Kheda News: ખેડા જિલ્લા દૂધ ઉત્પાદક સહકારી સંઘ (અમૂલ ડેરી) ની કમાન કોણ સંભાળશે તે અંગે ખેડૂતોમાં છેલ્લા 96દિવસથી ચાલી રહેલી ઉત્સુકતાનો અંત આવ્યો છે. આજે સહકારી સંઘના ડિરેક્ટર બોર્ડના ચેરમેન અને વાઇસ ચેરમેનની સર્વાનુમતે નિમણૂક કરવામાં આવી હતી. અમૂલ ડેરીનું ચેરમેનપદ શાભેસિંહ પરમાર (Shabheshinh Parmar)ને સોંપવામાં આવ્યું છે, જ્યારે વિજય પટેલ (Vijay Patel)ને વાઇસ ચેરમેન તરીકે નિયુક્ત કરવામાં આવ્યા છે.
અમૂલ ડેરી
પ્રાપ્ત માહિતી અનુસાર, અમૂલ ડેરીના સભાખંડમાં મોટી સંખ્યામાં સમર્થકો, ભાજપના ધારાસભ્યો, જિલ્લા ભાજપ પ્રમુખ સંજય પટેલ અને સંગઠનના અધિકારીઓની હાજરીમાં આ જાહેરાત કરવામાં આવી હતી. વીરપુરના શાભેસિંહ પરમારને ચેરમેન તરીકે નિયુક્ત કરવામાં આવ્યા છે, જ્યારે ડાકોરના વિજય પટેલને વાઇસ ચેરમેન તરીકે નિયુક્ત કરવામાં આવ્યા છે. ઉપસ્થિત તમામ સમર્થકો અને અધિકારીઓએ નવનિયુક્ત ચેરમેન અને વાઇસ ચેરમેનને અભિનંદન પાઠવ્યા હતા.
શ્રી શાભેસિંહ પરમાર ની વિશ્વ વિખ્યાત અમૂલ ડેરીના ચેરમેન તરીકે નિમણૂંક થવા બદલ હાર્દિક અભિનંદન pic.twitter.com/M17L0h3JPx
— Mitesh Patel (Bakabhai) (@Miteshbhaibjp) December 15, 2025
નિર્ણય બાદ આનંદનો માહોલ
સામાન્ય ચૂંટણીના ત્રણ મહિનાથી વધુ સમય પછી આ હોદ્દાઓ પર નિમણૂકો થવાથી ખેડા જિલ્લા દૂધ ઉત્પાદક સહકારી સંઘના સભ્યોમાં આનંદ છવાઈ ગયો છે. શાભેસિંહ પરમાર અને વિજય પટેલનું નેતૃત્વ હવે અમૂલ ડેરીના ભાવિ સંચાલન અને ખેડૂતોના હિતોનું રક્ષણ કરશે.
આ પણ વાંચો:અમૂલ ડેરીની ચૂંટણીના પરિણામો જાહેર,ભાજપનો ભગવો લેહરાયો
આ પણ વાંચો:નાણાકીય ઉચાપત અને ગેરરીતિના આરોપો સાથે અમૂલ ડેરીની ચૂંટણી પહેલાં હોબાળો
આ પણ વાંચો:અમૂલ ડેરીએ દૂધના ભાવમાં કર્યો વધારો, જાણો શું છે નવા ભાવ
