New Delhi News: NEET પેપર લીક વિવાદ બાદ દેશની પરીક્ષા વ્યવસ્થામાં મોટા સુધારાની (NEET Exam Reforms) દિશામાં કેન્દ્ર સરકારે મહત્વપૂર્ણ નિર્ણય લીધો છે. પ્રધાનમંત્રી નરેન્દ્ર મોદીએ જાહેરાત કરી છે કે દેશની પરીક્ષા પ્રણાલીને વધુ વિશ્વસનીય, પારદર્શક અને ટેક્નોલોજી (NEET Exam Reforms) આધારિત બનાવવા માટે નંદન નીલેકણીના (Nandan Nilekani) નેતૃત્વમાં હાઈ-પાવર ટાસ્ક ફોર્સની (Exam Reform Task Force) રચના કરવામાં આવશે. આ ટાસ્ક ફોર્સ પરીક્ષા સુધારા માટે વ્યાપક અભ્યાસ કરીને સરકારને ભલામણો આપશે, જેના આધારે ભવિષ્યમાં નવી અને વધુ સુરક્ષિત પરીક્ષા વ્યવસ્થા અમલમાં મૂકવામાં આવશે.

NEET Exam Reforms: પીએમ મોદીની જાહેરાતની મુખ્ય વાતો

પ્રધાનમંત્રી મોદીએ પોતાના સંબોધનમાં જણાવ્યું કે સરકાર વિદ્યાર્થીઓના ભવિષ્યને સુરક્ષિત રાખવા માટે સતત કડક પગલાં લઈ રહી છે. તેમણે કહ્યું કે જેમણે વિદ્યાર્થીઓના ભવિષ્ય સાથે રમત રમી છે તેમની સામે કડક કાર્યવાહી કરવામાં આવી રહી છે અને આવા આરોપીઓ આજે કાયદાની જાળમાં છે. તેમણે ઉમેર્યું કે સરકાર માત્ર દોષિતોને સજા આપવા પૂરતી મર્યાદિત નથી રહેવાની, પરંતુ ભવિષ્યમાં આવી ઘટનાઓ ન બને તે માટે સમગ્ર પરીક્ષા પ્રણાલીમાં જ સુધારા લાવવાનો નિર્ણય કરવામાં આવ્યો છે.

સરકાર પરીક્ષા પ્રણાલીમાં શું ફેરફાર કરશે?

પ્રધાનમંત્રીએ વધુમાં જણાવ્યું કે પેપર લીક જેવા ગુનાઓ સામે ઝડપી ન્યાય માટે ફાસ્ટ-ટ્રેક કોર્ટની વ્યવસ્થા કરવામાં આવી છે તેમજ પરીક્ષા ગેરરીતિઓ સામે વધુ કડક જોગવાઈઓ સાથે નવો કાયદો ઘડવાની પ્રક્રિયા પણ ચાલી રહી છે. સરકારનું માનવું છે કે દેશની પરીક્ષા વ્યવસ્થા એટલી મજબૂત હોવી જોઈએ કે કોઈપણ પ્રકારની ગેરરીતિ માટે તેમાં સ્થાન ન રહે.

ટાસ્ક ફોર્સની જવાબદારી શું હશે?

નંદન નીલેકણીના નેતૃત્વમાં રચાનારી હાઈ-પાવર ટાસ્ક ફોર્સ પરીક્ષા પ્રક્રિયાના દરેક પાસાનો અભ્યાસ કરશે. પરીક્ષાના આયોજનથી લઈને પ્રશ્નપત્રોની સુરક્ષા, ડિજિટલ ટેક્નોલોજીનો ઉપયોગ, ડેટા સુરક્ષા અને પારદર્શિતા જેવા તમામ મુદ્દાઓ પર વિશ્લેષણ કરીને સુધારાના સૂચનો આપવામાં આવશે. સરકારનો દાવો છે કે ટાસ્ક ફોર્સનો અહેવાલ મળ્યા બાદ શક્ય તેટલી વહેલી તકે નવી વ્યવસ્થા અમલમાં લાવવામાં આવશે.

નંદન નીલેકણી કોણ છે?

