કેરળના તિરુવનંતપુરમમાંથી એક ચોંકાવનારો કિસ્સો સામે આવ્યો છે. અહીં એક 12 વર્ષના છોકરાએ યુટ્યુબ વીડિયો જોઈને વાઈન બનાવી અને તેની સ્કૂલના મિત્રને આપી. દારૂના બે ઘૂંટ પીધા પછી મિત્રને બેચેની અને ઉલ્ટી થવા લાગી. આ પછી તેને ચિરાયંકિઝુની હોસ્પિટલમાં દાખલ કરવામાં આવ્યો હતો. હાલમાં છોકરાની તબિયત પહેલા કરતા સારી હોવાનું કહેવાય છે.
એક સમાચાર એજન્સીના જણાવ્યા અનુસાર, આ ઘટના શુક્રવારે એક સરકારી શાળામાં બની હતી. પોલીસ પૂછપરછ દરમિયાન, દારૂ બનાવનાર વિદ્યાર્થીએ કબૂલ્યું હતું કે તેના માતાપિતાએ દ્રાક્ષ ખરીદી હતી. તે દ્રાક્ષનો ઉપયોગ કરીને તેણે વાઇન બનાવ્યો. સગીરે જણાવ્યું કે તેણે દારૂ બનાવવા માટે સ્પિરિટ કે અન્ય કોઈ પ્રકારનો દારૂનો ઉપયોગ કર્યો નથી. યુટ્યુબ વીડિયો મુજબ તેણે દારૂને બોટલમાં ભરીને જમીન નીચે દાટી દીધો હતો.
પોલીસે જણાવ્યું હતું કે છોકરાની માતાને ખબર હતી કે તે દારૂ બનાવવાનો પ્રયાસ કરી રહ્યો હતો, પરંતુ તેણે તેને ગંભીરતાથી ન લીધું. હાલ પોલીસે બોટલમાંથી દારૂના સેમ્પલ એકત્ર કરીને કોર્ટની પરવાનગી લઈને કેમિકલ તપાસ માટે મોકલી આપ્યા છે.
પોલીસ અધિકારીએ કહ્યું કે જો તપાસમાં જાણવા મળ્યું કે છોકરાએ દારૂમાં સ્પિરિટ અથવા અન્ય કોઈ પ્રકારનો આલ્કોહોલ ભેળવ્યો હતો, તો તેની સામે જુવેનાઈલ જસ્ટિસ એક્ટ હેઠળ કેસ નોંધવામાં આવશે. પોલીસે છોકરાના માતા-પિતા અને શાળા સત્તાવાળાઓને કેસ સંબંધિત કાયદાકીય પરિણામો વિશે જાણ કરી છે.
આ પણ વાંચો:સ્વચ્છતાના લીરેલીરા હેલ્થ ઓફિસ અને તાલુકા પંચાયતમાં જ કચરાના ઢગલા
આ પણ વાંચો:MSUની ટેક્નોલોજી ફેકલ્ટીના પ્રોફેસર સામે વિધાર્થીએ લગાવ્યા ગંભીર આરોપ,પોલીસમાં કરી અરજી,જાણો
આ પણ વાંચો:ભારતમાં વીજ વપરાશ મામલે ગુજરાત મોખરે,આટલા ટકા વીજળીનો કરે છે ઉપયોગ,જાણો