Ahmedabad News: ગુજરાતી સંગીત જગતની લોકપ્રિય ગાયિકા કિંજલ દવે (Kinjal Dave) ફરી એકવાર ચર્ચાના કેન્દ્રમાં આવી છે. આ વખતે ચર્ચાનું કારણ કોઈ નવું ગીત કે કાર્યક્રમ નહીં, પરંતુ તેમના સોશિયલ મીડિયા એકાઉન્ટ પરથી ધ્રુવીન શાહ (Dhruvin Shah) સાથેની કેટલીક તસવીરો ગાયબ થવું છે. તસવીરો ડિલિટ થતાં જ સોશિયલ મીડિયા પર વિવિધ પ્રકારની અટકળો શરૂ થઈ ગઈ છે.
આંતરજ્ઞાતિય સગાઈ બાદ હવે નવા વિવાદમાં Kinjal Dave
તાજેતરમાં કિંજલ દવે (Kinjal Dave) અને ધ્રુવીન શાહની સગાઈ બાદ બંને માલદીવ્સમાં વેકેશન માણવા ગયા હતા. આ પ્રવાસ દરમિયાન બંનેએ સાથે વિતાવેલી ખાસ પળોની તસવીરો અને વીડિયો સોશિયલ મીડિયા પર શેર કર્યા હતા. ચાહકોએ પણ આ પોસ્ટ્સને ભારે પસંદ કરી હતી. જોકે હવે આ તસવીરો અચાનક સોશિયલ મીડિયા પ્રોફાઈલ પરથી હટાવી દેવામાં આવતા અનેક સવાલો ઊભા થયા છે.
કેટલાક સોશિયલ મીડિયા યુઝર્સ અને ચાહકો માની રહ્યા છે કે બંનેના સંબંધોમાં કોઈ પ્રકારની ખટાશ આવી હોઈ શકે છે. બીજી તરફ કેટલાક લોકોનું માનવું છે કે આવનારા કોઈ નવા પ્રોજેક્ટ, ગીત અથવા જાહેર કાર્યક્રમ માટે લોકોનું ધ્યાન ખેંચવા આ એક પબ્લિસિટી સ્ટંટ પણ હોઈ શકે છે.
જોકે અત્યાર સુધી કિંજલ દવે (Kinjal Dave) કે ધ્રુવીન શાહ (Dhruvin Shah) તરફથી આ મુદ્દે કોઈ સત્તાવાર સ્પષ્ટતા કરવામાં આવી નથી. તેથી સોશિયલ મીડિયા પર ચાલી રહેલી ચર્ચાઓ માત્ર અટકળો સુધી જ મર્યાદિત છે અને કોઈપણ નિષ્કર્ષ પર પહોંચવું યોગ્ય નથી.
ઉલ્લેખનીય છે કે કિંજલ દવે (Kinjal Dave) પોતાની આંતરજ્ઞાતિય સગાઈને લઈને પણ ચર્ચામાં રહી હતી. ધ્રુવીન શાહ સાથેના સંબંધોને કારણે સમાજના કેટલાક વર્ગોમાંથી વિરોધ સામે આવ્યો હતો. ત્યારબાદ કિંજલ દવેએ સોશિયલ મીડિયા મારફતે પોતાનો પક્ષ રજૂ કરતાં વ્યક્તિગત પસંદગી અને મહિલાઓના અધિકારો અંગે ખુલ્લેઆમ વાત કરી હતી.
તેમણે પોતાના સંદેશમાં જણાવ્યું હતું કે દરેક વ્યક્તિને પોતાના જીવનસાથી પસંદ કરવાનો અધિકાર છે અને સમાજે સમય સાથે બદલાવ સ્વીકારવો જોઈએ. આ નિવેદન બાદ તેમને ચાહકો અને સમાજના અનેક વર્ગોમાંથી સમર્થન પણ મળ્યું હતું.
હાલમાં તસવીરો ડિલિટ કરવાના પગલે ફરી એકવાર કિંજલ દવે (Kinjal Dave) અને ધ્રુવીન શાહ ચર્ચામાં છે. જોકે સત્ય શું છે તે અંગે બંને તરફથી કોઈ સ્પષ્ટતા ન આવતાં ચાહકો હજુ રાહ જોઈ રહ્યા છે.
આ પણ વાંચો:જાણીતી ગાયિકા કિંજલ દવેની આંતરજ્ઞાતીય સગાઈનો વિવાદ
આ પણ વાંચો:કિંજલ દવેની આંતરજ્ઞાતિય સગાઈનો વિવાદ વધુ વકર્યો, જનક જોશીએ કહ્યું કિંજલના સંસ્કાર…
આ પણ વાંચો:કિંજલ દવેની સગાઈ વિવાદ: બ્રહ્મ સમાજનો બહિષ્કાર, ગાયિકાએ કહ્યું – ‘દીકરી
