મુંબઈઃ ભારતીય શેરબજારમાં મંગળવારનું ટ્રેડિંગ સત્ર એકદમ અસ્થિર રહ્યું હતું. ટ્રેડિંગ ડે દરમિયાન લાર્જ કેપ શેર્સમાં વેચવાલી જોવા મળી હતી. તે જ સમયે, મિડકેપ અને સ્મોલકેપ શેર્સમાં ખરીદી જોવા મળી હતી. BSE સેન્સેક્સ 361 પોઈન્ટ્સ અથવા 0.50 ટકા ઘટીને 72,470 પોઈન્ટ્સ પર અને નિફ્ટી50 ઈન્ડેક્સ 92 પોઈન્ટ્સ અથવા 0.42 ટકા ઘટીને 22,004 પોઈન્ટ પર છે. બેન્કિંગ શેરોમાં પણ વેચવાલી જોવા મળી હતી અને બેન્ક નિફ્ટી 263.55 પોઈન્ટ અથવા 0.56 ટકા ઘટીને 46,600 પોઈન્ટ પર બંધ થયો હતો.
આજના કામકાજના દિવસે બજારમાં ઘટતા શેરોની સંખ્યા વધુ હતી. નિફ્ટી મિડકેપ ઈન્ડેક્સ 494 પોઈન્ટ અથવા 1.05 ટકા વધીને 47,807 પોઈન્ટ પર અને નિફ્ટી સ્મોલકેપ 100 ઈન્ડેક્સ 61 પોઈન્ટ અથવા 0.41 ટકાના ઉછાળા સાથે 15,118 પોઈન્ટ પર બંધ થયો હતો. આજે ઓટો, આઈટી, ફિન સર્વિસ, ફાર્મા, એફએમસીજી, મીડિયા અને પ્રાઈવેટ બેન્કના શેર દબાણ સાથે બંધ થયા છે. PSU, મેટલ, રિયલ્ટી, એનર્જી અને ઈન્ફ્રાના શેર ઉછાળા સાથે બંધ થયા છે.
વધનારા અને ઘટનારા
સેન્સેક્સ પેકમાં, બજાજ ફાઇનાન્સ, એલએન્ડટી, એનટીપીસી, એક્સિસ બેન્ક, બજાજ ફિનસર્વ, ઇન્ડસઇન્ડ બેન્ક, ટાટા મોટર્સ, એચસીએલ ટેક, નેસ્લે અને ટાટા સ્ટીલ વધીને બંધ થયા છે. જ્યારે, ITC, ટાઇટન કંપની, HUL, સન ફાર્મા, સન ફાર્મા, JSW સ્ટીલ, મારુતિ સુઝુકી, ICICI બેંક, SBI, M&M, Reliance, Tech Mahindra, TCS, Asian Paints, Infosys, UltraTech Cement, HDFC બેંક, કોટક મહિન્દ્રા બેંક, વિપ્રો, ભારતી એરટેલ અને પાવર ગ્રીડ લાલ નિશાનમાં બંધ થયા છે.
વૈશ્વિક બજારોની સ્થિતિ
વૈશ્વિક બજારોમાં ટોક્યો, શાંઘાઈ, હોંગકોંગ, સિયોલ અને બેંગકોકના બજારો તેજી સાથે બંધ થયા છે. તે જ સમયે, જકાર્તા અને તાઈપેઈના બજારો લાલ નિશાનમાં બંધ થયા. ક્રૂડ ઓઈલના ભાવમાં પણ નરમાશ જોવા મળી રહી છે. બ્રેન્ટ ક્રૂડ લગભગ અડધા ટકાના ઘટાડા સાથે બેરલ દીઠ $85.77 અને WTI ક્રૂડ પ્રતિ બેરલ $81.64 પર ટ્રેડ કરી રહ્યું છે.
આ પણ વાંચોઃ Adani Ports/અદાણી ગ્રૂપ વધુ એક પોર્ટ ખરીદશે, રૂ. 3000 કરોડની ડીલ
આ પણ વાંચોઃ real estate sector/RERA : રિયલ એસ્ટેટ સેક્ટર માટે બદલાઈ રહ્યા છે નિયમો, પારદર્શિતા વધશે
આ પણ વાંચોઃ stock market news/શેરબજારમાં 3 દિવસની રજા બાદ બજાર ખુલતા જ સેન્સેક્સ 72,400ના નીચા સ્તરે અને નિફ્ટી 22,000 ની ઉપલા સ્તર પર
આ પણ વાંચોઃ MCX/MCX પર સોનામાં વોલ્યુમ અત્યાર સુધીના સર્વોચ્ચ સ્તરે