલયે બુધવારે કહ્યું કે તેમણે ઘણા મીડિયા અહેવાલોની નોંધ લીધી છે જેમાં દાવો કરવામાં આવ્યો છે કે તમિલનાડુમાં ફોક્સકોન ઇન્ડિયા એપલ આઇફોન પ્લાન્ટમાં પરિણીત મહિલાઓને નોકરીની ઓફર કરવામાં આવી નથી.

આ અહેવાલોમાં શેર કરવામાં આવેલી માહિતીના સંદર્ભમાં, મંત્રાલયે તમિલનાડુ સરકારના શ્રમ વિભાગ પાસેથી તાત્કાલિક વિગતવાર અહેવાલ માંગ્યો છે. મંત્રાલય દ્વારા બુધવારે જાહેર કરવામાં આવેલા નોટિફિકેશનમાં કહેવામાં આવ્યું છે કે સમાન મહેનતાણું અધિનિયમ, 1976ની કલમ 5 સ્પષ્ટપણે જણાવે છે કે પુરુષ અને મહિલા કર્મચારીઓની ભરતી કરતી વખતે કોઈ ભેદભાવ ન કરવો જોઈએ.

શ્રમ મંત્રાલય દ્વારા સ્પષ્ટપણે જણાવવામાં આવ્યું છે કે આ કાયદાની જોગવાઈઓના અમલીકરણ અને વહીવટ માટે રાજ્ય સરકાર યોગ્ય સત્તા છે, તેથી રાજ્ય સરકાર પાસેથી વિગતવાર અહેવાલ માંગવામાં આવ્યો છે. નોંધનીય છે કે મંગળવારના રોજ રોઇટર્સ દ્વારા એક તપાસ અહેવાલમાં જણાવવામાં આવ્યું હતું કે ફોક્સકોને ચેન્નાઈ નજીકના તેમના iPhone પ્લાન્ટમાં પરિણીત મહિલાઓને નોકરીમાંથી બાકાત રાખ્યા છે. કંપનીનું માનવું છે કે કુંવારી મહિલાઓની સરખામણીએ પરિણીત મહિલાઓ પર વધુ પારિવારિક જવાબદારીઓ હોય છે, તેથી કંપની તેમને નોકરી આપવા માંગતી નથી.

રોઇટર્સના અહેવાલ મુજબ, ફોક્સકોન ખાતે પરિણીત મહિલાઓની નોકરીની અરજીઓ નકારી કાઢવામાં આવે છે, જે iPhone ઉત્પાદક Apple Inc માટે એસેમ્બલિંગનું કામ કરે છે. ભેદભાવનો આ કિસ્સો ચેન્નાઈના પ્લાન્ટમાં સામે આવ્યો છે, જે કંપનીની જાહેરમાં બિન-ભેદભાવપૂર્ણ ભરતીની પ્રતિબદ્ધતાની વિરુદ્ધ છે. પરંતુ, તપાસમાં જાણવા મળ્યું છે કે Apple અને Foxconn બંનેએ 2023 અને 2024માં આવા કેસોનો સામનો કર્યો હતો.

આ રિપોર્ટમાં 20 વર્ષની બે બહેનો પાર્વતી અને જાનકીનો ઉલ્લેખ કરવામાં આવ્યો છે. ચેન્નાઈમાં ફોક્સકોનની આઈફોન ફેક્ટરીમાં તેમણે આ ભેદભાવનો સામનો કરવો પડ્યો હતો. ગયા વર્ષે માર્ચ 2023માં વ્હોટ્સએપ પર નોકરીની જાહેરાતો જોઈને આ બંને બહેનો ઈન્ટરવ્યૂ માટે આ પ્લાન્ટ પર પહોંચી હતી, પરંતુ મુખ્ય ગેટ પર હાજર સિક્યુરિટી ઓફિસરે તેમને ઈન્ટરવ્યૂ ન આપવા દીધો અને ગેટ પરથી જ પરત મોકલી દીધાં. રિપોર્ટમાં કહેવામાં આવ્યું છે કે અધિકારીએ બંનેને પૂછ્યું હતું કે, ‘શું તમે પરિણીત છો?’ મેં જવાબ આપતાં જ તેણે બંને પરિણીત મહિલાઓને પાછા જવા કહ્યું.

પાર્વતીના કહેવા પ્રમાણે, તેને આ કામ માત્ર એટલા માટે આપવામાં આવ્યું નથી કારણ કે તે બંને પરિણીત છે. આ વિશે વાત કરતાં તેણે વધુમાં જણાવ્યું હતું કે આ બાબતથી ઘણા લોકો વાકેફ છે અને જે ઓટોમાં બંને ઈન્ટરવ્યૂ માટે ફેક્ટરીમાં પહોંચ્યાં હતાં તેના ડ્રાઈવરે પણ તેમને પરિણીત મહિલાઓ પ્રત્યે ફોક્સકોનના પક્ષપાતી વલણ વિશે જણાવ્યું હતું અને આ અંગે ચેતવણી આપવામાં આવી હતી કંઈક આવું જ થયું.

રિપોર્ટ અનુસાર, ફોક્સકોન ઈન્ડિયાના ભૂતપૂર્વ એચઆર એક્ઝિક્યુટિવ એસ. પૉલે પણ આવી પ્રથાને સમર્થન આપ્યું છે અને કહ્યું છે કે ફોક્સકોન માને છે કે પરિણીત મહિલાઓ કૌટુંબિક જવાબદારીઓ અને પ્રેગ્નન્સી કારણે જોખમનું પરિબળ છે.એસ. પોલના આ દાવાઓને ફોક્સકોનની વિવિધ હાયરિંગ એજન્સીઓના 17 કર્મચારીઓ અને 4 વર્તમાન અને ભૂતપૂર્વ એચઆર અધિકારીઓ દ્વારા પણ સમર્થન આપવામાં આવ્યું છે. તેમણે કહ્યું કે પરિણીત મહિલાઓ પર યુવતીઓ કરતાં વધુ જવાબદારીઓ હોય છે અને તેમના કામને અસર ન થાય તે માટે તેમને ભરતી પ્રક્રિયાથી દૂર રાખવામાં આવે છે.

જો કે, આ તપાસ અહેવાલ પછી, બિઝનેસ ટુડેએ એપલનો સંપર્ક કર્યો કે તેઓ આવી કોઈ પ્રથા વિશે જાણતા હતા કે કેમ. તો આના પર કંપનીએ કહ્યું કે અમે ઉચ્ચ સપ્લાય ચેઈન ધોરણો જાળવીએ છીએ અને ભારતમાં પરિણીત મહિલાઓને નોકરીએ રાખીએ છીએ. ફોક્સકોને રોજગારમાં ભેદભાવના આરોપોને નકારી કાઢ્યા છે. બંને કંપનીઓએ ભરતીની પ્રક્રિયામાં સુધારો કરવા અને તેમની સંબંધિત આચાર સંહિતાનું પાલન કરવાના તેમના પ્રયાસોને પ્રકાશિત કર્યા, જે વૈવાહિક સ્થિતિ, લિંગ અને અન્ય પરિબળોના આધારે ભેદભાવને પ્રતિબંધિત કરે છે.