નંદન મોહનરાવ નીલેકણી ભારતના જાણીતા ટેક્નોલોજી ઉદ્યોગસાહસિક અને ડિજિટલ ગવર્નન્સ ક્ષેત્રના અગ્રણી વ્યક્તિત્વ છે. તેમનો જન્મ 2 જૂન, 1955ના રોજ બેંગલુરુમાં થયો હતો અને તેમણે IIT બોમ્બેમાંથી ઇલેક્ટ્રિકલ એન્જિનિયરિંગનો અભ્યાસ કર્યો હતો.

ઇન્ફોસિસના સહ-સ્થાપક તરીકે ઓળખ

વર્ષ 1981માં એન.આર. નારાયણ મૂર્તિ અને અન્ય સહયોગીઓ સાથે મળીને તેમણે ઇન્ફોસિસની સ્થાપનામાં મહત્વપૂર્ણ ભૂમિકા ભજવી હતી. બાદમાં તેઓ 2002થી 2007 સુધી કંપનીના CEO અને મેનેજિંગ ડિરેક્ટર રહ્યા અને વર્ષ 2017માં ઇન્ફોસિસના ચેરમેન તરીકે ફરી જોડાયા.

આધાર પ્રોજેક્ટના મુખ્ય શિલ્પી

વર્ષ 2009માં તેમને યુનિક આઈડેન્ટિફિકેશન ઓથોરિટી ઓફ ઇન્ડિયા (UIDAI)ના પ્રથમ ચેરમેન તરીકે નિયુક્ત કરવામાં આવ્યા હતા. તેમના નેતૃત્વ હેઠળ આધાર પ્રોજેક્ટ શરૂ થયો હતો, જે આજે વિશ્વની સૌથી મોટી ડિજિટલ ઓળખ પ્રણાલીઓમાંની એક માનવામાં આવે છે અને કરોડો ભારતીયોને એક અનન્ય ઓળખ પ્રદાન કરે છે.

રાજકારણમાં પણ અજમાવી હતી કિસ્મત

વર્ષ 2014ની લોકસભા ચૂંટણીમાં નંદન નીલેકણીએ કોંગ્રેસ પાર્ટીની ટિકિટ પર બેંગલુરુ દક્ષિણ બેઠક પરથી ચૂંટણી લડી હતી, પરંતુ ભાજપના અનંત કુમાર સામે પરાજયનો સામનો કરવો પડ્યો હતો. ત્યારબાદ તેમણે સક્રિય રાજકારણથી અંતર રાખીને ફરી ટેક્નોલોજી, ડિજિટલ ગવર્નન્સ અને જાહેર નીતિ સંબંધિત ક્ષેત્રોમાં પોતાનું યોગદાન ચાલુ રાખ્યું.

શા માટે નંદન નીલેકણીની પસંદગી?

કેન્દ્ર સરકારનું માનવું છે કે નંદન નીલેકણીનો ટેક્નોલોજી, ડિજિટલ ઇન્ફ્રાસ્ટ્રક્ચર અને મોટા જાહેર પ્રોજેક્ટ્સનો લાંબો અનુભવ દેશની પરીક્ષા વ્યવસ્થાને વધુ સુરક્ષિત, પારદર્શક અને આધુનિક બનાવવા માટે મહત્વપૂર્ણ સાબિત થશે. NEET પેપર લીક બાદ ઊભા થયેલા વિશ્વાસના સંકટ વચ્ચે આ હાઈ-પાવર ટાસ્ક ફોર્સ દેશની પરીક્ષા પ્રણાલીમાં મોટા અને લાંબા ગાળાના સુધારાઓ માટે નિર્ણાયક સાબિત થઈ શકે છે.

આ પણ વાંચો: કારગિલ વિજય દિવસે રાજનાથ સિંહની પાકિસ્તાનને ચેતવણી, “હવે વાતચીત થશે તો માત્ર PoK પર જ”

આ પણ વાંચો: કારગિલ વિજય દિવસે PM મોદીએ વીર શહીદોને નમન કર્યું, કહ્યું- દેશભક્તિ પેઢીઓ સુધી પ્રેરણા આપતી રહેશે

આ પણ વાંચો: રાહુલ ગાંધીનો અમિત શાહને પુછ્યા સવાલ, વિદ્યાર્થીઓ પર બળપ્રયોગ કેમ થયો?