આ કેસનો ખુલાસો ત્યારે થયો જ્યારે પોલીસને ઇબ્રાહિમપતનામ (Ibrahimpatnam) વિસ્તારમાંથી એક અજાણ્યો અને ક્ષતિગ્રસ્ત મૃતદેહ મળી આવ્યો હતો. માહિતી ફેલાયા બાદ મૃતક મહિલાના પરિવારજનોએ પોલીસનો સંપર્ક કર્યો હતો. પરિવારે મૃતદેહના હાથ પર બનેલા વિશિષ્ટ ટેટૂના આધારે લાશ કલ્યાણીની હોવાની ઓળખ કરી હતી. આ ઓળખ પોલીસ માટે ગુનાના મૂળ સુધી પહોંચવાની પહેલી કડી સાબિત થઈ.

પૈસાનો વિવાદ અને સંબંધોમાં ખટાસ

પોલીસે ઊંડાણપૂર્વક તપાસ શરૂ કરી અને શંકાની સોય ભવાનીપુરમ (Bhavanipuram)માં મટનની નાની દુકાન ચલાવતા શફી તરફ ગઈ. તપાસમાં સામે આવ્યું કે શફી અને કલ્યાણી વચ્ચે ગાઢ મિત્રતા હતી. જોકે તાજેતરમાં બંને વચ્ચે પૈસાની લેણ-દેણને લઈને ગંભીર વિવાદ ચાલતો હતો. આ ઉપરાંત કલ્યાણીના પુત્ર સાથે જોડાયેલા કેટલાક જૂના ઝઘડાઓએ પણ સંબંધોમાં ખટાસ પેદા કરી હતી.

17 સપ્ટેમ્બરે ઘરે લઈ જઈ કરી હત્યા

પોલીસની પ્રાથમિક પૂછપરછ મુજબ, ગત 17 સપ્ટેમ્બરે આરોપી શફી કલ્યાણીને પોતાના ઘરે ભવાનીપુરમ લઈ ગયો હતો. ત્યાં પૈસાની બાબતે ફરી ઉગ્ર બોલાચાલી થઈ હતી. આરોપ છે કે ગુસ્સામાં શફીએ ધારદાર ચાકુથી કલ્યાણી પર હુમલો કરી ગળું કાપીને હત્યા (Murder) કરી નાખી.

શરીરના 9 ટુકડા કરી નહેરમાં ફેંક્યા

હત્યા બાદ આરોપીએ મટન કાપવાના પોતાના સાધનોથી કલ્યાણીના શરીરના કુલ 9 ટુકડા કર્યા હોવાનો આરોપ છે. તેને તેની જ દુકાનમાં કામ કરતા ગુરુવુલુએ સાથ આપ્યો હતો. બંનેએ મળીને ગોલાપુડી (Golapudi) વિસ્તારમાંથી પસાર થતી કૂલિંગ નહેરમાં ટુકડાઓ ફેંકી દીધા, જેથી કોઈ પુરાવા ન મળે.

બંને આરોપી પોલીસ સકંજામાં

પોલીસે ટેક્નિકલ સર્વેલન્સ અને કડીઓ જોડીને કેસનો ભેદ ઉકેલી લીધો છે. મુખ્ય આરોપી શફી અને તેના સહયોગી ગુરુવુલુની ધરપકડ (Arrest) કરવામાં આવી છે. પોલીસ કસ્ટડીમાં બંનેની સઘન પૂછપરછ ચાલી રહી છે કે હત્યા પાછળ અન્ય કોઈ કારણ કે વ્યક્તિનો હાથ છે કે નહીં. મૃતદેહના ટુકડા નહેર સુધી કેવી રીતે લઈ જવાયા અને કયા સાધનો વપરાયા, તેની પણ તપાસ ચાલી રહી છે.

આ પણ વાંચો: અમદાવાદના 2022ના કેસમાં થયો મોટો ખુલાસો, જેમાં પિતાએ જ પુત્રના શરીરના ટુકડા કરી શહેરમાં ફેંક્યા હતા

આ પણ વાંચો: ક્રૂર પતિ! નિવૃત જવાને પત્નીની ઠંડા કલેજે હત્યા કરી શરીરના ટુકડા કૂકરમાં ઉકાળી ફેંકી દીધા…

આ પણ વાંચો: 1100 KMનું અંતર, 2 ટ્રેનો અને મહિલાના શરીરના ટુકડા,હત્યાનું મોટું રહસ્ય