દેશભરમાંથી અવાર-નવાર રસ્તાની વચ્ચે છોકરીઓનું ગેરવર્તનના વીડિયો સામે આવતા રહે છે. જ્યાં તે નશામાં ધૂત અને હાઈવોલ્ટેજ ડ્રામા કરતી જોવા મળે છે. આવો જ એક કિસ્સો મુંબઈથી સામે આવ્યો છે. જ્યાં ત્રણ મિત્રોએ મળીને રસ્તા વચ્ચે હોબાળો મચાવ્યો હતો. આ છોકરીઓએ પહેલા એક કેબ ડ્રાઈવર સાથે ગેરવર્તન કર્યું, પછી પોલીસ સાથે દુર્વ્યવહાર કરતા તેનો કોલર પકડી લીધો.
બળજબરીથી કારમાં બેસીને શરૂ કર્યું ગેરવર્તન
વાસ્તવમાં આ મામલો ગુરુવાર રાતનો હોવાનું કહેવાય છે. જ્યાં નશામાં ધૂત ત્રણ યુવતીઓએ મુંબઈના રસ્તાઓ પર હંગામો મચાવ્યો હતો. આ યુવતીઓએ પહેલા ઓલા કારના ડ્રાઈવર સાથે ગેરવર્તન કર્યું હતું. ત્યારબાદ તેણીને કારમાંથી બહાર કાઢીને બળજબરીથી અંદર બેસી ગઈ હતી. તેની સાથે દુર્વ્યવહાર કરવામાં આવ્યો હતો અને કારમાં તોડફોડ કરવામાં આવી હતી.
મુંબઈ પોલીસ સાથે ખરાબ વર્તન
યુવતીઓના હંગામાની સ્થાનિક પોલીસને જાણ થતાં પોલીસકર્મીઓ ઘટનાસ્થળે પહોંચી ગયા હતા. પરંતુ આ યુવતીઓ એટલી નશામાં હતી કે તેણે તેમની સાથે પણ ગેરવર્તન કરવાનું શરૂ કરી દીધું હતું. પોલીસકર્મીઓને ધક્કો મારતી વખતે તેણે તેમનો કોલર પણ પકડી લીધો હતો.
વીડિયો સોશિયલ મીડિયા પર થયો વાયરલ
આપને જણાવી દઈએ કે, નશામાં ધૂત ત્રણેય યુવતીઓએ ફાટેલા કપડા પહેર્યા હતા અને રસ્તામાં લોકોને છેડતી વખતે દુર્વ્યવહાર કરી રહી હતી. તેના ગેરવર્તણૂકનો વીડિયો કેબ ડ્રાઈવરે પોતાના મોબાઈલથી બનાવ્યો છે. જે હવે સોશિયલ મીડિયા પર પણ વાયરલ થઈ રહ્યો છે. આ વીડિયોના આધારે પોલીસે ત્રણેય સામે કાર્યવાહી હાથ ધરી છે.
આ પણ વાંચો :ટૂંક સમયમાં જ બંધ થશે ‘ધ કપિલ શર્મા શો’? કોમેડિયનના કારણે મેકર્સે લીધો આ મોટો નિર્ણય
આ પણ વાંચો :માનહાનિ કેસ મામલે કોર્ટે કહ્યું “કંગના ભલે સેલિબ્રિટી હોય” પરતું….
આ પણ વાંચો :તમિલ એક્ટર સિમ્બુની કાર ફૂટપાથ પર રહેતા 70 વર્ષના વૃદ્ધને મારી ટક્કર, પોલીસે ડ્રાઈવરની કરી ધરપકડ
આ પણ વાંચો : બ્લેક સાડી પહેરીને પ્રી ઓસ્કાર સેરેમનીમાં પહોંચી પ્રિયંકા ચોપરા, એક્ટ્રેસની સ્ટાઈલ જોઈને લોકોએ કહ્યું- હોટ મ્મમા
